1947 Partition Of India India Pak Victim 1947 Partition

ਫਰੀਦਕੋਟ: 1947 ਦੀ ਵੰਡ ਬਹੁਤ ਹੀ ਮੰਦਭਾਗੀ ਘਟਨਾ ਸੀ ਜਿਸ ਨਾਲ ਲੋਕਾਂ ਦੇ ਘਰ ਉੱਜੜ ਗਏ ਸਨ। ਇਕ ਪਾਸੇ ਭਾਰਤ ਅਤੇ ਦੂਜੇ ਪਾਸੇ ਪਾਕਿਸਤਾਨ ਦੀ ਵੰਡ ਹੋਣਾ ਜੋ ਕਿ ਸਿੱਧ ਕਰਦੀ ਹੈ ਕਿ ਇਹ ਵੰਡ ਧਰਮਾਂ ਦੇ ਨਾਂ ਤੇ ਹੋਈ ਹੈ। ਉਸ ਸਮੇਂ ਹਰ ਇਕ ਵਿਅਕਤੀ ਤੇ ਤਸ਼ੱਦਦ ਢਾਹਿਆ ਗਿਆ, ਨਾ ਹੀ ਕੋਈ ਛੋਟਾ ਬਖ਼ਸ਼ਿਆ ਗਿਆ ਤੇ ਨਾ ਹੀ ਕੋਈ ਵੱਡਾ।

ਇਕ ਬਜ਼ੁਰਗ ਭਾਗੋ ਕੌਰ ਪੇਕਾ ਪਿੰਡ ਮਲੂਕਾ ਤੇ ਸਹੁਰਾ ਪਿੰਡ ਬੁਰਜ਼ ਹਰੀਕਾ ਜ਼ਿਲ੍ਹਾ ਫਰੀਦਕੋਟ ਦੇ ਵਿਚ ਮੌਜੂਦ ਹੈ ਜਿਸ ਦੀਆਂ ਅੱਖਾਂ ਸਾਹਮਣੇ ਉਸ ਦੇ 80 ਮੈਂਬਰਾਂ ਦਾ ਕਤਲ ਕਰ ਦਿੱਤਾ ਗਿਆ। ਮਾਂਵਾਂ ਨੇ ਅਪਣੇ ਜਿਗਰ ਦੇ ਟੋਟਿਆਂ ਨੂੰ ਛੱਪੜਾਂ ਵਿਚ ਡਬੋ-ਡਬੋ ਕੇ ਮਾਰਿਆ ਸੀ। ਇਸ ਸਬੰਧੀ ਭਾਗੋ ਕੌਰ ਨਾਲ ਸਪੋਕਸਮੈਨ ਟੀਮ ਵੱਲੋਂ ਗੱਲਬਾਤ ਕੀਤੀ ਗਈ।

ਮਾਤਾ ਭਾਗੋ ਕੌਰ ਨੇ ਦਸਿਆ ਕਿ ਜਿਸ ਦਿਨ ਬਕਰੀਦ ਸੀ ਉਸ ਦਿਨ ਉਹਨਾਂ ਨੇ ਈਦ ਪੜ੍ਹੀ। ਉਸ ਸਮੇਂ ਟੋਲੀਆਂ ਦੀਆਂ ਟੋਲੀਆਂ ਹੀ ਘਰਾਂ ਤੇ ਟੁੱਟ ਪਈਆਂ ਤੇ ਘਰਾਂ ਵਿਚੋਂ ਬੱਚੇ, ਬਜ਼ੁਰਗ ਕੱਢ-ਕੱਢ ਕੇ ਉਹਨਾਂ ਦੇ ਟੋਟੇ-ਟੋਟੇ ਕਰ ਦਿੱਤੇ। ਉਹਨਾਂ ਦੇ ਘਰ ਦੇ 80 ਮੈਂਬਰਾਂ ਨੂੰ ਉਹਨਾਂ ਦੀਆਂ ਅੱਖਾਂ ਸਾਹਮਣੇ ਵੱਢ ਦਿੱਤਾ ਗਿਆ ਤੇ ਉਹਨਾਂ ਵਿਚੋਂ ਉਹ ਆਪ, ਉਸ ਦਾ ਭਰਾ ਤੇ ਉਸ ਦਾ ਪਿਤਾ ਹੀ ਬਚੇ ਸਨ।

ਉਸ ਤੋਂ ਬਾਅਦ ਉਹਨਾਂ ਨੇ ਅਪਣੇ ਪਿਤਾ ਨਾਲ ਮਿਲ ਕੇ ਦੁਬਾਰਾ ਘਰ ਵਸਾਉਣ ਬਾਰੇ ਸੋਚਿਆ ਤੇ ਉਹਨਾਂ ਨੇ ਦਿਨ-ਰਾਤ ਮਿਹਨਤ ਕੀਤੀ। ਲੋਕਾਂ ਦੇ ਘਰਾਂ ਦਾ ਗੋਹਾ ਚੁੱਕਿਆ, ਚਰਖਾ ਕੱਤਿਆ, ਕਢਾਈਆਂ ਕੱਢ ਕੇ ਕਮਾਈ ਕੀਤੀ। ਜਦ ਕਦੇ ਵੀ ਉਹ ਇਕੱਲੇ ਹੁੰਦੇ ਹਨ ਤਾਂ ਅਪਣੇ ਮੈਂਬਰਾਂ ਨੂੰ ਯਾਦ ਕਰ ਕੇ ਰੋ ਪੈਂਦੇ ਹਨ ਤੇ ਇਕੱਲੇ ਇਕੱਲੇ ਮੈਂਬਰ ਬਾਰੇ ਸੋਚਦਿਆਂ ਦੀ ਰਾਤ ਲੰਘ ਜਾਂਦੀ ਹੈ।

ਦਸ ਦਈਏ ਕਿ ਪੰਜਾਬ ਉੱਤਰ-ਪੱਛਮੀ ਭਾਰਤ ਦਾ ਇੱਕ ਰਾਜ ਹੈ, ਜੋ ਵੱਡੇ ਪੰਜਾਬ ਖੇਤ‍ਰ ਦਾ ਇਕ ਭਾਗ ਹੈ। ਇਸਦਾ ਦੂਸਰਾ ਭਾਗ ਪਾਕਿਸਤਾਨ ਵਿੱਚ ਹੈ। ਇਸਦੀ ਸਰਹੱਦ ਉੱਤਰ ਵਿੱਚ ਕੇਂਦਰ ਸ਼ਾਸਤ ਪ੍ਰਦੇਸ਼ ਜੰਮੂ ਅਤੇ ਕਸ਼ਮੀਰ, ਉੱਤਰ-ਪੂਰਬ ਵਿੱਚ ਹਿਮਾਚਲ ਪ੍ਰਦੇਸ਼, ਦੱਖਣ-ਪੂਰਬ ਵਿੱਚ ਹਰਿਆਣੇ, ਦੱਖਣ-ਪੱਛਮ ਵਿੱਚ ਰਾਜਸਥਾਨ ਅਤੇ ਪੱਛਮ ਵਿੱਚ ਪਾਕਿਸਤਾਨੀ ਪੰਜਾਬ ਨਾਲ ਲੱਗਦੀ ਹੈ। ਇਸਦੇ ਮੁੱਖ ਸ਼ਹਿਰ ਅੰਮ੍ਰਿਤਸਰ, ਲੁਧਿਆਣਾ, ਜਲੰਧਰ, ਬਠਿੰਡਾ, ਫ਼ਿਰੋਜ਼ਪੁਰ, ਸੰਗਰੂਰ, ਮੋਹਾਲੀ ਅਤੇ ਪਟਿਆਲਾ ਹਨ ਅਤੇ ਰਾਜਧਾਨੀ ਚੰਡੀਗੜ੍ਹ ਹੈ।