Billions of Diamonds And Jewellery Recovered

ਲੁਧਿਆਣਾ : ਜੀਐਸਟੀ ਵਿਭਾਗ ਦੀ ਮੋਬਾਇਲ ਵਿੰਗ ਨੇ ਸ਼ੁੱਕਰਵਾਰ ਨੂੰ ਲੁਧਿਆਣਾ ਦੇ ਫ੍ਹਵਾਰਾ ਚੌਕ ਤੋਂ 1.6 ਕਰੋੜ ਰੁਪਏ ਦੇ ਹੀਰੇ ਅਤੇ ਸੋਨੇ ਦੇ ਗਹਿਣੇ ਬਰਾਮਦ ਕੀਤੇ। ਚੋਰੀ ਛੁਪੇ ਲਿਜਾ ਰਹੇ ਮਾਲ ਨੂੰ ਬਰਾਮਦ ਕਰ ਕੇ ਵਿਭਾਗ ਨੇ ਦੋ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਜੀਐਸਟੀ ਵਿਭਾਗ ਦੇ ਮੋਬਾਇਲ ਵਿੰਗ ਦੇ ਜੁਆਇੰਟ ਡਾਇਰੈਕਟਰ ਬੀਕੇ ਵਿਰਦੀ ਨੇ ਦੱਸਿਆ ਕਿ ਸੂਚਨਾ ਮਿਲੀ ਸੀ ਕਿ ਲੁਧਿਆਣਾ ਵਿਚ ਦੋ ਲੋਕ ਹੀਰਿਆਂ ਦੀ ਤਸਕਰੀ ਕਰਨ ਆਏ ਹਨ।

ਉਥੇ ਹੀ ਕੋਰੀਅਰ ਬੁਆਏ ਚਾਰ ਪਾਰਸਲ ਲਿਜਾ ਰਿਹਾ ਸੀ, ਉਨ੍ਹਾਂ ਵਿਚੋਂ ਤਿੰਨ ਪਾਰਸਲਸ ਦਾ ਬਿਲ ਨਹੀਂ ਸੀ। ਵਿਭਾਗ ਦੀ ਟੀਮ ਨੇ ਸਾਮਾਨ ਜ਼ਬਤ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਫੜੇ ਗਏ ਗਹਿਣਿਆਂ ਦੀ ਜਾਂਚ ਕਰਵਾਉਣ ਤੋਂ ਬਾਅਦ ਪਤਾ ਲੱਗਿਆ ਹੈ ਕਿ ਇਹਨਾਂ ਦੀ ਕੀਮਤ 1.6 ਕਰੋੜ ਰੁਪਏ ਹੈ।