Disabled Sikhman Sells Mask Traffic Signal

ਅੰਮ੍ਰਿਤਸਰ: ਮੁਖਤਿਆਰ ਸਿੰਘ ਹਨ ਜੋ ਅੰਮ੍ਰਿਤਸਰ ਦੇ ਰਹਿਣ ਵਾਲੇ ਹਨ। ਉਹਨਾਂ ਨਾਲ ਇਕ ਦੁਰਘਟਨਾ ਵਾਪਰੀ ਸੀ ਜਿਸ ਤੋਂ ਬਾਅਦ ਉਹਨਾਂ ਦੀਆਂ ਲੱਤਾਂ ਦਾ ਪਲਸਤਰ ਹੋਇਆ ਸੀ। ਉਹਨਾਂ ਨਾਲ ਗੱਲਬਾਤ ਕਰਨ ਤੇ ਉਹਨਾਂ ਦਸਿਆ ਕਿ, “ਹੁਣ ਲੱਤਾਂ ਥੋੜਾ-ਬਹੁਤ ਕੰਮ ਕਰਨ ਦੇ ਯੋਗ ਹਨ ਪਰ ਹੱਥ ਨਹੀਂ ਚਲਦੇ ਤੇ ਉਹਨਾਂ ਦੀ ਡਿਸਕ ਵਿਚ ਵੀ ਮੁਸ਼ਕਿਲ ਹੈ।”

ਇਸ ਲਈ ਉਹ ਪੂਰੀ ਤਰ੍ਹਾਂ ਕੋਈ ਵੀ ਕੰਮ ਨਹੀਂ ਕਰ ਸਕਦੇ। ਪਰ ਇਕ ਸਿੱਖ ਹੋਣ ਤੇ ਨਾਤੇ ਉਹਨਾਂ ਨੇ ਭੀਖ ਮੰਗਣ ਨਾਲੋਂ ਕਿਰਤ ਕਰਨਾ ਚੰਗਾ ਸਮਝਿਆ। ਲਾਕਡਾਊਨ ਵਿਚ ਉਹਨਾਂ ਦਾ ਬਹੁਤ ਔਖਾ ਗੁਜ਼ਾਰਾ ਹੋਇਆ ਸੀ ਪਰ ਫਿਰ ਵੀ ਕੋਈ ਨਾ ਕੋਈ ਉਹਨਾਂ ਦੀ ਮਦਦ ਕਰ ਦਿੰਦਾ ਸੀ।

ਇਸ ਤੋਂ ਪਹਿਲਾਂ ਉਹ ਸ਼੍ਰੀ ਹਰਿਮੰਦਰ ਸਾਹਿਬ ਕਕਾਰ ਵੇਚਦੇ ਸਨ ਉਸ ਵਿਚੋਂ ਉਹਨਾਂ ਨੂੰ ਲਗਭਗ 3 ਤੋਂ 400 ਰੁਪਏ ਦਿਹਾੜੀ ਪੈ ਜਾਂਦੀ ਸੀ ਪਰ ਬਾਅਦ ਵਿਚ ਉਹਨਾਂ ਨੂੰ ਉੱਥੋਂ ਜਾਣਾ ਪਿਆ। ਮੁਖਤਿਆਰ ਸਿੰਘ ਨੇ ਦਸਿਆ ਕਿ ਉਹਨਾਂ ਦਾ ਆਪ ਦਾ ਘਰ ਵੀ ਨਹੀਂ ਹੈ ਉਹ ਕਿਰਾਏ ਦੇ ਮਕਾਨ ਤੇ ਰਹਿ ਰਹੇ ਸਨ। ਉਹਨਾਂ ਤੋਂ ਕਿਰਾਇਆ ਨਹੀਂ ਦਿੱਤਾ ਗਿਆ ਤੇ ਉਹਨਾਂ ਨੂੰ ਮਕਾਨ ਛੱਡਣਾ ਪਿਆ।

ਉਹਨਾਂ ਨੇ ਕਿਸੇ ਵਿਅਕਤੀ ਮਦਦ ਕੀਤੀ ਸੀ ਜਿਸ ਕਾਰਨ ਉਸ ਵਿਅਕਤੀ ਨੇ ਉਹਨਾਂ ਨੂੰ ਰਹਿਣ ਲਈ ਘਰ ਦਿੱਤਾ। ਉਹਨਾਂ ਦੇ ਪਰਿਵਾਰ ਵਿਚ ਪਤਨੀ, ਬੇਟਾ ਤੇ ਬੇਟੀ ਹੈ ਜੋ ਕਿ ਹੁਣ ਪੇਕੇ ਗਏ ਹੋਏ ਹਨ। ਉਹ ਇਕੱਲੇ ਹੀ ਮਾਸਕ ਵੇਚ ਕੇ ਅਪਣਾ ਗੁਜ਼ਾਰਾ ਕਰ ਰਹੇ ਹਨ। ਜਿਹੜੇ ਗਾਹਕ ਉਹਨਾਂ ਕੋਲੋਂ ਮਾਸਕ ਲੈ ਕੇ ਜਾਂਦੇ ਹਨ ਉਹ ਉਹਨਾਂ ਨੂੰ ਉਤਸ਼ਾਹਿਤ ਕਰਦੇ ਹਨ ਕਿ ਉਹ ਅਜਿਹੀ ਹਾਲਤ ਹੋਣ ਦੇ ਬਾਵਜੂਦ ਵੀ ਕਿਰਤ ਕਰਦੇ ਹਨ ਤੇ ਲੋਕਾਂ ਨੂੰ ਵੀ ਚੰਗਾ ਸੁਨੇਹਾ ਦੇ ਰਹੇ ਹਨ।

ਮੁਖਤਿਆਰ ਸਿੰਘ ਨੇ ਵੀ ਕਦੇ ਹਿੰਮਤ ਨਹੀਂ ਹਾਰੀ ਸਗੋਂ ਕਿਰਤ ਕਰ ਕੇ ਖੁਸ਼ ਹਨ। ਉਹਨਾਂ ਅੱਗੇ ਕਿਹਾ ਕਿ, “ਉਹਨਾਂ ਦੀਆਂ ਲੱਤਾਂ ਦੀ ਕਦੇ-ਕਦੇ ਅਜਿਹੀ ਹਾਲਤ ਹੋ ਜਾਂਦੀ ਹੈ ਉਹਨਾਂ ਨੂੰ ਸਹਾਰੇ ਦੀ ਲੋੜ ਪੈ ਜਾਂਦੀ ਹੈ ਉਹਨਾਂ ਤੋਂ ਆਪ ਵਹੀਲ ਚੇਅਰ ਤੇ ਨਹੀਂ ਬੈਠਿਆ ਜਾਂਦਾ।” ਇਸ ਦੇ ਨਾਲ ਹੀ ਉਹਨਾਂ ਨੇ ਹੋਰਨਾਂ ਲੋਕਾਂ ਨੂੰ ਵੀ ਇਹੀ ਸੁਨੇਹਾ ਦਿੱਤਾ ਹੈ ਕਿ ਮਿਹਨਤ ਕਰ ਕੇ ਰੋਜ਼ੀ-ਰੋਟੀ ਕਮਾਉਣੀ ਚਾਹੀਦੀ ਹੈ ਨਾ ਕਿ ਭੀਖ ਮੰਗ ਕੇ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ  ਲਾਈਕ Twitter  ਤੇ follow ਕਰੋ।