Congress MLA Madan Lal Jalalpur

ਪਟਿਆਲਾ (ਗਗਨਦੀਪ ਸਿੰਘ): ਕਾਂਗਰਸੀ ਵਿਧਾਇਕ ਮਦਨ ਲਾਲ ਜਲਾਲਪੁਰ ਨੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਨਿਸ਼ਾਨੇ ’ਤੇ ਲੈਂਦਿਆਂ ਕਿਹਾ ਕਿ ਉਹਨਾਂ ਨੇ ਕਈ ਵਾਰ ਮੈਨੂੰ ਦਬਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਮੇਰੇ ਖਿਲਾਫ ਝੂਠੀਆਂ ਵੀਡੀਓ ਬਣਾਈਆਂ ਗਈਆਂ। ਵਿਧਾਇਕ ਨੇ ਕਿਹਾ ਕਿ ਮੈਂ ਕਿਸੇ ਤੋਂ ਨਹੀਂ ਡਰਦਾ ਹਮੇਸ਼ਾ ਆਪਣੀ ਆਵਾਜ਼ ਬੁਲੰਦ ਕਰਾਂਗਾ।

ਮਦਨ ਲਾਲ ਜਲਾਲਪੁਰ ਨੇ ਮਹਾਰਾਣੀ ਪਰਨੀਤ ਕੌਰ ਦੇ ਕਰੀਬੀ ਹਨੀ ਸੇਖੋਂ ਬਾਰੇ ਕਿਹਾ ਕਿ ਜਿੰਨੇ ਵੀ ਪਟਿਆਲਾ ਵਿਚ ਪੁਲਿਸ ਅਧਿਕਾਰੀ ਆਉਂਦੇ ਹਨ, ਉਹ ਸਾਰੇ ਹੀ ਹਨੀ ਸੇਖੋਂ ਨੂੰ ਪੈਸੇ ਦੇ ਕੇ ਭਰਤੀ ਹੁੰਦੇ ਹਨ। ਉਹਨਾਂ ਕਿਹਾ ਕਿ ਕੋਈ ਵੀ ਅਫਸਰ ਬਿਨਾਂ ਪੈਸੇ ਦੇ ਕੇ ਇੱਥੇ ਨਹੀਂ ਲੱਗ ਸਕਦਾ।

ਇਸ ਮੌਕੇ ਕੈਪਟਨ ਅਮਰਿੰਦਰ ਸਿੰਘ ਦੇ ਕਰੀਬੀ ਭਰਤਇੰਦਰ ਸਿੰਘ ਚਹਿਲ ’ਤੇ ਵੀ ਮਦਨ ਲਾਲ ਜਲਾਲਪੁਰ ਨੇ ਹਮਲਾ ਬੋਲਦਿਆਂ ਕਿਹਾ ਐਕਸਾਈਜ਼ ਵਿਭਾਗ ਤੇ ਵਿਜੀਲੈਂਸ ਬਿਊਰੋ ਨੂੰ ਭਰਤਇੰਦਰ ਸਿੰਘ ਚਹਿਲ ਨੇ ਪੂਰੀ ਤਰ੍ਹਾਂ ਲੁੱਟਿਆ ਹੋਇਆ ਹੈ। ਉਹਨਾਂ ਕਿਹਾ ਕੈਪਟਨ ਅਮਰਿੰਦਰ ਸਿੰਘ ਖੁਦ ਮਾੜਾ ਨਹੀਂ ਸੀ ਪਰ ਭਾਰਤਇੰਦਰ ਸਿੰਘ ਚਹਿਲ ਅਤੇ ਅਰੂਸਾ ਆਲਮ ਨੇ ਉਸ ਨੂੰ ਬਰਬਾਦ ਕਰ ਦਿੱਤਾ ਕਿਉਂਕਿ ਇਹਨਾਂ ਦੋਹਾਂ ਨੇ ਪੰਜਾਬ ਨੂੰ ਪੂਰੀ ਤਰਾਂ ਲੁੱਟਿਆ। ਵਿਧਾਇਕ ਨੇ ਕਿਹਾ ਕਿ ਅਸੀਂ ਹੁਣ ਅਫਸਰਸ਼ਾਹੀ ਨੂੰ ਪੰਜਾਬ ਵਿਚ ਭਾਰੀ ਨਹੀਂ ਹੋਣ ਦੇਵਾਂਗੇ।