Stray dogs

ਅੰਮ੍ਰਿਤਸਰ: ਪੰਜਾਬ ਵਿਚ ਵੀ ਅਵਾਰਾ ਕੁੱਤਿਆਂ ਦਾ ਕਹਿਰ ਇੰਨਾ ਜ਼ਿਆਦਾ ਵਧਦਾ ਜਾ ਰਿਹਾ ਹੈ ਕਿ ਕਈ ਥਾਵਾਂ 'ਤੇ ਲੋਕਾਂ ਨੂੰ ਗਲੀਆਂ ਮੁਹੱਲਿਆਂ ਵਿਚੋਂ ਲੰਘਣਾ ਔਖਾ ਹੋਇਆ ਪਿਆ ਹੈ। ਅੰਮ੍ਰਿਤਸਰ ਦੇ ਪੋਸ਼ ਮੁਹੱਲਾ ਮਹਿੰਦਰ ਕਾਲੋਨੀ ਵਿਚ ਅਵਾਰਾ ਕੁੱਤਿਆਂ ਦੇ ਇਕ ਝੁੰਡ ਵਲੋਂ ਇਕ ਮਾਸੂਮ ਬੱਚੇ ਨੂੰ ਨੋਚ ਲੈਣ ਦਾ ਦਰਦਨਾਕ ਮਾਮਲਾ ਸਾਹਮਣੇ ਆਇਆ ਹੈ।

ਦਰਅਸਲ ਇਕ ਬੱਚਾ ਇੱਥੋਂ ਦੇ ਪਾਰਕ ਵਿਚ ਖੇਡਣ ਲਈ ਆਇਆ ਸੀ, ਪਰ ਬੱਚੇ ਨੇ ਜਦੋਂ ਕੁੱਤਿਆਂ ਨੂੰ ਦੇਖਿਆ ਤਾਂ ਉਹ ਗੇਟ 'ਤੇ ਖੜ੍ਹਾ ਹੋ ਗਿਆ ਪਰ ਅਵਾਰਾ ਕੁੱਤਿਆਂ ਦਾ ਇਹ ਝੁੰਡ ਇਸ ਮਾਸੂਮ ਨੂੰ ਗੇਟ ਤੋਂ ਹੀ ਖਿੱਚ ਕੇ ਲੈ ਕਾਫ਼ੀ ਦੂਰ ਤਕ ਲੈ ਗਿਆ। ਬੱਚੇ ਦੀਆਂ ਚੀਕਾਂ ਸੁਣ ਭੱਜੇ ਆਏ ਲੋਕਾਂ ਨੇ ਇਨ੍ਹਾਂ ਅਵਾਰਾ ਕੁੱਤਿਆਂ ਨੂੰ ਭਜਾਇਆ। ਗ਼ਨੀਮਤ ਰਹੀ ਕਿ ਬੱਚੇ ਦੀ ਜਾਨ ਬਚ ਗਈ, ਪਰ ਉਹ ਬੁਰੀ ਤਰ੍ਹਾਂ ਜ਼ਖ਼ਮੀ ਹੋ ਗਿਆ ਹੈ।