ਚੰਡੀਗੜ੍ਹ - ਟੈਂਡਰ ਘੁਟਾਲੇ ਵਿਚ ਵਿਜੀਲੈਂਸ ਨੇ ਮੰਗਲਵਾਰ ਨੂੰ ਵੱਡੀ ਕਾਰਵਾਈ ਕੀਤੀ ਅਤੇ ਡੀਐੱਫਐੱਮਸੀ ਸੁਖਵਿੰਦਰ ਸਿੰਘ ਗਿੱਲ ਅਤੇ ਹਰਵੀਨ ਕੌਰ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਸੁਖਵਿੰਦਰ ਸਿੰਘ ਇਸ ਸਮੇਂ ਫਰੀਦਕੋਟ ਅਤੇ ਹਰਵੀਨ ਜਲੰਧਰ ਵਿਚ ਤੈਨਾਤ ਹੈ। ਵਿਜੀਲੈਂਸ ਵੱਲੋਂ ਕੀਤੀ ਗਈ ਜਾਂਚ ਤੋਂ ਸਾਹਮਣੇ ਆਇਆ ਹੈ ਕਿ ਸੁਖਵਿੰਦਰ ਸਿੰਘ ਜੋ ਉਸ ਸਮੇਂ ਲੁਧਿਆਣਾ ਪੱਛਮੀ ਅਤੇ ਹਰਵੀਨ ਕੌਰ ਲੁਧਿਆਣਾ ਪੂਰਬੀ ਵਿਚ ਤੈਨਾਤ ਸੀ, ਇਹਨਾਂ ਦੋਹਾਂ ਦੀ ਟੈਂਡਰ ਘੁਟਾਲੇ ਵਿਚ ਅਹਿਮ ਭੂਮਿਕਾ ਰਹੀ ਹੈ। 

ਇਹਨਾਂ ਦੋਹਾਂ ਨੇ ਆਰੋਪੀ ਠੇਕੇਦਾਰਾਂ ਅਤੇ ਏਜੰਟਾਂ ਦੇ ਨਾਲ ਮਿਲ ਕੇ ਦੁਆਈ ਕਰਨ ਵਾਲੇ ਵਾਹਨਾਂ ਦੇ ਨੰਬਰਾਂ ਦੀ ਲਿਸਟ ਨੂੰ ਬਿਨ੍ਹਾਂ ਜਾਂਚ ਦੇ ਹੀ ਪਾਸ ਕਰ ਦਿੱਤਾ ਸੀ। 
ਲਿਸ ਵਿਚ ਟਰੱਕਾਂ ਅਤੇ ਟਰੈਕਟਰ ਟਰਾਲੀਆਂ ਦੀ ਬਜਾਏ ਬਾਈਕ, ਐਕਟਿਵਾ ਅਤੇ ਹੋਰ ਕਈ ਗੱਡੀਆਂ ਸ਼ਾਮਲ ਸਨ। ਸੁਖਵਿੰਦਰ ਸਿੰਧ ਨੇ ਇਸ ਦੇ ਬਦਲੇ 2 ਲੱਖ ਦੀ ਨਕਦੀ ਤੇ ਇਕ ਆਈਫੋਨ ਲਿਆ ਸੀ। ਇਸ ਦੇ ਨਾਲ ਹੀ ਹਰਵੀਨ ਕੌਰ ਨੇ 3 ਲੱਖ ਦੀ ਨਕਦੀ ਲਈ ਸੀ। ਦੋਨਾਂ ਦੇ 6 ਕਰੀਬੀ ਵੀ ਵਿਜੀਲੈਂਸ ਦੀ ਜਾਂਚ ਵਿਚ ਹਨ। ਇਹਨਾਂ 'ਤੇ ਦੋਸ਼ ਲੱਗਾ ਹੈ ਕਿ ਅਪਣਏ ਕਰੀਬੀਆਂ ਨੂੰ ਲਾਭ ਪਹੁੰਚਾਉਣ ਲਈ ਸੁਖਵਿੰਦਰ ਅਤੇ ਹਰਵੀਨ ਨੇ ਲਾਕਡਾਊਨ ਦੌਰਾਨ ਵੱਡਾ ਪੱਧਰ 'ਤੇ ਗੜਬੜੀਆਂ ਕੀਤੀਆਂ ਸਨ।