Many villages without basic facilities Even after 76 years of independence

 

ਗੁਰਦਾਸਪੁਰ (ਕਮਲਜੀਤ ਕੌਰ/ ਨਿਤਿਨ ਲੂਥਰਾ)  :  ਆਜ਼ਾਦੀ ਦੇ 76 ਸਾਲਾਂ ਵਿਚ ਜਿਥੇ ਭਾਰਤ ਦੁਨੀਆਂ ਦੀਆਂ ਪ੍ਰਮੁੱਖ ਅਰਥਵਿਵਸਥਾਵਾਂ ਵਿਚ ਸ਼ੁਮਾਰ ਹੋ ਗਿਆ ਹੈ ਉਥੇ ਹੀ ਕਈ ਪਿੰਡ ਅਜਿਹੇ ਹਨ ਜੋ ਅੱਜ ਤਕ ਬੁਨਿਆਦੀ ਸਹੂਲਤਾਂ ਤੋਂ ਸੱਖਣੇ ਹਨ। ਜ਼ਿਲ੍ਹਾ ਗੁਰਦਾਸਪੁਰ ਦੇ ਮਕੌੜਾ ਪੱਤਣ ਨਾਲ ਲੱਗਦੇ 7 ਪਿੰਡਾਂ ਦੇ ਲੋਕ ਅੱਜ ਵੀ ਬੇੜੀਆਂ ਰਾਹੀਆਂ ਦਰਿਆ ਪਾਰ ਕਰ ਕੇ ਅਪਣੇ ਕੰਮਾਂ ’ਤੇ ਜਾਂਦੇ ਹਨ। ਇਕ ਪਾਸੇ ਉੱਝ ਅਤੇ ਦੂਜੇ ਪਾਸੇ ਰਾਵੀ ਦਰਿਆ ਹੈ। ਜਦੋਂ ਇਸ ਦਰਿਆ ਵਿਚ ਪਾਣੀ ਦਾ ਪੱਧਰ ਵਧਦਾ ਹੈ ਤਾਂ ਇਨ੍ਹਾਂ ਪਿੰਡਾਂ ਦਾ ਦੇਸ਼ ਨਾਲੋਂ ਹੀ ਸੰਪਰਕ ਟੁੱਟ ਜਾਂਦਾ ਹੈ।

ਇਹ ਵੀ ਪੜ੍ਹੋ: ਚੰਡੀਗੜ੍ਹ ਵਾਸੀਆਂ ਨੂੰ ਗਰਮੀ ਤੋਂ ਮਿਲੇਗੀ ਰਾਹਤ, ਪਵੇਗਾ ਮੀਂਹ 

ਇਥੋਂ ਦੇ ਲੋਕਾਂ ਦਾ ਕਹਿਣਾ ਹੈ ਕਿ, “ਆਜ਼ਾਦੀ ਦੇ 76 ਸਾਲਾਂ ਬਾਅਦ ਵੀ ਅਸੀਂ ਤਾਂ ਗੁਲਾਮ ਹਾਂ। ਕਈ ਵਾਰ ਰੌਲਾ ਪੈਂਦਾ ਹੈ ਕਿ ਇਥੇ ਜਲਦ ਪੁਲ ਬਣ ਜਾਵੇਗਾ ਪਰ 76 ਸਾਲਾਂ ਦੌਰਾਨ ਕਈ ਸਰਕਾਰਾਂ ਆਈਆਂ ਅਤੇ ਗਈਆਂ, ਹਾਲਾਤ ਜਿਉਂ ਦੇ ਤਿਉਂ ਹਨ। ਜੇਕਰ ਕੋਈ ਬਿਮਾਰ ਵੀ ਹੋ ਜਾਂਦਾ ਤਾਂ ਉਸ ਦਾ ਰੱਬ ਹੀ ਆਸਰਾ ਹੁੰਦਾ ਹੈ। ਦਰਿਆ ਤੋਂ ਆਰ-ਪਾਰ ਜਾਣ ਲਈ ਬੇੜੀ ਤੋਂ ਇਲਾਵਾ ਕੋਈ ਵਿਕਲਪ ਨਹੀਂ ਹੈ, ਇਸ ਦੌਰਾਨ ਜਾਨ ਨੂੰ ਵੀ ਹਰ ਵੇਲੇ ਖਤਰਾ ਬਣਿਆ ਰਹਿੰਦਾ ਹੈ”।

ਇਹ ਵੀ ਪੜ੍ਹੋ: ਖਾਣ-ਪੀਣ ਦੀਆਂ ਚੀਜ਼ਾਂ ਮਹਿੰਗੀਆਂ ਹੋਣ ਕਾਰਨ ਥੋਕ ਮਹਿੰਗਾਈ ਦਰ ’ਚ ਤਿੱਖਾ ਵਾਧਾ 

ਇਕ ਹੋਰ ਬਜ਼ੁਰਗ ਨੇ ਦਸਿਆ ਕਿ ਜਦੋਂ ਦਰਿਆ ਵਿਚ ਜ਼ਿਆਦਾ ਪਾਣੀ ਆ ਜਾਂਦਾ ਹੈ ਤਾਂ ਵਿਦਿਆਰਥੀ ਅਤੇ ਨੌਕਰੀਪੇਸ਼ਾ ਲੋਕ ਦਰਿਆ ਤੋਂ ਪਾਰ ਹੀ ਰਹਿੰਦੇ ਹਨ। ਹਾਲਾਤ ਇਹ ਹਨ ਕਿ ਘਰੋਂ ਜਾਂਦੇ ਵਿਅਕਤੀ ਨੂੰ ਇਹ ਵੀ ਨਹੀਂ ਪਤਾ ਹੁੰਦਾ ਕਿ ਉਹ ਵਾਪਸ ਕਦੋਂ ਆਵੇਗਾ ਕਿਉਂਕਿ ਬੇੜੀ 12 ਘੰਟੇ ਚੱਲਦੀ ਹੈ। ਇਸ ਬੇੜੀ ਨੂੰ ਚਲਾਉਣ ਲਈ ਹਰ ਵੇਲੇ 8 ਨੌਜੁਆਨ ਇਥੇ ਮੌਜੂਦ ਹੁੰਦੇ ਹਨ। ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਵੋਟਾਂ ਵੇਲੇ ਸਿਆਸੀ ਪਾਰਟੀਆਂ ਪੁਲ ਬਣਾਉਣ ਦੇ ਵਾਅਦੇ ਕਰ ਕੇ ਜਾਂਦੀਆਂ ਹਨ ਪਰ ਵੋਟਾਂ ਤੋਂ ਬਾਅਦ ਕਿਸੇ ਨੇ ਵੀ ਸਾਰ ਨਹੀਂ ਲਈ।