Dr Pyara Lal Garg Corona Virus Baba Farid University

ਚੰਡੀਗੜ੍ਹ: ਕੋਰੋਨਾ ਮਹਾਂਮਾਰੀ ਦੇ ਚਲਦੇ ਬਹੁਤ ਸਾਰੀਆਂ ਅਫਵਾਹਾਂ ਵੀ ਫੈਲ ਰਹੀਆਂ ਹਨ ਪਰ ਅਜਿਹੇ ਹਲਾਤਾਂ ਵਿਚ ਅਸਲ ਤਸਵੀਰ ਕੀ ਹੈ ਕਿ ਇਸ ਪਿੱਛੇ ਜਿਹੜੀਆਂ ਗੱਲਾਂ ਕੀਤੀਆਂ ਜਾ ਰਹੀਆਂ ਹਨ ਜਾਂ ਮੈਡੀਕਲ ਮਾਫੀਆ ਕੰਮ ਕਰ ਰਿਹਾ ਹੈ, ਜਾਂ ਚੀਨ ਦਾ ਹੱਥ ਹੈ ਜਾਂ ਇਸ ਤੋਂ ਇਲਾਵਾ ਹੋਰ ਬਹੁਤ ਸਾਰੀਆਂ ਗੱਲਾਂ ਸਾਹਮਣੇ ਆ ਰਹੀਆਂ ਹਨ ਇਹਨਾਂ ਸਾਰੀਆਂ ਤੇ ਸਪੋਕਸਮੈਨ ਟੀਮ ਵੱਲੋਂ ਡਾ. ਪਿਆਰਾ ਲਾਲ ਗਰਗ ਨਾਲ ਰਾਬਤਾ ਕਾਇਮ ਕੀਤਾ ਗਿਆ।

ਇਸ ਸਬੰਧੀ ਉਹਨਾਂ ਨੇ ਸਾਰੇ ਸਵਾਲਾਂ ਦੇ ਜਵਾਬ ਖੁੱਲ੍ਹ ਕੇ ਦਿੱਤੇ ਹਨ। ਉਹਨਾਂ ਦਸਿਆ ਕਿ ਇਸ ਮਹਾਂਮਾਰੀ ਨੂੰ ਕਈ ਲੋਕ ਤਾਂ ਕੁੱਝ ਵੀ ਨਹੀਂ ਸਮਝਦੇ, ਕੁੱਝ ਇਸ ਤੋਂ ਡਰ ਰਹੇ ਹਨ ਕਿ ਉਹਨਾਂ ਦੀ ਜਾਨ ਖਤਰੇ ਵਿਚ ਹੈ ਤੇ ਤੀਜੇ ਉਹ ਲੋਕ ਹਨ ਜੋ ਕਹਿੰਦੇ ਹਨ ਕਿ ਇਹ ਤਾਂ ਬਣਾਇਆ ਗਿਆ ਵਾਇਰਸ ਹੈ, ਇਸ ਨੂੰ ਕਮਾਈ ਦਾ ਸਾਧਨ ਬਣਾਇਆ ਜਾ ਰਿਹਾ ਹੈ।

ਇਸ ਮਹਾਂਮਾਰੀ ਦੇ ਚਲਦੇ ਲੋਕਾਂ ਵਿਚ ਇਹ ਮਾਹੌਲ ਬਣਾਇਆ ਗਿਆ ਹੈ ਜਿਵੇਂ ਤਬਲੀਗੀਆਂ ਬਾਰੇ ਕਿਹਾ ਜਾ ਰਿਹਾ ਸੀ ਜਾਂ ਹਜ਼ੂਰ ਸਾਹਿਬ ਤੋਂ ਆਉਣ ਵਾਲੇ ਸ਼ਰਧਾਲੂਆਂ ਬਾਰੇ ਬਣਾਇਆ ਗਿਆ ਪਰ ਇਹਨਾਂ ਦਾ ਕੋਈ ਕਸੂਰ ਨਹੀਂ ਸੀ। ਇਹ ਸਾਰਾ ਮਾਹੌਲ ਕਿਸੇ ਏਮ ਨਾਲ ਬਣਾਇਆ ਗਿਆ ਸੀ। ਹੁਣ ਇਹ ਏਮ ਬਣਾਇਆ ਗਿਆ ਹੈ ਕਿ ਇਹ ਵਾਇਰਸ ਚੀਨ ਦੇ ਵੁਹਾਨ ਤੋਂ ਫੈਲਾਇਆ ਗਿਆ ਹੈ।

18 ਅਕਤੂਬਰ 2019 ਨੂੰ ਅਮਰੀਕਾ ਦੇ ਨਿਊਯਾਰਕ ਸ਼ਹਿਰ ਵਿਚ ਜੋਹਨ ਹੋਪਕਿਨਸ ਹਸਪਤਾਲ ਇੰਸਟੀਚਿਊਟ ਜਿਹੜੀ ਕਿ ਸਾਰੀ ਸਿਟੀਜ਼ ਨੂੰ ਕੰਟਰੋਲ ਕਰਦੀ ਹੈ, ਜਿਹੜੀ ਕਿ ਕੋਰੋਨਾ ਦਾ ਸਾਰਾ ਹਿਸਾਬ-ਕਿਤਾਬ ਰੱਖਦੀ ਹੈ ਉੱਥੇ ਦੋ ਦਿਨ ਦੀ ਕਾਰਜਸ਼ਾਲਾ ਹੋਈ ਸੀ ਜਿਸ ਵਿਚ ਇਸ ਨਾਲ ਸਬੰਧਿਤ ਤੇ ਅਰਥਵਿਵਸਥਾ ਨੂੰ ਲੈ ਕੇ ਚਰਚਾ ਹੋਈ ਸੀ। ਇਸ ਵਿਚ ਦੁਨੀਆਂ ਦੇ ਵਿਦਵਾਨਾਂ ਨੇ ਚਰਚਾ ਕੀਤੀ ਸੀ। ਉਸ ਸਮੇਂ ਉਹਨਾਂ ਨੇ ਇਸ ਨੂੰ ‘ਨਿਊ ਕੋਰੋਨਾ ਵਾਇਰਸ’ ਦਾ ਨਾਮ ਦਿੱਤਾ ਸੀ।

ਵਿਗਿਆਨੀ ਹਮੇਸ਼ਾ ਭਵਿੱਖ ਵੇਖਦੇ ਹਨ ਕਿ ਇਸ ਬਿਮਾਰੀ ਨਾਲ ਭਵਿੱਖ ਤੇ ਕੀ ਅਸਰ ਪਵੇਗਾ। ਉਹਨਾਂ ਨੇ ਸਰਚ ਕੀਤਾ ਕਿ ਬੈਕਟੀਰੀਅਲ ਬਿਮਾਰੀਆਂ ਤੇ ਕਾਬੂ ਕੀਤਾ ਜਾ ਸਕਦਾ ਹੈ ਪਰ ਵਾਇਰਲ ਬਿਮਾਰੀਆਂ ਦਾ ਨਾ ਤਾਂ ਕੋਈ ਇਲਾਜ ਹੁੰਦਾ ਹੈ ਅਤੇ ਨਾ ਹੀ ਇਹ ਖਤਮ ਹੁੰਦਾ ਹੈ। ਉਹਨਾਂ ਅੱਗੇ ਕਿਹਾ ਕਿ ਜਦੋਂ ਦਵਾਈਆਂ ਨਹੀਂ ਸਨ ਉਸ ਸਮੇਂ ਵੀ ਬਿਮਾਰੀਆਂ ਫੈਲਦੀਆਂ ਸਨ।

ਜਿਵੇਂ ਕਿ ਕੋਰੋਨਾ ਤੋਂ ਬਚਣ ਲਈ ਸਾਵਧਾਨੀਆਂ ਵਰਤਣ ਦੀ ਗੱਲ ਕਹੀ ਜਾਂਦੀ ਹੈ ਕਿ ਸੈਨੇਟਾਈਜ਼ਰ ਦੀ ਵਰਤੋਂ ਕਰੋ, ਮਾਸਕ ਪਹਿਨੋ, ਡਿਸਟੈਂਸ ਬਣਾ ਕੇ ਰੱਖੋ ਇਹ ਤਾਂ ਸਿਰਫ ਦੇਸ਼ ਦੇ 33 ਕਰੋੜ ਲੋਕਾਂ ਲਈ ਹੀ ਹੈ ਬਾਕੀ ਜੋ ਬਚੇ 100 ਕਰੋੜ ਲੋਕ ਉਹਨਾਂ ਵੱਲ ਤਾਂ ਅੱਜ ਤਕ ਕੋਈ ਧਿਆਨ ਨਹੀਂ ਦਿੱਤਾ ਗਿਆ। ਉਹਨਾਂ ਨੂੰ ਇਹ ਵੀ ਨਹੀਂ ਦਸਿਆ ਕਿ ਜੇ ਇਹ ਸਭ ਉਹਨਾਂ ਕੋਲੋਂ ਨਾ ਹੋਇਆ ਤਾਂ ਉਹ ਮਹਾਂਮਾਰੀ ਤੋਂ ਕਿਵੇਂ ਬਚਣਗੇ?

ਇਸ ਤੋਂ ਇਲਾਵਾ ਲਾਕਡਾਊਨ ਦੀ ਮਾਰ ਵੀ 100 ਕਰੋੜ ਲੋਕਾਂ ਤੇ ਪਈ ਹੈ ਕਿਉਂ ਕਿ ਇਹਨਾਂ ਨੇ ਹਰ ਰੋਜ਼ ਸੱਜੀ ਕਮਾਈ ਕਰ ਕੇ ਪੈਸੇ ਕਮਾਉਣੇ ਹਨ। ਦੇਸ਼ ਵਿਚ ਭੁੱਖਮਰੀ ਨੂੰ ਲੈ ਕੇ ਉਹਨਾਂ ਨੇ ਦਸਿਆ ਕਿ ਦੇਸ਼ ਵਿਚ ਪ੍ਰੋਟੀਨ ਦੀ ਕਮੀ ਹੋਵੇਗੀ, ਨੌਜਵਾਨ ਭੁੱਖੇ ਮਰਨਗੇ, ਬੱਚਿਆਂ ਵਿਚ ਸੋਕੇ ਦੀ ਬਿਮਾਰੀ ਹੋ ਸਕਦੀ ਹੈ, ਇਸ ਨਾਲ ਦੇਸ਼ ਵਿਚ 70% ਲੋਕ ਭੁੱਖਮਰੀ ਦਾ ਸਾਹਮਣਾ ਕਰਨਗੇ ਕਿਉਂ ਕਿ ਇਕ ਵਾਰ ਸਾਰਾ ਕੰਮ ਠੱਪ ਹੋਣ ਤੋਂ ਬਾਅਦ ਦੁਬਾਰਾ ਪਟਰੀ ਤੇ ਆਉਣ ਵਿਚ ਸਮਾਂ ਲਗਦਾ ਹੈ।

ਉਹਨਾਂ ਨੇ ਸਰਕਾਰ ਨੂੰ ਨਿਸ਼ਾਨਾ ਬਣਾਉਂਦੇ ਕਿਹਾ ਕਿ ਸਰਕਾਰ ਨੇ ਬਿਮਾਰੀ ਨੂੰ ਰੋਕਣ ਦਾ ਯਤਨ ਤਾਂ ਕੀਤਾ ਹੀ ਨਹੀਂ ਹੈ ਬਲਕਿ ਲੋਕਾਂ ਤੇ ਡੰਡਾ ਚਲਾਉਣ ਦਾ ਮੌਕਾ ਭਾਲ ਕੇ ਕੰਮ ਲਿਆ ਹੈ। ਕੁੱਲ ਮਿਲਾ ਕੇ ਇਹੀ ਕਿਹਾ ਜਾ ਸਕਦਾ ਹੈ ਕਿ ਗਰੀਬ ਨੂੰ ਹੀ ਮਾਰ ਪਈ ਹੈ ਤੇ ਲੋਕਾਂ ਦੇ ਦਿਲਾਂ ਵਿਚ ਵੀ ਇਹੀ ਗੱਲ ਹਮੇਸ਼ਾ ਰਹੇਗੀ ਕਿ ਜਦੋਂ ਉਹਨਾਂ ਨੂੰ ਸਰਕਾਰ ਦੀ ਮਦਦ ਦੀ ਲੋੜ ਸੀ ਤਾਂ ਉਹ ਲੋਕਾਂ ਦੇ ਨਾਲ ਨਹੀਂ ਖੜੀ।