Sangrur Sell Pots Farmers Buy Wheat

ਜਲੰਧਰ: ਕੋਰੋਨਾ ਵਾਇਰਸ ਕਾਰਨ ਦੁਕਾਨਦਾਰਾਂ ਦਾ ਇਸ ਕਦਰ ਦਬਾਲਾ ਨਿਕਲ ਆਇਆ ਹੈ ਕਿ ਦੁਕਾਨਾਂ ਵੀ ਖੁਲ੍ਹੀਆਂ ਨੇ ਪਰ ਨਾ ਖੁਲਣ ਦੇ ਬਰਾਬਰ ਹੀ ਨੇ ਕਿਉਂਕਿ ਵਾਇਰਸ ਤੋਂ ਡਰਦੇ ਲੋਕ ਘਰੋਂ ਬਾਹਰ ਨਹੀਂ ਨਿਕਲ ਰਹੇ ਜਿਸ ਨਾਲ ਸਮਾਨ ਨਹੀਂ ਵਿਕ ਰਿਹਾ। ਜੇਕਰ ਗੱਲ ਕਰੀਏ ਆਪਾ ਇਸ ਸਮੇਂ ਗਰਮੀ ਚ ਵਿਕਣ ਵਾਲੇ ਮਿੱਟੀ ਦੇ ਬਣੇ ਭਾਂਡਿਆਂ ਦੀ ਹੁਣ ਉਨ੍ਹਾਂ ਦੀ ਵਿਕਰੀ ਨਹੀਂ ਹੋ ਰਹੀ ਜਿਸ ਲਈ ਦੁਕਾਨਦਾਰ ਆਪਣਾ ਰੋਣਾ ਰੋ ਰਹੇ ਨੇ।

ਉਹਨਾਂ ਦਸਿਆ ਕਿ ਉਹ ਪਿੰਡਾਂ ਵਿਚ ਜਾ ਕੇ ਵੀ ਸਮਾਨ ਦੀ ਸੇਲ ਕਰ ਆਉਂਦੇ ਹਨ ਤੇ ਉਹਨਾਂ ਕੋਲ ਵੀ ਕਈ ਗਾਹਕ ਆ ਜਾਂਦੇ ਹਨ। ਉਹ ਇਹ ਸਮਾਨ ਆਪ ਹੀ ਤਿਆਰ ਕਰਦੇ ਹਨ ਪਰ ਜਿਹੜੀਆਂ ਫੈਂਸੀ ਸਮਾਨ ਹੁੰਦਾ ਹੈ ਉਹ ਦਿੱਲੀ ਤੋਂ ਮੰਗਵਾਇਆ ਜਾਂਦਾ ਹੈ। ਇਸ ਵਿਚ ਘੜਾ, ਦਹੀਂ ਜਮਾਉਣ ਵਾਲੀ ਕੁੱਜੀ ਤੇ ਹੋਰ ਕਈ ਤਰ੍ਹਾਂ ਦਾ ਸਮਾਨ ਸ਼ਾਮਲ ਹੈ।

ਇਸ ਦੀ ਮਿੱਟੀ ਬਰਨਾਲੇ ਤੋਂ ਮੰਗਵਾਈ ਜਾਂਦੀ ਹੈ ਤੇ 5000 ਦੀ 100 ਫੁੱਟ ਮਿੱਟੀ ਮਿਲਦੀ ਹੈ। ਉਹਨਾਂ ਦਸਿਆ ਕਿ ਲਾਕਡਾਊਨ ਤੇ ਕੋਰੋਨਾ ਕਾਰਨ ਉਹਨਾਂ ਦਾ ਕੰਮ ਬਹੁਤ ਹੀ ਮੰਦਾ ਰਿਹਾ ਹੈ। ਪਹਿਲਾਂ ਉਹ ਹਾੜੀ ਸਮੇਂ ਲੋਕਾਂ ਨੂੰ ਘੜੇ ਵੰਡ ਆਉਂਦੇ ਰਹੇ ਸਨ ਪਰ ਇਸ ਵਾਰ ਕਿਸੇ ਨੇ ਵੀ ਘੜੇ ਨਹੀਂ ਖਰੀਦੇ।

ਉਹਨਾਂ ਨੂੰ ਘੜੇ ਬਦਲੇ ਕਣਕ ਦਿੱਤੀ ਜਾਂਦੀ ਸੀ। ਉਹਨਾਂ ਦਸਿਆ ਕਿ ਉਹਨਾਂ ਦਾ ਸਾਰਾ ਪਰਿਵਾਰ ਇਸ ਕੰਮ ਵਿਚ ਮਦਦ ਕਰਦਾ ਹੈ। ਉਹਨਾਂ ਤੋਂ ਇਲਾਵਾ ਉੱਥੇ 2, 3 ਹੋਰ ਘਰ ਹਨ ਜੋ ਕਿ ਮਿੱਟੀ ਦੇ ਭਾਂਡੇ ਬਣਾਉਣ ਦਾ ਕੰਮ ਕਰਦੇ ਹਨ।

ਘੁਮਿਆਰ ਅੰਤਾਂ ਦੀ ਗਰਮੀ ਵਿਚ ਘਰ ਦਾ ਗੁਜ਼ਾਰਾ ਕਰਨ ਲਈ ਸਮਾਨ ਵੇਚ ਰਹੇ ਹਨ ਪਰ ਸਮਾਨ ਨਾ ਵਿਕਣ ਕਾਰਨ ਹੁਣ ਇਹ ਦੁਕਾਨਦਾਰ ਕਾਫੀ ਪ੍ਰੇਸ਼ਾਨ ਹੋ ਗਏ ਹਨ। ਦੱਸ ਦਈਏ ਕਿ ਲਾਕਡਾਊਨ ਕਾਰਨ ਕੰਮ ਕਾਜ ਪੂਰੀ ਤਰ੍ਹਾਂ ਠੱਪ ਹੋ ਗਿਆ ਸੀ ਜਿਸ ਲਈ ਲੋਕਾਂ ਕੋਲ ਖਾਣ ਦਾ ਸਮਾਨ ਲੈਣ ਜੋਗੇ ਵੀ ਪੈਸੇ ਨਹੀਂ ਸੀ ਤੇ ਹੁਣ ਉਹ ਜ਼ਰੂਰਤ ਦਾ ਸਮਾਨ ਕਿੱਥੋ ਖਰੀਦਣ ਇਸ ਦਾ ਅੰਦਾਜਾ ਤੁਸੀਂ ਲਗਾ ਸਕਦੇ ਹੋ ਜਿਸ ਦਾ ਅਸਰ ਹੁਣ ਦੁਕਾਨਦਾਰਾਂ ‘ਤੇ ਵੀ ਪੈ ਰਿਹਾ ਹੈ।