ਮਾਨਸਾ : ਕਹਿੰਦੇ ਹਨ ਕਿ ਰੱਬ ਜਦੋਂ ਵੀ ਦਿੰਦਾ ਹੈ, ਛੱਪਰ ਪਾੜ ਕੇ ਦਿੰਦਾ ਹੈ। ਸੋਮਾ ਰਾਣੀ ਲਈ ਇਹ ਕਹਾਵਤ ਉਸ ਵੇਲੇ ਸੱਚ ਸਾਬਤ ਹੋਈ ਜਦੋਂ ਉਸ ਦੀ ਢਾਈ ਕਰੋੜ ਰੁਪਏ ਦੀ ਲਾਟਰੀ ਨਿਕਲੀ। 

ਨਾਗਾਲੈਂਡ ਸਟੇਟ ਡੀਅਰ ਵਿਸਾਖੀ ਬੰਪਰ ਦਾ ਡਰਾਅ ਕਢਿਆ ਗਿਆ ਹੈ ਤੇ 2.50 ਕਰੋੜ ਦਾ ਪਹਿਲਾ ਇਨਾਮ ਟਿਕਟ ਨੰਬਰ ਏ- 912699 ਚੁਣਿਆ ਗਿਆ ਸੀ। ਇਸ ਬਾਰੇ ਐਕਸਕਲੂਸਿਵ ਡਿਸਟਰੀਬਿਊਟਰ ਵਰਿੰਦਰ ਖੱਤਰੀ ਨੇ ਦਸਿਆ ਕਿ ਇਸ ਡਰਾਅ ਦੀ ਜੇਤੂ ਮਾਨਸਾ ਦੀ ਵਸਨੀਕ ਸੋਮਾ ਰਾਣੀ ਹੈ।

ਇਹ ਵੀ ਪੜ੍ਹੋ:  ਲੁੱਟ ਦੀ ਨੀਅਤ ਨਾਲ ਘਰ 'ਚ ਦਾਖ਼ਲ ਹੋਏ ਸ਼ਖ਼ਸ ਨੇ ਕੀਤਾ ਬਜ਼ੁਰਗ ਦਾ ਕਤਲ

ਸੋਮਾ ਰਾਣੀ ਨੇ ਦਸਿਆ ਕਿ ਉਨ੍ਹਾਂ ਨੇ ਵਾਹਿਗੁਰੂ ਲਾਟਰੀਜ਼ ਦੇ ਵਿਕਰੇਤਾ ਭਨੋਟ ਇੰਟਰਪ੍ਰਾਈਜ਼, ਲੁਧਿਆਣਾ ਤੋਂ ਇਹ ਟਿਕਟ ਖ੍ਰੀਦੀ ਸੀ। ਸੋਮਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਕਦੇ ਸੁਪਨੇ ਵਿਚ ਵੀ ਨਹੀਂ ਸੋਚਿਆ ਸੀ ਕਿ ਉਹ ਕਰੋੜਪਤੀ ਬਣ ਜਾਵੇਗੀ।

ਵਧੇਰੇ ਜਾਣਕਾਰੀ ਦਿੰਦਿਆਂ ਵਰਿੰਦਰ ਖਤ੍ਰੀ ਨੇ ਦੱਸਿਆ ਕਿ ਹਰ ਬੰਪਰ ਵਿਚ ਪਹਿਲਾ ਇਨਾਮ ਵਿਕੀਆਂ ਹੋਈਆਂ ਟਿਕਟਾਂ 'ਚੋਂ ਨਿਕਲਦਾ ਹੈ। ਉਨ੍ਹਾਂ ਦਸਿਆ ਕਿ ਪਿਛਲੇ ਦਿਨ ਜਦੋਂ ਸੋਮਾ ਰਾਣੀ ਟਿਕਟ ’ਤੇ ਦਾਅਵਾ ਕਰਨ ਲਈ ਸਪੈਸ਼ਲ ਡਿਸਟਰੀਬਿਊਟਰਜ਼ ਦੇ ਦਫ਼ਤਰ ਪਹੁੰਚੇ ਤਾਂ ਉਥੇ ਹੋਈ ਮੀਟਿੰਗ ਵਿਚ ਉਨ੍ਹਾਂ ਦਸਿਆ ਕਿ ਇਸ ਲਾਟਰੀ ਨੇ ਉਨ੍ਹਾਂ ਦੀ ਕਿਸਮਤ ਬਦਲ ਦਿਤੀ ਹੈ।