Rape case registered on Victims

ਲੁਧਿਆਣਾ (ਕ੍ਰਾਈਮ ਰਿਪੋਰਟਰ): ਇਕ ਲੜਕੇ ਨੇ ਅਪਣੇ ਮਾਮੇ ਦੇ ਨਾਂ 'ਤੇ ਇਕ ਹੋਟਲ ਦਾ ਕਮਰਾ ਬੁੱਕ ਕਰਵਾ ਕੇ ਭਾਣਜਾ ਸਾਰੀ ਰਾਤ 19 ਸਾਲਾ ਲੜਕੀ ਨਾਲ ਜਬਰ-ਜ਼ਨਾਹ ਕਰਦਾ ਰਿਹਾ। ਜਦੋਂ ਪਰਵਾਰ ਨੇ ਲੜਕੀ ਦੀ ਭਾਲ ਕੀਤੀ ਤਾਂ ਪਤਾ ਲੱਗਾ ਕਿ ਉਹ ਤਾਂ ਘਰੋਂ ਝੂਠ ਬੋਲ ਕੇ ਗਈ ਸੀ। ਘਰ ਵਾਲਿਆਂ ਨੂੰ ਲੜਕੀ ਨੇ 3 ਦਿਨਾਂ ਬਾਅਦ  ਮਾਮਲੇ ਬਾਰੇ ਦਸਿਆ ਤਾਂ ਲੜਕੀ ਦੇ ਪਿਤਾ ਨੇ ਮਾਮੇ-ਭਾਣਜੇ ਖਿਲਾਫ ਥਾਣਾ ਕੋਤਵਾਲੀ 'ਚ ਜਬਰ-ਜ਼ਨਾਹ ਦੇ ਦੋਸ਼ 'ਚ ਕੇਸ ਦਰਜ ਕਰਵਾਇਆ।

ਬੀਤੀ 27 ਮਈ ਨੂੰ ਸਵੇਰੇ 7 ਵਜੇ ਬੇਟੀ ਨੂੰ ਉਸ ਦੀ ਸਹੇਲੀ ਘਰੋਂ ਇਹ ਕਹਿ ਕੇ ਲੈ ਗਈ ਕਿ ਉਸ ਦੀ ਭੈਣ ਦਾ ਵਿਆਹ ਹੈ। ਦੇਰ ਸ਼ਾਮ ਤਕ ਬੇਟੀ ਜਦੋਂ ਘਰ ਵਾਪਸ ਨਾ ਆਈ ਤਾਂ ਉਨ੍ਹਾਂ ਨੇ ਬੇਟੀ ਦੇ ਮੋਬਾਈਲ 'ਤੇ ਫ਼ੋਨ ਕੀਤਾ ਤਾਂ ਨੰਬਰ ਬੰਦ ਆ ਰਿਹਾ ਸੀ।ਉਹ ਉਸ ਨੂੰ ਸਾਰੀ ਰਾਤ ਉਸ ਨੂੰ ਲੱਭਦੇ ਰਹੇ ਪਰ ਕੁੱਝ ਪਤਾ ਨਹੀਂ ਲੱਗਾ। ਸਵੇਰੇ ਘਰ ਆ ਕੇ ਵੀ ਬੇਟੀ ਨੇ ਕੋਈ ਗੱਲ ਨਹੀਂ ਦੱਸੀ।