File Photo

ਸੰਗਰੂਰ : ਬਾਦਲਕਿਆਂ ਦਾ ਹਿਸਾਬ ਬਰਾਬਰ ਕਰਨ ਦੇ ਮਕਸਦ ਵਿੱਢੀ ਮੁਹਿੰਮ ਦੇ ਤਹਿਤ ਢੀਂਡਸਾ ਪਿਓ-ਪੁੱਤਰ ਨੇ ਅੱਜ ਸੰਗਰੂਰ ਵਿਖੇ ਉਸੇ ਥਾਂ 'ਤੇ ਰੈਲੀ ਕਰ ਕੇ ਅਪਣਾ ਗੁਬਾਰ ਕੱਢ ਲਿਆ ਹੈ ਜਿੱਥੇ ਕੁੱਝ ਦਿਨ ਪਹਿਲਾਂ ਬਾਦਲਾਂ ਨੇ ਰੈਲੀ ਕਰ ਕੇ ਢੀਂਡਸਾ ਪਰਵਾਰ 'ਤੇ ਨਿਸ਼ਾਨੇ ਸਾਧੇ ਸਨ। ਇਸ ਰੈਲੀ ਵਿਚ ਢੀਂਡਸਾ ਪਿਓ-ਪੁੱਤਰ ਤੋਂ ਇਲਾਵਾ ਅਕਾਲੀ ਦਲ ਟਕਸਾਲੀ ਦੀ ਸਮੁੱਚੀ ਲੀਡਰਸ਼ਿਪ ਮੌਜੂਦ ਸੀ।

ਇਸ ਰੈਲੀ ਵਿਚ ਬਲਵੰਤ ਸਿੰਘ ਰਾਮੂਵਾਲੀਆ ਵੀ ਮੌਜੂਦ ਸਨ ਰੈਲੀ ਦੌਰਾਨ ਉਹਨਾਂ ਨੇ ਰੈਲੀ ਵਿਚ ਮੌਜੂਦ ਵਰਕਰਾਂ ਨੂੰ ਕਿਹਾ ਕਿ ਅਜਿਹੀ ਫਤਹਿ ਬੁਲਾਓ ਕਿ ਬਾਦਲ ਪਿਓ ਪੁੱਤ ਮੰਜੇ ਤੋਂ ਹੀ ਡਿੱਗ ਪੈਣ ਅਤੇ ਕਹਿਣ ਕਿ ਇਹ ਤਾਂ ਢੀਂਡਸਾ, ਢੀਂਡਸਾ ਹੀ ਹੋਗੀ। ਉਹਨਾਂ ਨੇ ਕਿਹਾ ਕਿ ਸੁਖਬੀਰ ਬਾਦਲ ਦਾ ਰੈਲੀ ਵਿਚ ਹੋਇਆ ਇਕੱਠ ਇਕ ਢੋਇਆ ਹੋਇਆ ਇਕੱਠ ਸੀ

ਅਤੇ ਢੀਂਡਸਾ ਸਾਹਿਬ ਦੀ ਰੈਲੀ ਵਿਚ ਹੋਇਆ ਇਕੱਠ ਆਪ ਹੋਇਆ ਇਕੱਠ ਹੈ। ਰਾਮੂਵਾਲੀਆ ਨੇ ਕਿਹਾ ਕਿ ਬਾਦਲ ਪੈਸੇ ਲੈ ਕੇ ਆਇਆ ਸੀ ਅਤੇ ਫੋਕੇ ਫੁਕਾਰੇ ਮਾਰਦਾ ਸੀ। ਉਹਨਾਂ ਕਿਹਾ ਕਿ ਅਕਾਲ ਤਖਤ ਸਾਹਿਬ ਤੇ ਬਾਦਲਾਂ ਦੀ ਲੜਾਈ ਹੈ ਅਤੇ ਅਸੀਂ ਅਕਾਲ ਤਖਤ ਸਾਹਿਬ ਦੇ ਨਾਲ ਹਾਂ। ਉਹਨਾਂ ਕਿਹਾ ਕਿ 'ਅਕਾਲ ਤਖਤ ਤੋਂ ਮੁਗਲ ਡਰਦੇ ਸਨ,

ਜਹਾਗੀਰ ਡਰਦੇ ਸਨ, ਅੰਗਰੇਜ਼ ਡਰਦੇ ਸਨ ਹਾਏ ਓਏ ਰੱਬਾਂ ਪਤਾ ਨੀ ਜ਼ਿਆਦਾ ਖਾਲੀ ਸੁਖਬੀਰ ਨਹੀਂ ਡਰਦਾ।'' ਉਹਨਾਂ ਨੇ ਸੁਖਬੀਰ ਬਾਦਲ ਤੇ ਤਿੱਖੇ ਨਿਸ਼ਾਨੇ ਸਾਧਦੇ ਹੋਏ ਕਿਹਾ ਕਿ ਸੁਖਬੀਰ ਬਾਦਲ ਇਕ ਉਹ ਸੱਪਨੀ ਹੈ ਜੋ ਪੰਥ ਦੇ ਆਂਡੇ ਪੀ ਰਿਹਾ ਹੈ। ਰਾਮੂਵਾਲੀਆ ਨੇ ਕਿਹਾ ਕਿ ਸੁਖਬੀਰ ਬਾਦਲ ਦੀ ਕਿਸ਼ਤੀ ਬਾਂਦਰ ਅਤੇ ਬੋਤੇ ਵਰਗੀ ਹੈ ਇਹ ਡੁੱਬ ਕੇ ਰਹੇਗੀ।