ਬਿਕਰਮ ਮਜੀਠੀਆ ਅਤੇ ਬੱਬੂ ਮਾਨ

ਅੰਮ੍ਰਿਤਸਰ (ਭਾਸ਼ਾ) : 12 ਦਸੰਬਰ ਨੂੰ ਕਪਿਲ ਸ਼ਰਮਾ ਅਤੇ ਗਿੰਨੀ ਨੇ ਵਿਆਹ ਕਰਵਾਉਣ ਤੋਂ ਬਾਅਦ ਸ਼ੁਕਰਵਾਰ ਨੂੰ ਅੰਮ੍ਰਿਤਸਰ ਵਿਖੇ ਆਪਣੇ ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਲਈ ਰਿਸੈਪਸ਼ਨ ਪਾਰਟੀ ਰੱਖੀ। ਇਸ ਰਿਸੈਪਸ਼ਨ ਪਾਰਟੀ ਵਿਚ ਬੱਲੀਵੁਡ ਅਤੇ ਪਾਲੀਵੁੱਡ ਦੋਹਾਂ ਦੇ ਸਿਤਾਰੇ ਪਹੁੰਚੇ। ਕਪਿਲ ਅਤੇ ਗਿੰਨੀ ਦੇ ਵਿਆਹ ਦਾ ਆਨੰਦ ਮਾਨਣ ਲਈ ਆਮ ਆਦਮੀ ਪਾਰਟੀ ਦੇ ਸੰਸਦ ਮੈਂਬਰ ਭਗਵੰਤ ਮਾਨ ਵੀ ਪਹੁੰਚੇ। ਇਸ ਪਾਰਟੀ ਦੌਰਾਨ  ਭਗਵੰਤ ਮਾਨ ਅਤੇ ਪੰਜਾਬ ਦੇ ਮਸ਼ਹੂਰ ਗਾਇਕ ਅਤੇ ਅਦਾਕਾਰ ਬੱਬੂ ਮਾਨ ਇਕੱਠੇ ਇੱਕ ਤਸਵੀਰ ਵਿਚ ਨਜ਼ਰ ਆਏ। ਜ਼ਿਆਦਾ ਤਰ ਬੱਬੂ ਮਾਨ ਲੋਕਾਂ ਦੀ ਖਿੱਚ ਦਾ ਕੇਂਦਰ ਬਣੇ। 

ਇਸ ਤੋਂ ਇਲਾਵਾ ਸਤਿੰਦਰ ਸਰਤਾਜ, ਸਤਿੰਦਰ ਸੱਤੀ, ਮਲਕੀਤ ਸਿੰਘ, ਪ੍ਰੀਤ ਹਰਪਾਲ, ਸੁਨੰਦਾ ਸ਼ਰਮਾ ਵੀ ਨਵੀ ਵਿਆਹੀ ਜੋੜੀ ਨੂੰ ਮੁਬਾਰਕਬਾਦ ਦੇਣ ਪਹੁੰਚੇ। ਰਿਸੈਪਸ਼ਨ ਪਾਰਟੀ ਦੌਰਾਨ ਬੱਲੀਵੁਡ ਦੇ ਮਸ਼ਹੂਰ ਗਾਇਕ ਦਲੇਰ ਮਹਿੰਦੀ ਨੇ ਆਪਣੇ ਹਿੱਟ ਗੀਤਾਂ ਨਾਲ ਮਹਿਮਾਨਾਂ ਨੂੰ ਨੱਚਣ ਲਈ ਮਜ਼ਬੂਰ ਕਰ ਦਿੱਤਾ। ਸਿਆਸਤਦਾਨਾਂ ਵਿਚੋਂ ਭਗਵੰਤ ਮਾਨ ਤੋਂ ਇਲਾਵਾ ਅਕਾਲੀ ਆਗੂ ਬਿਕਰਮ ਸਿੰਘ ਮਜੀਠੀਆ ਵੀ ਕਪਿਲ ਅਤੇ ਗਿੰਨੀ ਦੇ ਵਿਆਹ ਵਿਚ ਪਹੁੰਚੇ ਸਨ।

ਦੱਸ ਦਈਏ ਕਿ ਕਪਿਲ ਸ਼ਰਮਾ ਆਪਣੇ ਟੀਵੀ ਕਲਾਕਾਰ ਦੋਸਤਾਂ ਨਾਲ ਵਿਆਹ ਦੀ ਖੁਸ਼ੀ ਸਾਂਝੀ ਕਰਨ ਲਈ 24 ਦਸੰਬਰ ਨੂੰ ਮੁੰਬਈ ਵਿਚ ਇਕ ਰਿਸੈਪਸ਼ਨ ਪਾਰਟੀ ਦੇ ਸਕਦੇ ਹਨ |