Social Media Medical Store Navtej Guggu Punjab

ਬਟਾਲਾ:ਪਿਛਲੇ ਦਿਨੀਂ ਪ੍ਰਸ਼ਾਸਨ ਦੀ ਧੱਕੇਸ਼ਾਹੀ ਤੋਂ ਬਾਅਦ ਚਰਚਾ ਵਿਚ ਆਏ ਨਵਤੇਜ ਗੁੱਗੂ ਦਾ ਇੱਕ ਵਾਰ ਫਿਰ ਦਰਦ ਛਲਕਿਆ ਜਿੱਥੇ ਨਵਤੇਜ ਨੇ ਲਾਈਵ ਹੋ ਆਪਣੇ ਦਰਦ ਬਿਆਨ ਕਰਦਿਆਂ ਆਖਿਆ ਕਿ, “ਇੰਨਾ ਕੁੱਝ ਹੋਣ ਦੇ ਬਾਵਜੂਦ ਵੀ ਓਹ ਲੋਕਾਂ ਦੀ ਸੇਵਾ ਕਰ ਰਹੇ ਹਨ। ਪਰ ਪ੍ਰਸ਼ਾਸਨ ਓਨ੍ਹਾਂ ਨਾ ਦਾ ਸਾਥ ਦੇਣ ਦੀ ਬਜਾਏ ਧੱਕੇਸ਼ਹੀ ਕਰ ਰਿਹਾ।

ਨਵਤੇਜ ਗੁੱਗੂ ਨੇ ਕਿਹਾ ਕਿ ਇਸ ਹਸਪਤਾਲ ਤੇ ਸਵਾਲ ਖੜ੍ਹੇ ਕੀਤੇ ਜਾ ਰਹੇ ਹਨ ਇਹ ਗਲਤ ਥਾਂ ਤੇ ਬਣਾਈ ਗਈ ਹੈ ਕਿਉਂ ਕਿ ਇਸ ਦੇ ਨੇੜੇ ਪਾਰਕ ਹੈ। ਪਿਛਲੀ ਘਟਨਾ ਕਾਰਨ ਇਸ ਹਸਪਤਾਲ ਦਾ ਸਟਾਫ ਡਰਿਆ ਹੋਇਆ ਹੈ ਇਸ ਲਈ ਅੱਧੇ ਨਾਲੋਂ ਵੀ ਅੱਧਾ ਸਟਾਫ ਆ ਰਿਹਾ ਹੈ।”

ਪਰ ਫਿਰ ਵੀ ਉਹਨਾਂ ਵੱਲੋਂ ਮਰੀਜ਼ਾਂ ਦੀ ਸੇਵਾ ਵਿਚ ਕੋਈ ਕਮੀ ਨਹੀਂ ਰਹਿਣ ਦਿੱਤੀ ਜਾਵੇਗੀ ਤੇ ਉਹ ਮਰੀਜ਼ਾਂ ਦਾ ਇਲਾਜ ਵੀ ਸਹੀ ਤਰੀਕੇ ਨਾਲ ਕਰ ਰਹੇ ਹਨ। 100 ਰੁਪਏ ਤੋਂ ਇਸ ਬਿਲਡਿੰਗ ਦਾ ਕੰਮ ਸ਼ੁਰੂ ਕੀਤਾ ਸੀ ਪਰ ਹੁਣ ਇਹ ਕਰੋੜਾਂ ਦੀ ਬਣ ਚੁੱਕੀ ਹੈ।

ਇਹ ਸਿਰਫ ਬਿਲਡਿੰਗ ਹੀ ਨਹੀਂ ਹੈ ਇਸ ਵਿਚ ਕੰਮ ਵੀ ਚਲ ਰਿਹਾ ਹੈ। ਮਰੀਜ਼ਾਂ ਦਾ ਇਲਾਜ ਵੀ ਸਹੀ ਤਰੀਕੇ ਨਾਲ ਕੀਤਾ ਜਾਂਦਾ ਹੈ। ਪ੍ਰਸ਼ਾਸਨ ਨੇ ਮਰੀਜ਼ਾਂ ਨੂੰ ਡਰਾ ਧਮਕਾ ਕੇ ਗੱਡੀਆਂ ਵਿਚ ਸੁੱਟਿਆ ਤੇ ਫਿਰ ਉਹਨਾਂ ਨੂੰ ਸਰਕਾਰੀ ਹਸਪਤਾਲਾਂ ਵਿਚ ਦਾਖਲ ਕਰਵਾਇਆ ਗਿਆ।

ਉਹਨਾਂ ਅੱਗੇ ਕਿਹਾ ਕਿ, “ਜਿਹੜਾ ਸਟਾਫ ਇਸ ਹਸਤਪਾਲ ਵਿਚ ਕੰਮ ਕਰਦਾ ਸੀ ਉਸ ਨੂੰ ਵੀ ਪ੍ਰਸ਼ਾਸਨ ਨੇ ਧਮਕੀਆਂ ਦਿੱਤੀਆਂ ਕਿ ਉਹ ਇਸ ਹਸਪਤਾਲ ਵਿਚ ਕੰਮ ਨਹੀਂ ਕਰਨਗੇ। ਜੇ ਉਹਨਾਂ ਨੇ ਵਿਦੇਸ਼ ਵਿਚ ਅਜਿਹਾ ਹਸਪਤਾਲ ਖੋਲ੍ਹਿਆ ਹੁੰਦਾ ਤਾਂ ਉੱਥੇ ਉਹਨਾਂ ਨੂੰ ਸਨਮਾਨਿਤ ਕੀਤਾ ਜਾਣਾ ਸੀ ਪਰ ਭਾਰਤ ਵਿਚ ਇਸ ਦਾ ਵਿਰੋਧ ਕੀਤਾ ਜਾ ਰਿਹਾ ਹੈ ਉਹਨਾਂ ਨੂੰ ਦਬਾਇਆ ਜਾ ਰਿਹਾ ਹੈ।”

ਦੱਸ ਦੇਈਏ ਕਿ ਪਿਛਲੇ ਦਿਨੀਂ ਪ੍ਰਸ਼ਾਸਨ ਨੇ ਨਵਤੇਜ ਨੂੰ ਹਸਪਤਾਲ ਵਿਚੋਂ ਗ੍ਰਿਫ਼ਤਾਰ ਕੀਤਾ ਸੀ ਜਿਸ ਤੋਂ ਬਾਅਦ ਇਕੱਲੇ ਪੰਜਾਬ ਵਿੱਚ ਹੀ ਨਹੀਂ ਬਲਕਿ ਦੇਸ਼ ਵਿਦੇਸ਼ਾਂ ਤੋਂ ਵੀ ਲੋਕਾਂ ਨੇ ਪ੍ਰਸ਼ਾਸਨ ਦੀ ਇਸ ਕਾਰਗੁਜ਼ਾਰ ਦੀ ਨਿਖੇਧੀ ਕੀਤੀ ਸੀ।