3,000 teachers of Hoshiarpur district honored

ਟਾਂਡਾ: ਸਿੱਖਿਆ ਵਿਭਾਗ ਪੰਜਾਬ ਵੱਲੋਂ ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਸੌ ਫ਼ੀਸਦੀ ਨਤੀਜੇ ਅਤੇ ਸਮਾਰਟ ਸਕੂਲ ਬਣਾਉਣ ਵਿੱਚ ਵਿਸ਼ੇਸ਼ ਯੋਗਦਾਨ ਪਾਉਣ ਵਾਲੇ ਅਧਿਆਪਕਾਂ ਨੂੰ ਟਾਂਡਾ ਦੇ ਵਾਈਟ ਹਾਉਸ ਪੈਲੇਸ ਵਿਖੇ ਉੱਚ ਪੱਧਰੀ ਭਰਵੇਂ ਸਮਾਗਮ ਵਿੱਚ ਸਕੱਤਰ ਸਿੱਖਿਆ ਵਿਭਾਗ ਕ੍ਰਿਸ਼ਨ ਕੁਮਾਰ ਵੱਲੋਂ ਸਨਮਾਨਿਤ ਕੀਤਾ ਗਿਆ ਜਿਸ ਵਿੱਚ ਲਗਭਗ ਤਿੰਨ ਹਜ਼ਾਰ ਅਧਿਆਪਕਾਂ ਪ੍ਰਸ਼ੰਸਾ ਪੱਤਰ  ਦਿੱਤੇ ਗਏ। ਇਸ ਮੌਕੇ ਹਜਾਰਾਂ ਦੀ ਗਿਣਤੀ ਵਿੱਚ ਹਾਜ਼ਰ ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਸਕੂਲ ਮੁਖੀਆਂ, ਅਧਿਆਪਕਾਂ ਅਤੇ ਆਹਲਾ  ਸਿੱਖਿਆ ਅਧਿਕਾਰੀਆਂ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਕਿਹਾ ਕਿ ਪੰਜਾਬ ਦੀ ਸਿੱਖਿਆ ਨੂੰ ਪਿਛਲੇ ਦੋ ਸਾਲਾਂ ਵਿੱਚ ਅਧਿਆਪਕਾਂ ਨੇ ਲਗਨ ਅਤੇ ਮਿਹਨਤ ਨਾਲ ਫ਼ਰਸ਼ ਤੋਂ ਅਰਸ਼ ਤੱਕ ਪਹੁੰਚਾ ਦਿੱਤਾ ਹੈ।

ਇਸ ਸਭ ਦੀ ਝਲਕ ਅੱਜ ਦੇ ਸਮਾਗਮ ਦੇ ਪੰਡਾਲ ਵਿੱਚ ਬੈਠੇ ਮਿਹਨਤੀ ਅਧਿਆਪਕਾਂ ਨੂੰ ਵੇਖ ਕੇ ਮਿਲ ਰਹੀ ਹੈ, ਜੋ ਕਿ ਆਉਣ ਵਾਲੇ ਸਮੇਂ ਵਿੱਚ ਸਕੂਲ ਸਿੱਖਿਆ ਨੂੰ ਨਵੇਂ ਦਿਸਹੱਦਿਆਂ ਤੱਕ ਲੈ ਕੇ ਜਾਵੇਗੀ। ਉਨ੍ਹਾਂ ਆਸ ਪ੍ਰਗਟਾਈ ਕਿ ਇਹ ਅਧਿਆਪਕ ਇਸ ਸਾਲ ਦੇ ਨਤੀਜਿਆਂ ਲਈ ਵੀ ਵਿਦਿਆਰਥੀਆਂ ਨੂੰ ਯੋਗ ਅਗਵਾਈ ਦੇਣਗੇ ਤਾਂ ਜੋ ਮਿਆਰੀ ਨਤੀਜੇ ਪ੍ਰਾਪਤ ਹੋ ਸਕਣ। ਉਨ੍ਹਾਂ ਸਮਾਰਟ ਸਕੂਲਾਂ ਪ੍ਰਤੀ ਖੁਸ਼ੀ ਪ੍ਰਗਟਾਉਂਦਿਆਂ ਕਿਹਾ ਕਿ ਪ੍ਰਾਇਮਰੀ ਅਤੇ ਸੈਕੰਡਰੀ ਸਕੂਲਾਂ ਦੇ ਅਧਿਆਪਕਾਂ ਨੇ ਇਸ ਮੁਹਿੰਮ ਨੂੰ ਦਿਲੋਂ ਅਪਣਾ ਕੇ ਪੰਜਾਬ ਦਾ ਨਾਮ ਭਾਰਤ ਵਿੱਚ ਵਧੀਆ ਮੁਕਾਮ ਤੇ ਪਹੁੰਚਾਇਆ ਹੈ।

ਵਿਦਿਆਰਥੀਆਂ ਨੂੰ ਈ-ਕੰਟੈਂਟ ਨਾਲ ਸਿੱਖਣਾ ਸੌਖਾ ਅਤੇ ਰੌਚਕ ਬਣ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਵਿਭਾਗ ਦੇ ਅਧਿਆਪਕਾਂ ਨੇ ਹੀ  ਸਾਰੀਆਂ ਜਮਾਤਾਂ ਦੇ ਮੁੱਖ ਵਿਸ਼ਿਆਂ ਦੇ ਸਾਰੇ ਪਾਠਾਂ ਦਾ ਈ-ਕੰਟੈਂਟ ਤਿਆਰ ਕਰਕੇ ਮਿਸਾਲ ਕਾਇਮ ਕੀਤੀ ਹੈ ਅਤੇ ਹੁਣ ਸਾਡੇ ਸਮੂਹ ਅਧਿਆਪਕਾਂ ਦੀ ਵਾਰੀ ਹੈ ਕਿ ਇਸ ਈ-ਕੰਟੈਂਟ ਦੀ ਸੁਚੱਜੀ ਵਰਤੋਂ ਕਰਦੇ ਹੋਏ ਵਿਦਿਆਰਥੀਆਂ ਨੂੰ ਜਮਾਤ ਦੇ ਕਮਰੇ ਵਿੱਚ ਸਿੱਖਣ ਲਈ ਪ੍ਰੇਰਿਤ ਕੀਤਾ ਜਾਵੇ। ਇਸ ਮੌਕੇ ਉਨ੍ਹਾਂ ਆਏ ਸਮੂਹ ਅਧਿਆਪਕਾਂ ਨੂੰ ਉਨ੍ਹਾਂ ਦੇ ਵੱਲੋਂ ਕੀਤੇ ਸਕੂਲਾਂ ਪ੍ਰਤੀ ਚੰਗੇ ਕਾਰਜਾਂ ਦੀ ਵਧਾਈ ਦਿੱਤੀ ਅਤੇ ਆਉਣ ਵਾਲੇ ਸਮੇਂ ਵਿੱਚ ਸਿੱਖਿਆ ਨੂੰ ਗੁਣਾਤਮਕ ਅਤੇ ਗਿਣਾਤਮਕ ਮਿਆਰ ਦੇਣ ਲਈ ਉਤਸ਼ਾਹਿਤ ਕੀਤਾ। 

ਇਸ ਮੌਕੇ ਡਾ. ਜਰਨੈਲ ਸਿੰਘ ਕਾਲੇਕੇ ਸਹਾਇਕ ਡਾਇਰੈਕਟਰ ਟਰੇਨਿੰਗਾਂ, ਅਮਰਜੀਤ ਸਿੰਘ ਏ. ਐੱਸ. ਪੀ. ਡੀ., ਮੋਹਣ ਸਿੰਘ ਲੇਹਲ ਜਿਲ੍ਹਾ ਸਿੱਖਿਆ ਅਫ਼ਸਰ (ਸੈ. ਸਿੱ.), ਸੁਖਵਿੰਦਰ ਸਿੰਘ ਉਪ ਜਿਲ੍ਹਾ ਸਿੱਖਿਆ ਅਫ਼ਸਰ (ਸੈ. ਸਿੱ.), ਰਾਕੇਸ਼ ਕੁਮਾਰ ਉਪ ਜਿਲ੍ਹਾ ਸਿੱਖਿਆ ਅਫ਼ਸਰ (ਸੈ. ਸਿੱ.), ਧੀਰਜ ਵਸ਼ਿਸ਼ਟ ਉਪ ਜਿਲ੍ਹਾ ਅਫ਼ਸਰ (ਐ. ਸਿੱ.), ਹਰਮਿੰਦਰਪਾਲ ਸਿੰਘ ਜਿਲ੍ਹਾ ਕੋਆਰਡੀਨੇਟਰ ਪੜ੍ਹੋ ਪੰਜਾਬ, ਦੀਪਕ ਵਸ਼ਿਸ਼ਟ ਸਟੇਟ ਅਵਾਰਡੀ, ਸ਼ੈਲੇਂਦਰ ਠਾਕੁਰ ਇੰਚਾਰਜ ਜਿਲ੍ਹਾ ਸਿੱਖਿਆ ਸੁਧਾਰ ਕਮੇਟੀ, ਕੁਲਤਰਨ ਸਿੰਘ ਜਿਲ੍ਹਾ ਸਾਇੰਸ ਸੁਪਰਵਾਈਜ਼ਰ, ਸੁਖਵਿੰਦਰ ਸਿੰਘ ਡੀ. ਐਮ. ਸਾਇੰਸ, ਨਰੇਸ਼ ਕੁਮਾਰ ਡੀ. ਐਮ. ਮੈਥ, ਸੁਰਜੀਤ ਸਿੰਘ ਡੀ. ਐਮ. ਅੰਗਰੇਜ਼ੀ ਆਦਿ ਮੌਜੂਦ ਸਨ।

ਇਸ ਦੇ ਨਾਲ ਹੀ ਸਮੂਹ ਬੀ. ਪੀ. ਈ. ਓਜ਼. ਸੁਰਿੰਦਰ ਪਾਲ ਭੁੰਗਾ-1, ਪ੍ਰਕਾਸ਼ ਚੰਦ ਭੁੰਗਾ-2, ਰਾਮ ਲੁਭਾਇਆ ਬੁੱਲ੍ਹੋਵਾਲ, ਸੁਰਿੰਦਰ ਸਿੰਘ ਦਸੂਹਾ-1, ਮਨਜੀਤ ਸਿੰਘ ਦਸੂਹਾ-2, ਮੂਲ ਰਾਜ ਗੜ੍ਹਸ਼ੰਕਰ, ਮੋਹਣ ਲਾਲ ਹਾਜੀਪੁਰ, ਕਰਨੈਲ ਸਿੰਘ ਹੁਸ਼ਿਆਰਪੁਰ 1 ਏ, ਤੀਰਥ ਰਾਮ ਹੁਸ਼ਿਆਰਪੁਰ 2 ਬੀ, ਸਤਪਾਲ ਮਾਹਿਲਪੁਰ 1, ਸੁੱਚਾ ਰਾਮ ਮਾਹਿਲਪੁਰ 2, ਸੇਵਾ ਸਿੰਘ ਮੁਕੇਰੀਆਂ 1, ਗੁਰਮੀਤ ਸਿੰਘ ਟਾਂਡਾ 1, ਚਮਨ ਲਾਲ ਟਾਂਡਾ 2, ਸਮੂਹ ਬੀ. ਐਮ. ਟੀਜ਼ ਮੁਕੇਸ਼ ਕੁਮਾਰ ਭੁੰਗਾ 1, ਨਵਜੋਤ ਸਿੰਘ ਭੁੰਗਾ 2, ਅਸ਼ੋਕ ਕੁਮਾਰ ਬੁੱਲੋਵਾਲ, ਰਾਜੇਸ਼ ਕੁਮਾਰ ਦਸੂਹਾ 1, ਅਵਤਾਰ ਸਿੰਘ ਦਸੂਹਾ 2, ਮਨੋਜ  ਕੁਮਾਰ ਗੜ੍ਹਸੰਕਰ 2, ਜਸਵੀਰ ਸਿੰਘ ਗੜ੍ਹਸ਼ੰਕਰ 1, ਸੰਗੀਤਾ ਵਾਸੂਦੇਵਾ ਹੁਸ਼ਿਆਰਪੁਰ 1 ਬੀ, ਰਣਵੀਰ ਸਿੰਘ ਹੁਸ਼ਿਆਰਪੁਰ 2 ਬੀ, ਮੋਹਣ ਲਾਲ ਮਾਹਿਲਪੁਰ-1, ਰੁਪਿੰਦਰ ਸਿੰਘ ਮਾਹਿਲਪੁਰ 2, ਅਮਨ ਕੁਮਾਰ ਮੁਕੇਰੀਆਂ 1, ਪ੍ਰਦੀਪ ਸਿੰਘ ਮੁਕੇਰੀਆਂ 2, ਰਾਜਵਿੰਦਰ ਸਿੰਘ ਟਾਂਡਾ 1, ਪ੍ਰਦੀਪ ਵਿਰਲੀ ਟਾਂਡਾ 2 ਆਦਿ ਸਮੇਤ ਸਮੂਹ ਸਕੂਲਾਂ ਦੇ ਮੁਖੀ, ਆਹਲਾ ਅਧਿਕਾਰੀ ਅਤੇ ਸਿੱਖਿਆ ਸ਼ਾਸ਼ਤਰੀ ਸ਼ਾਮਿਲ ਸਨ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।