ਨਨਕਾਣਾ ਸਾਹਿਬ (ਭਾਸ਼ਾ) : ਗੁਰੁ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੂਰਬ ਮੌਕੇ ਸ੍ਰੀ ਨਨਕਾਣਾ ਸਾਹਿਬ ‘ਚ ਰਫ਼ਰੈਂਡਮ 2020 ਦੇ ਨਾਂ ਹੇਠ ਖਾਲਿਸਤਾਨ ਦੀ ਮੰਗ ਉੱਠੀ ਹੈ।ਸ੍ਰੀ ਨਨਕਾਣਾ ਸਾਹਿਬ ‘ਚ ਰਫ਼ਰੈਂਡਮ 2020 ਦੇ ਨਾਂ ਹੇਠ ਰੈਲੀ ਕੱਢੀ ਜਿੱਥੇ ਖਾਲਿਸਤਾਨ ਦੇ ਕੇਸਰੀ ਝੰਡੇ ਝੂਲਦੇ ਵਿਖਾਈ ਦਿੱਤੇ।

ਸ੍ਰੀ ਨਨਕਾਣਾ ਸਾਹਿਬ ‘ਚ ਹੁਣ ਪਾਕਿਸਤਾਨ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਵਲੋ ਭਾਈ ਜਗਤਾਰ ਸਿੰਘ ਹਵਾਰੇ ਨੂੰ ਸ੍ਰੀ "ਅਕਾਲ ਤਖਤ ਸਾਹਿਬ" ਦਾ ਜੱਥੇਦਾਰ ਬਣਾਉਣ ਦਾ ਮਤਾ ਪਾਸ ਕੀਤਾ ਗਿਆ। ਸੰਗਤਾਂ ਸਾਹਮਣੇ ਮਤਾ ਪਾਕਿ ਕਮੇਟੀ ਦੇ ਜਨਰਲ ਸਕੱਤਰ ਗੋਪਾਲ ਸਿੰਘ ਚਾਵਲਾ ਨੇ ਪੜਿਆ ਜਿਸ ਦਾ ਸੰਗਤਾ ਵਲੋ ਪੂਰੇ ਜੌਸ਼ੌ-ਖਰੋਸ਼ ਨਾਲ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਜਿੱਥੇ ਵੱਡੀ ਗਿਣਤੀ ‘ਚ ਸਿੱਖ ਸੰਗਤਾਂ ਤਾਂ ਉੱਥੇ ਹੀ ਜੋਗਾ ਸਿੰਘ ਯੂਕੇ, ਤੇ ਅਵਤਾਰ ਸਿੰਘ ਸੰਘੇੜਾ ਵੀ ਸ਼ਾਮਿਲ ਸਨ।