ਜਲੰਧਰ: ਪੰਜਾਬ ਵਿਚ ਲੋਕ ਸਭਾ ਚੋਣਾਂ 19 ਮਈ ਨੂੰ ਸੱਤਵੇਂ ਅਤੇ ਆਖਰੀ ਪੜਾਅ ਨਾਲ ਖਤਮ ਹੋ ਚੁੱਕੀਆਂ ਹਨ। ਸਿਆਸੀ ਆਗੂਆਂ ਦੀ ਜਿੱਤ ਦਾ ਫੈਸਲਾ ਹੁਣ ਵੋਟਾਂ ਦੀ ਗਿਣਤੀ ਤੋਂ  ਬਾਅਦ ਹੀ ਹੋਵੇਗਾ। ਇਸ ਦੌਰਾਨ ਸਪੋਕਸਮੈਨ ਵੈੱਬਟੀਵੀ ਵੱਲੋਂ ਪੰਜਾਬ ਦੀ ਜਲੰਧਰ ਲੋਕ ਸਭਾ ਸੀਟ ਤੋਂ ਸਰਵੇ ਕੀਤਾ ਗਿਆ ਹੈ। ਇੱਥੇ ਕਾਂਗਰਸ ਦੇ ਆਗੂ ਸੰਤੋਖ ਸਿੰਘ ਚੌਧਰੀ ਅਤੇ ਆਪ ਦੇ ਜਸਟਿਸ ਜੋਰਾ ਸਿੰਘ ਉਮੀਦਵਾਰ ਹਨ। ਸਰਵੇ ਮੁਤਾਬਕ ਅਨੁਮਾਨ ਲਗਾਇਆ ਜਾ ਰਿਹਾ ਹੈ..

..ਕਿ ਇਸ ਸੀਟ ਤੋਂ ਕਾਂਗਰਸ ਦੇ ਹਿੱਸੇ ਜਿੱਤ ਆਵੇਗੀ ਅਤੇ ਆਪ ਦੇ ਹਿੱਸੇ ਹਾਰ। ਸਪੋਕਸਮੈਨ ਵੈੱਬਟੀਵੀ ਵੱਲੋਂ ਕੀਤੀ ਐਗਜ਼ਿਟ ਪੋਲ ਦੇ ਅੰਕੜਿਆਂ ਮੁਤਾਬਕ 51 ਫ਼ੀ ਸਦੀ ਵੋਟਿੰਗ ਸੰਤੋਖ ਸਿੰਘ ਚੌਧਰੀ ਦੇ ਹੱਕ ਵਿਚ ਮਿਲੀ ਹੈ ਅਤੇ 49 ਫ਼ੀ ਸਦੀ ਵੋਟਿੰਗ ਜਸਟਿਸ ਜੋਰਾ ਸਿੰਘ ਦੇ ਹੱਕ ਵਿਚ ਮਿਲੀ ਹੈ। ਐਗਜ਼ਿਟ ਮੁਤਾਬਕ ਜਲੰਧਰ ਸੀਟ ਤੋਂ ਕਾਂਗਰਸ ਨੂੰ ਜਿੱਤ ਪ੍ਰਾਪਤ ਹੋ ਸਕਦੀ ਹੈ।