Congress workers debate with Manpreet Iali

ਲੁਧਿਆਣਾ: ਦਾਖਾ ਚੋਣ ਨੂੰ ਲੈ ਕੇ ਆਏ ਦਿਨ ਕੋਈ ਨਾ ਕੋਈ ਨਵਾਂ ਵਿਵਾਦ ਜਨਮ ਲੈ ਰਿਹਾ ਹੈ ਜਿਥੇ ਕਾਂਗਰਸੀਆਂ ’ਤੇ ਧੱਕੇਸ਼ਾਹੀ ਦਾ ਇਲਜ਼ਾਮ ਲਗਾਉਂਦੇ ਹੋਏ ਅਕਾਲੀਆਂ ਵੱਲੋਂ ਦਾਖਾ ਥਾਣੇ ਦਾ ਘਿਰਾਓ ਕੀਤਾ ਗਿਆ ਸੀ। ਉਥੇ ਹੀ ਕੁਝ ਸਮੇਂ ਬਾਅਦ ਦੀ ਇਕ ਹੋਰ ਵੀਡੀਓ ਵਾਇਰਲ ਹੋ ਰਹੀ ਹੈ ਇਸ ਵੀਡੀਉ ਵਿਚ ਕੁਝ ਅਕਾਲੀ ਉਮੀਦਵਾਰ ਮਨਪ੍ਰੀਤ ਇਆਲੀ ਤੇ ਕਾਂਗਰਸੀ ਵਰਕਰ ਬਹਿਸ ਕਰਦੇ ਦਿਖਾਈ ਦੇ ਰਹੇ ਹਨ।

ਇਸ ਦੌਰਾਨ ਬਹਿਸ ਬਾਜੀ ਵਿਚ ਅਕਾਲੀਆਂ ਵੱਲੋਂ ਕਾਂਗਰਸ ਮੁਰਦਾਬਾਦ ਦੇ ਨਾਅਰੇ ਵੀ ਲਗਾਏ ਗਏ। ਮਾਹੌਲ ਬਹੁਤ ਹੀ ਤਣਾਅਪੂਰਨ ਬਣਿਆ ਹੋਇਆ ਸੀ। ਉਧਰ ਕਾਂਗਰਸ ਵਰਕਰਾਂ ਨੇ ਵੀ ਜਮ ਕੇ ਨਾਅਰੇਬਾਜੀ ਕੀਤੀ। ਉਧਰ ਅਕਾਲੀ ਉਮੀਦਵਾਰ ਵੱਲੋਂ ਇਲਜ਼ਾਮ ਲਗਾਏ ਜਾ ਰਹੇ ਨੇ ਕਿ ਦੂਸਰੇ ਜਿਲਿਆਂ ਦੀ ਪੁਲਿਸ ਅਤੇ ਕਾਂਗਰਸੀ ਪਿੰਡਾਂ ਵਿਚ ਸਾਡੇ ਵਰਕਰਾਂ ਨੂੰ ਚੱਕਣ ਆਈ ਸੀ।

ਉਹਨਾਂ ਦਸਿਆ ਕਿ ਉਹਨਾਂ ਨੇ ਗੱਡੀਆਂ ਦਾ ਪਿੱਛਾ ਵੀ ਕੀਤਾ ਤਾਂ ਪੁਲਿਸ ਵੀ ਡਰ ਕੇ ਭੱਜ ਗਈ ਤੇ ਬਦਮਾਸ਼ ਵੀ ਭੱਜ ਗਏ। ਉਹਨਾਂ ਨੇ ਇਖ ਗੱਡੀ ਘੇਰ ਲਈ ਹੈ। ਉਹਨਾਂ ਕਿਹਾ ਕਿ ਪੁਲਿਸ ਵੀ ਡਰ ਕੇ ਭੱਜ ਗਈ ਸੀ। ਉਹਨਾਂ ਕੋਲ ਸਿਰਫ ਦੋ ਗੱਡੀਆਂ ਸਨ ਤੇ ਪੁਲਿਸ ਕੋਲ 10 ਗੱਡੀਆਂ ਸਨ। ਉਹਨਾਂ ਕੋਲ ਸਾਰੀਆਂ ਗੱਡੀਆਂ ਦੀ ਵੀਡੀਉ ਬਣਾਈ ਹੈ ਤੇ ਉਹਨਾਂ ਕੋਲ ਸਾਰੀਆਂ ਗੱਡੀਆਂ ਦੇ ਨੰਬਰ ਵੀ ਹਨ। ਉਹਨਾਂ ਦਸਿਆ ਕਿ ਇਹ ਕਿਤੇ ਹੋਰ ਥਾਂ ਤੇ ਰੇਡ ਕਰ ਕੇ ਆਏ ਸਨ।

ਉੱਥੇ ਹੀ ਐਸਐਚਓ ਨੇ ਆ ਕੇ ਮਾਮਲੇ ਦੀ ਜਾਂਚ ਪੜਤਾਲ ਕਰਨੀ ਸ਼ੁਰੂ ਕਰ ਦਿੱਤੀ। ਪੁਲਿਸ ਨੇ ਉਹਨਾਂ ਫੜੇ ਗਏ ਵਿਅਕਤੀਆਂ ਤੋਂ ਪੁਛ ਗਿੱਛ ਕੀਤੀ। ਉਹਨਾਂ ਦੇ ਲਾਇਸੈਂਸ ਵੀ ਚੈੱਕ ਕੀਤੇ ਗਏ। ਇਥੇ ਤੁਹਾਨੂੰ ਦੱਸ ਦਈਏ ਕਿ ਮੁਲਾਂਪੁਰ ਦਾਖਾ ਦੀ ਸੀਟ ਇੰਨਾਂ ਚੋਣਾਂ ਵਿਚ ਕਾਫੀ ਅਹਿਮ ਮੰਨੀ ਜਾ ਰਹੀ ਹੈ ਜਿਸ ਨੂੰ ਲੈ ਕੇ ਸਾਰੀਆਂ ਪਾਰਟੀਆਂ ਦਾ ਇਸ ਸੀਟ ਨੂੰ ਜਿੱਤਣ ਲਈ ਪੂਰਾ ਜੋਰ ਲੱਗਿਆ ਹੋਇਆ ਹੈ।