ਇਸ ਨੰਬਰ ਤੋਂ ਜੇ ਆਉਂਦੈ ਫੋਨ ਤਾਂ ਤੁਰੰਤ ਹੋ ਜਾਓ ਸਾਵਧਾਨ, ਪੈ ਸਕਦੈ ਵੱਡਾ ਘਾਟਾ
ਲਗਾਤਾਰ ਆਨਲਾਇਨ ਆ ਰਹੀਆਂ ਫਰਾਡ ਦੀਆਂ ਖਬਰਾਂ ਤਾਂ ਅਸੀਂ ਆਮ ਸੁਣ ਰਹੇ ਹਾਂ, ਪਰ ਸ਼ਹਿਰ ਵਿਚ ਹੀ ਇੱਕ ਕਾਰੋਬਾਰੀ ਨੂੰ ਆਨਲਾਇਨ ...
ਜਲੰਧਰ : ਲਗਾਤਾਰ ਆਨਲਾਇਨ ਆ ਰਹੀਆਂ ਫਰਾਡ ਦੀਆਂ ਖਬਰਾਂ ਤਾਂ ਅਸੀਂ ਆਮ ਸੁਣ ਰਹੇ ਹਾਂ, ਪਰ ਸ਼ਹਿਰ ਵਿਚ ਹੀ ਇੱਕ ਕਾਰੋਬਾਰੀ ਨੂੰ ਆਨਲਾਇਨ ਫਰਾਡ ਵਲੋਂ 2,000 ਰੁਪਏ ਦਾ ਚੂਨਾ ਲੱਗ ਗਿਆ। ਦਰਅਸਲ ਨਿਊ ਰਾਜਾ ਗਾਰਡਨ, ਮਿੱਠਾਪੁਰ ਰੋਡ ‘ਤੇ ਰਹਿਣ ਵਾਲੇ ਗੌਤਮ ਮਦਾਨ ਨੂੰ +91 7248681311 ਨੰਬਰ ਤੋਂ ਫੋਨ ਆਇਆ ਤੇ ਕਿਹਾ ਕਿ ਮੈਨੂੰ ਇੱਕ ਵਿਆਹ ਲਈ ਫੋਟੋਜ ਅਤੇ ਵੀਡੀਓਜ਼ ਬਣਵਾਉਣੀ ਹੈ। ਜਿਸ ਤੋਂ ਬਾਅਦ ਪੀੜਿਤ ਨੇ ਦੋਸ਼ੀ ਨੂੰ ਇਸ ਦੇ ਲਈ 25 ਹਜਾਰ ਰੁਪਏ ਅਡਵਾਂਸ ਭੇਜਣ ਲਈ ਕਿਹਾ ਤਾਂ ਦੋਸ਼ੀ ਨੇ ਪੀੜਿਤ ਤੋਂ ਉਨ੍ਹਾਂ ਦਾ ਪੇਟੀਐਮ ਨੰਬਰ ਮੰਗਿਆ।
ਪੀੜਿਤ ਨੇ ਪੇਟੀਏਮ ਨੰਬਰ ਦਿੱਤਾ ਤਾਂ ਦੋਸ਼ੀ ਨੇ ਉਨ੍ਹਾਂ ਤੋਂ ਓਟੀਪੀ ਵੀ ਮੰਗਿਆ, ਜਿਸ ਤੋਂ ਬਾਅਦ ਪੀੜਿਤ ਨੂੰ ਉਸ ਵਿਅਕਤੀ ਦੀ ਨਿਅਤ ਉੱਤੇ ਸ਼ੱਕ ਹੋਇਆ ਅਤੇ ਜਦੋਂ ਤੱਕ ਉਹ ਕੁਝ ਸਮਝ ਸਕਦਾ , ਦੋਸ਼ੀ ਨੇ ਉਨ੍ਹਾਂ ਦੇ ਖਾਤੋ ਵਿਚੋਂ 2, 000 ਰੁਪਏ ਆਪਣੇ ਖਾਤੇ ਵਿੱਚ ਟਰਾਂਸਫਰ ਕਰ ਲਏ। ਪੀੜਿਤ ਨੇ ਦੋਸ਼ੀ ਨੂੰ ਜਦੋਂ ਉਸੇ ਨੰਬਰ ਉੱਤੇ ਫੋਨ ਕੀਤਾ ਤਾਂ ਦੋਸੀ ਨੇ ਗਾਲਾਂ ਕੱਢੀਆਂ ਅਤੇ ਕਿਹਾ ਕਿ ਹੁਣ ਤਾਂ ਮੈਂ 2,000 ਰੁਪਏ ਕੱਢੇ ਹਨ, ਜੇਕਰ ਓਟੀਪੀ ਦਿੰਦੇ ਤਾਂ ਸਾਰਾ ਕੈਸ਼ ਕੱਢ ਲੈਂਦਾ। ਜਿਸਤੋਂ ਬਾਅਦ ਪੀੜਿਤ ਨੂੰ ਆਪਣੇ ਨਾਲ ਹੋਈ ਠੱਗੀ ਦਾ ਅਹਿਸਾਸ ਹੋਇਆ।
ਪੀੜਿਤ ਨੇ ਗੱਲਬਾਤ ਦੇ ਦੌਰਾਨ ਦੱਸਿਆ ਕਿ ਉਨ੍ਹਾਂ ਦੀ ਮਾਡਲ ਟਾਉਨ ਵਿੱਚ ਨਿਊ ਡਿਜੀਟਲ ਸਟੂਡੀਓ ਨਾਮ ਦੀ ਦੁਕਾਨ ਹੈ। ਉਨ੍ਹਾਂ ਦੀ ਦੁਕਾਨ ਉੱਤੇ ਆਏ ਇੱਕ ਫੋਨ ਕਾਲ ਤੋਂ ਉਨ੍ਹਾਂ ਨੂੰ 2,000 ਰੁਪਏ ਦਾ ਚੂਨਾ ਲੱਗ ਗਿਆ ਹੈ। ਉਨ੍ਹਾਂ ਨੂੰ ਸਮਾਂ ਰਹਿੰਦੇ ਦੋਸ਼ੀ ਦੇ ਇਰਾਦਿਆਂ ਦਾ ਪਤਾ ਚੱਲ ਗਿਆ ਤਾਂ ਉਨ੍ਹਾਂ ਦੇ ਪੈਸੇ ਬੱਚ ਗਏ।
ਦੱਸਣਾ ਹੈ ਕਿ ਜੇਕਰ ਤੁਹਾਨੂੰ ਵੀ +91 7248681311 ਇਸ ਨੰਬਰ ਤੋਂ ਫੋਨ ਕਾਲ ਆਏ ਤਾਂ ਸੁਚੇਤ ਹੋ ਜਾਓ ਅਤੇ ਕਿਸੇ ਵੀ ਤਰ੍ਹਾਂ ਦੇ ਫਰਾਡ ਹੋਣ ਦਾ ਸ਼ੱਕ ਹੈ ਤਾਂ ਤੁਰੰਤ ਪੁਲਿਸ ਨੂੰ ਦੱਸੋ। ਜੇਕਰ ਤੁਹਾਨੂੰ ਵੀ ਕਿਸੇ ਤਰ੍ਹਾਂ ਦੀ ਕੋਈ ਫੋਨ ਕਾਲ ਆਉਂਦੀ ਹੈ ਅਤੇ ਤੁਹਾਨੂੰ ਕਿਸੇ ਤਰ੍ਹਾਂ ਦੀ ਕੋਈ ਸਕੀਮ ਦਿੱਤੀ ਜਾਂਦੀ ਹੈ ਤਾਂ ਪਹਿਲਾਂ ਪੂਰੀ ਜਾਂਚ ਪੜਤਾਲ ਕਰ ਲਵੇਂ, ਤਾਂਕਿ ਤੁਸੀ ਕਿਸੇ ਤਰ੍ਹਾਂ ਦੇ ਆਨਲਾਇਨ ਫਰਾਡ ਦਾ ਸ਼ਿਕਾਰ ਨਾ ਬਣ ਜਾਓ।