ਪਰਮਿੰਦਰ ਪਿੰਕੀ ਨੇ ਸੁਖਬੀਰ ਬਾਦਲ ਬਾਰੇ ਕਹੀ ਵੱਡੀ ਗੱਲ
ਕਿਹਾ ਮੈਂ ਨੰਗੇ ਪੈਰੀਂ ਜਾਊ ਸੁਖਬੀਰ ਬਾਦਲ ਦੇ ਘਰ
ਪੰਜਾਬ- ਸੰਸਦ ਮੈਂਬਰ ਬਣੇ ਸੁਖਬੀਰ ਸਿੰਘ ਬਾਦਲ ਨੇ ਲੋਕ ਸਭਾ ਚੋਣਾਂ ਵਿਚ ਜਿੱਤ ਹਾਸਿਲ ਕਰਨ ਤੋਂ ਬਾਅਦ ਫਿਰੋਜ਼ਪੁਰ ਵਿਖੇ ਏਮਜ਼ ਹਸਪਤਾਲ ਲੈ ਕੇ ਆਉਣ ਦਾ ਵਾਅਦਾ ਕੀਤਾ ਸੀ ਪ੍ਰੰਤੂ ਓਹਨਾਂ ਦੇ ਇਸ ਐਲਾਨ ਨੂੰ ਬੂਰ ਪੈਂਦਾ ਨਜ਼ਰ ਨਹੀਂ ਆ ਰਿਹਾ ਤਾਂ ਹੀ ਸੁਖਬੀਰ ਬਾਦਲ ਵੀ ਇਸ ਮੁੱਦੇ ਤੇ ਕੁਝ ਵੀ ਬੋਲ ਨਹੀਂ ਰਹੇ ਜਿਸ ਕਾਰਨ ਹੁਣ ਵਿਧਾਇਕ ਪਿੰਕੀ ਸੁਖਬੀਰ ਬਾਦਲ ਨੂੰ ਆਪਣੀ ਕਹੀ ਗੱਲ ਪੂਰੀ ਕਰਨ ਦੀ ਨਸੀਅਤ ਦੇ ਰਹੇ ਹਨ।
ਵਿਧਾਇਕ ਪਰਮਿੰਦਰ ਪਿੰਕੀ ਨੇ ਗੱਲਬਾਤ ਦੌਰਾਨ ਕਿਹਾ ਕਿ ਜੇਕਰ ਸੁਖਬੀਰ ਬਾਦਲ ਨੇ ਫਿਰੋਜ਼ਪੁਰ ਵਿਚ ਏਮਜ਼ ਲੈ ਕੇ ਆਉਣ ਦਾ ਐਲਾਨ ਕੀਤਾ ਸੀ ਤਾਂ ਪੂਰਾ ਵੀ ਕਰਨ।ਫਿਰੋਜ਼ਪੁਰ ਵਿਖੇ ਪੀਜੀਆਈ ਦਾ ਪ੍ਰੋਜੈਕਟ ਲਿਆਉਣ ਵਿਚ ਪਿੰਕੀ ਨੇ ਅਕਾਲੀ ਦਲ ਨੂੰ ਅੜਿੱਕਾ ਪਾਉਣ ਦੀ ਵੀ ਗੱਲ ਕਹੀ। ਦਰਅਸਲ ਪਰਮਿੰਦਰ ਪਿੰਕੀ ਨੇ ਫਿਰੋਜ਼ਪੁਰ ਦੇ ਸਰਕਾਰੀ ਹਸਪਤਾਲ ਦਾ ਅਚਾਨਕ ਦੌਰਾ ਕੀਤਾ ਅਤੇ ਜਿਥੇ ਓਹਨਾਂ ਨੇ ਹਸਪਤਾਲ ਦਾ ਜਾਇਜਾ ਲਿਆ ਓਥੇ ਹੀ ਓਹਨਾਂ ਕਿਹਾ ਕਿ ਹਸਪਤਾਲ ਦੀਆਂ ਸਾਰੀਆਂ ਜਰੂਰਤਾਂ ਪੂਰੀਆਂ ਕੀਤੀਆਂ ਜਾਣ ਗੀਆਂ।
ਓਹਨਾਂ ਇਹ ਵੀ ਕਿਹਾ ਕਿ ਫਿਰੋਜ਼ਪੁਰ ਨੂੰ ਅਵਾਰਾ ਪਸ਼ੂਆਂ ਤੋਂ ਨਿਜਾਤ ਪਾਉਣ ਲਈ ਗਊਸ਼ਾਲਾ ਬਣਾਈ ਜਾਵੇਗੀ। ਦੇਖਦੇ ਹਾਂ ਕਿ ਪਰਮਿੰਦਰ ਪਿੰਕੀ ਦੇ ਦਿੱਤੇ ਬਿਆਨਾਂ ਨੂੰ ਕਦੋਂ ਬੂਰ ਪੈਂਦਾ ਹੈ ਤੇ ਕਦੋਂ ਫਿਰੋਜ਼ਪੁਰ ‘ਚ ਗਊਸ਼ਾਲਾ ਤੇ ਸੁਖਬੀਰ ਬਾਦਲ ਦਾ ਏਮਜ਼ ਬਣ ਕੇ ਤਿਆਰ ਹੁੰਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।