Dera Sirsa

ਸਿਰਸਾ  (ਸੁਰਿੰਦਰ ਪਾਲ ਸਿੰਘ) : ਡੇਰਾ ਸਾਧਵੀਆਂ ਨਾਲ  ਬਲਾਤਕਾਰ ਅਤੇ ਪੱਤਰਕਾਰ ਰਾਮਚੰਦਰ ਛੱਤਰਪਤੇ ਕਤਲ ਮਾਮਲੇ ਵਿੱਚ ਮਾਨਯੋਗ ਅਦਾਲਤ ਵੱਲੋਂ 20 ਸਾਲ ਲਈ ਰੋਹਤਕ ਦੀ ਸੁਨਾਰੀਆ ਜੇਲ੍ਹ ਵਿੱਚ ਸਜ਼ਾ ਭੋਗ ਰਹੇ ਡੇਰਾ ਸਿਰਸਾ ਮੁਖੀ ਗੁਰਮੀਤ ਸਿੰਘ ਦੀ ਵੱਡੀ ਰਾਜ਼ਦਾਰ ਮੰਨੀ ਜਾਂਦੀ ਅਤੇ ਉਸ ਦਾਵਾਰਾ ਬਣਾਈ ਮੂੰਹ ਬੋਲੀ ਧੀ ਹਨਪ੍ਰੀਤ ਦੀ ਬੀਤੇ ਦਿਨੀਂ ਗੁਰਮੀਤ ਨਾਲ ਹੋਈ ਮੁਲਕਾਤ ਦੇ ਚਰਚੇ ਡੇਰਾ ਪੈਰੋਕਾਰਾਂ ਸਮੇਤ ਚਾਰੇ ਪਾਸੇ ਹਨ।

ਹੁਣ ਜਦੋਂ ਡੇਰੇ ਵਿੱਚ 28 ਵੇਂ ਯਾਦ-ਏ -ਮੁਰਸ਼ਿਦ ਸ਼ਾਹ ਸਤਨਾਮ ਅੰਤਰ ਰਾਸ਼ਟਰੀ ਅੰਧਤਾ ਰੋਕੂ ਪਰੋਗਰਾਮ ਦੇ ਤਹਿਤ ਨੇਤਰ ਜਾਂਚ ਕੈਂਪ ਫਰੀ ਆਈ ਕੈਂਪ ਦਾ ਡੇਰੇ ਅੰਦਰ ਉਧਘਾਟਨ ਹੋਇਆ ਤਾਂ ਸੂਤਰ ਦਸਦੇ ਹਨ ਕਿ ਇਸ ਸਮਾਰੋਹ ਵਿੱਚ ਡੇਰਾ ਮੁੱਖੀ ਗੁਰਮੀਤ ਦੇ ਪਰਵਾਰ ਦਾ ਕੋਈ ਮੈਂਬਰ ਸ਼ਾਮਿਲ ਨਹੀਂ ਹੋਇਆ। ਇਸ ਰਾਸ਼ਟਰੀ ਅੰਧਤਾ ਰੋਕੂ ਕੈਂਪ ਵਿੱਚ ਹਨੀਪ੍ਰੀਤ, ਸ਼ੋਭਾ ਇੰਸਾਂ ਅਤੇ ਵਿਪਾਸਨਾ ਇੰਸਾਂ ਇਕੱਠੇ ਰਹੇ ਅਤੇ ਤਿੰਨਾਂ ਨੇ ਕੈਂਪ ਦਾ ਉਧਘਾਟਨ ਕੀਤਾ, ਕੈਂਪ ਸ਼ੁਰੂ ਹੋਣ ਦੇ ਬਾਅਦ ਕਰੀਬ ਅੱਧੇ ਘੰਟੇ ਤੱਕ ਹਨੀਪ੍ਰੀਤ ਕੈਂਪ ਵਿੱਚ ਰਹੀ ਅਤੇ ਉਸਦੇ ਬਾਅਦ ਉਹ ਵਾਪਸ ਡੇਰੇ ਅੰਦਰ ਚੱਲੀ ਗਈ।

ਵਿਸ਼ੇਸ਼ ਗੱਲ ਇਹ ਕਿ ਹੁਣ ਤੱਕ ਡੇਰੇ ਦੇ ਹਰ ਪਰੋਗਰਾਮ ਵਿੱਚ ਮੁੱਖ ਤੋਰ ਤੇ ਸ਼ਾਮਲ ਹੋਣ ਵਾਲੇ ਡੇਰਾ ਮੁਖੀ ਦੇ ਪਰਿਵਾਰ ਦਾ ਕੋਈ ਵੀ ਮੈਂਬਰ ਸ਼ਾਮਿਲ ਨਹੀਂ ਸੀ। ਇਸ ਅੰਧਰਾਤਾ ਕੈਂਪ ਵਿੱਚ ਨਾਂ ਤਾਂ ਡੇਰਾ ਪ੍ਰਮੁੱਖ ਦਾ ਫਰਜ਼ੰਦ ਜਸਮੀਤ ਸਿੰਘ ਅਤੇ ਨਾਂ ਹੀ ਉਨ੍ਹਾਂ ਦੇ ਪਰਿਵਾਰ ਦੇ ਬਾਕੀ ਮੈਂਬਰ ਅਤੇ ਨਾਂ ਹੀ ਡੇਰਾ ਪ੍ਰਮੁੱਖ ਦੀ ਮਾਂ ਨਸੀਬ ਕੌਰ ਹਾਜ਼ਰ ਸੀ। ਜਦੋਂ ਕਿ 12 ਨਵੰਬਰ ਨੂੰ ਡੇਰੇ ਵਿੱਚ ਸ਼ਾਹ ਮਸਤਾਨਾ ਦੇ ਜਨਮ ਉਤਸਵ ਸਮੇਂ ਗੁਰਮੀਤ ਦੇ ਪਰਵਾਰਿਕ ਮੈਂਬਰ ਸ਼ਾਮਿਲ ਹੋਏ ਸਨ, ਜਿਨ੍ਹਾਂ ਵਿੱਚ ਹਨੀਪ੍ਰੀਤ ਵੀ ਸ਼ਾਮਿਲ ਸੀ।

ਦੱਸ ਦੇਇਏ ਕਿ ਕੁਝ ਦਿਨ ਪਹਿਲਾਂ ਹੀ ਗੁਰਮੀਤ ਦੀ ਮੂੰਹ ਬੋਲੀ ਧੀ ਹਨੀਪ੍ਰੀਤ ਨੇ ਸੁਨਾਰਿਆ ਜੇਲ੍ਹ ਵਿੱਚ ਉਸ ਨਾਲ ਕਰੀਬ 20 ਮਿੰਟ ਮੁਲਾਕਾਤ ਕੀਤੀ ਸੀ। ਹਨਪ੍ਰੀਤ ਦੀ ਇਹ ਮੁਲਾਕਾਤ ਡੇਰਾ ਮੁਖੀ ਦੇ ਜੇਲ੍ਹ ਜਾਣ ਤੋਂ ਮਗਰੋਂ 2 ਸਾਲ 3 ਮਹੀਨੇ 15 ਦਿਲ ਬਾਅਦ ਹੋਈ ਸੀ।  ਇਸ ਮੁਲਾਕਾਤ ਦੇ ਬਾਅਦ ਡੇਰੇ ਵਿੱਚ ਇਹ ਪਹਿਲਾ ਪਰੋਗਰਾਮ ਹੈ, ਜਿਸ ਵਿੱਚ ਡੇਰਾ ਪ੍ਰਮੁੱਖ ਦਾ ਪੁੱਤਰ ਜਸਮੀਤ ਅਤੇ ਪਰਿਵਾਰ ਮੌਜੂਦ ਨਹੀਂ ਹੋਇਆ।

ਇਸ ਸਬੰਧੀ ਡੇਰੇ ਅੰਦਰ ਅਤੇ ਬਾਹਰ ਚੁੰਝ ਚਰਚਾ ਚੱਲਣਾ ਕੁਦਰਤੀ ਹੈ। ਸਿਰਸਾ ਡੇਰੇ ਵਿੱਚ 25 ਜਨਵਰੀ 2020 ਨੂੰ ਸ਼ਾਹ ਸਤਨਾਮ ਦਾ ਜਨਮ ਦਿਨ ਆ ਰਿਹਾ ਹੈ ਉਸ ਵਕਤ ਇਸ ਉਤਸਵ ਵਿਚ ਮੋਹਰੀ ਭੂਮਿਕਾ ਕੌਣ ਨਿਭਾਏਗਾ? ਇਹ ਚਰਚਾ ਹੁਣੇ ਤੋਂ ਹੀ ਜ਼ੋਰ ਫੜਨ ਲੱਗੀ ਹੈ। ਗੌਰ ਤਲਬ ਹੈ ਕਿ ਭਾਵੇਂ ਮਾਨਯੋਗ ਹਾਈ ਕੋਰਟ ਨੇ ਡੇਰੇ ਦੀ ਮੁੱਖ ਸੰਪਤੀ ਦਾ ਬਿਊਰਾ ਰਿਕਾਰਡ ਕਰ ਲਿਆ ਹੈ ਪਰ ਸੂਤਰ ਦਸਦੇ ਹਨ ਕਿ ਦੇਸ਼- ਵਿਦੇਸ਼ ਵਿੱਚ ਡੇਰੇ ਦਾ ਬਹੁਤ ਵੱਡਾ ਸਾਮਰਾਜ ਫੈਲਿਆ ਹੋਇਆ ਹੈ ਅਜਿਹਾ ਸਾਮਰਾਜ ਜੋ ਅਕਸਰ ਰਾਜਨੀਤਕ ਅਤੇ ਧਾਰਮਿਕ ਲੋਕਾਂ ਦਾ ਅਦਿਖ ਹੁੰਦਾ ਹੈ।