Big train avoided accident

ਸੋਨੀਪਤ- ਹਰਿਆਣਾ ਦੇ ਸੋਨੀਪਤ ਜ਼ਿਲ੍ਹੇ ਵਿਚ ਹਾਦਸਾ ਹੁੰਦੇ-ਹੁੰਦੇ ਬਚ ਗਿਆ। ਸ਼ਤਾਬਦੀ ਹਿਮਾਲੀਆਨ ਕੁਈਨ ਦਾ ਆਖ਼ਰੀ ਡੱਬਾ ਅਚਾਨਕ ਪਟੜੀ ਤੋਂ ਉੱਤਰ ਗਿਆ। ਇਸ ਘਟਨਾ ਸਮੇਂ ਟ੍ਰੇਨ ਸੋਨੀਪਤ ਦੇ ਭੋਡਵਾਲ ਮਾਜਰੀ ਸਟੇਸ਼ਨ ਤੋਂ ਲੰਘ ਰਹੀ ਸੀ ਅਤੇ ਟ੍ਰੇਨ ਦੀ ਸਪੀਡ 100 ਕਿ:ਮੀ ਪ੍ਰਤੀ ਘੰਟਾ ਸੀ। ਪਟੜੀ ਤੋਂ ਉੱਤਰ ਕੇ ਡੱਬਾ ਇੱਕ ਕਿਲੋਮੀਟਰ ਤੱਕ ਟ੍ਰੇਨ ਦੇ ਨਾਲ ਹੀ ਚੱਲਦਾ ਰਿਹਾ। ਜੇਕਰ ਡਰਾਈਵਰ ਟ੍ਰੇਨ ਨਾ ਰੋਕਦਾ ਤਾਂ ਵੱਡਾ ਹਾਦਸਾ ਹੋ ਸਕਦਾ ਸੀ।

ਇਸ ਹਾਦਸੇ ਤੋਂ ਬਾਅਦ ਆਵਾਜਾਈ ਤੇ ਕਾਫ਼ੀ ਅਸਰ ਪਿਆ। ਇਸ ਰੂਟ ਦੀਆਂ ਸਾਰੀਆਂ ਟ੍ਰੇਨਾਂ ਇੱਕ ਦੋ ਘੰਟੇ ਦੇਰੀ ਨਾਲ ਚੱਲ ਰਹੀਆਂ ਹਨ। ਹਾਦਸੇ ਦਾ ਕਾਰਨ ਪਟੜੀ ਵਿਚ ਦਰਾੜ ਪੈਣਾ ਕਿਹਾ ਜਾ ਰਿਹਾ ਹੈ। ਰੇਲਵੇ ਅਧਿਕਾਰੀਆਂ ਨੇ ਮੌਕੇ ਤੇ ਆ ਕੇ ਟ੍ਰੈਕ ਦੀ ਚੈਕਿੰਗ ਕੀਤੀ। ਜਿਸ ਦੌਰਾਨ ਮੁਰੰਮਤ ਦਾ ਕੰਮ ਵੀ ਸ਼ੁਰੂ ਹੋ ਚੁੱਕਾ ਹੈ। ਟ੍ਰੇਨ ਨੂੰ ਵੀ ਕੁੱਝ ਸਮੇਂ ਬਾਅਦ ਰਵਾਨਾ ਕਰ ਦਿੱਤਾ ਗਿਆ। ਰਾਹਤ ਦੀ ਗੱਲ ਇਹ ਹੈ ਕਿ ਵੱਡਾ ਹਾਦਸਾ ਹੋਣ ਤੋਂ ਬਚ ਗਿਆ।