ਚੰਡੀਗੜ੍ਹ : ਸ਼੍ਰੋਮਣੀ ਸੰਤ ਖ਼ਾਲਸਾ ਇੰਟਰਨੈਸ਼ਨਲ ਫਾਉਡੇਸ਼ਨ ਦੇ ਚੇਅਰਮੈਨ ਸੰਤ ਪ੍ਰਿਤਪਾਲ ਸਿੰਘ ਅਤੇ ਸ਼੍ਰੋਮਣੀ ਅਕਾਲੀ ਦਲ ਟਕਸਾਲੀ ਦੇ ਜਨਰਲ ਸਕੱਤਰ ਕਰਨੈਲ ਸਿੰਘ ਪੀਰ ਮੁਹੰਮਦ ਦੇ ਸਹਿਯੋਗ ਨਾਲ ਐਨਬਾਲ ਫੈਡਰੇਸ਼ਨ ਆਫ ਇੰਡੀਆ ਨੇ ਦੂਜਾ ਇਨਬਾਲ ਮੁਕਾਬਲੇ ਸ਼ੁਰੂ ਹੋ ਗਏ। ਗੁਰਸਾਗਰ ਪਬਲਿਕ ਸਕੂਲ 'ਚ ਸ਼ਾਂਤੀ ਦਾ ਸੰਦੇਸ਼ ਦਿੰਦਿਆਂ ਪੰਜਾਬ, ਕੇਰਲਾ, ਅਸਾਮ, ਬਿਹਾਰ, ਮੱਧ ਪ੍ਰਦੇਸ਼, ਝਾਰਖੰਡ, ਹਰਿਆਣਾ, ਯੂਪੀ ਆਦਿ ਰਾਜਾਂ ਖਿਡਾਰੀਆਂ ਨੂੰ ਫੁੱਟਬਾਲ, ਬਾਸਕਟਬਾਲ, ਹੈਂਡਬਾਲ, ਦੌੜਾਂ ਅਤੇ 4 ਰੰਗਾਂ ਦੇ ਆਪਸੀ ਤਾਲਮੇਲ ਬਣਾਇਆ। ਖੇਡਾਂ ਦਾ ਉਦਘਾਟਨ ਅੱਜ ਭਾਰਤੀ ਕਬੱਡੀ ਟੀਮ ਦੇ ਕੋਚ ਬਲਵਾਨ ਸਿੰਘ ਨੇ ਮਾਈਂਡ ਟ੍ਰੇਨਰ ਜਗਵੀਰ ਸਿੰਘ, ਬੀਬਾ ਚਰਨਕਮਲ ਕੌਰ ਚੇਅਰਪਰਸਨ ਕਰਤਾਰ ਆਸਰਾ ਟ੍ਰਸਟ, ਕਰਨੈਲ ਸਿੰਘ ਪੀਰਮੁਹੰਮਦ ਜਨਰਲ ਸਕੱਤਰ ਅਤੇ ਬੁਲਾਰਾ ਸ਼੍ਰੋਮਣੀ ਅਕਾਲੀ ਦਲ ਟਕਸਾਲੀ ਨੇ ਮਿਲ ਕੇ ਕੀਤਾ।
ਇਸ ਮੌਕੇ ਇਨਬਾਲ ਦੇ ਪ੍ਰਧਾਨ ਪ੍ਰਤਾਪ ਸਿੰਘ ਨੇ ਦਸਿਆ ਕਿ ਬੀਤੇ ਦਿਨੀ ਭਾਰਤੀ ਟੀਮ ਦੇ ਮੋਰਾਕੋ ਵਿਚ ਇੰਨਬਾਲ ਦੇ ਵਿਸ਼ਵ ਕੱਪ 'ਚ ਸਿਲਵਰ ਮੈਡਲ ਜਿੱਤਿਆ ਅਤੇ ਇਹ ਖੇਡ ਬਹੁਤ ਤੇਜੀ ਨਾਲ ਪੂਰੇ ਦੇਸ਼ ਚ ਫੈਲ ਰਹੀ ਹੈ। ਇਸੇ ਦੌਰਾਨ ਅਪਣੇ ਸੰਬੋਧਨ 'ਚ ਸੱਯਦ ਵਸੀਮ ਨੇ ਕਿਹਾ ਮੈਂ ਕਸ਼ਮੀਰ ਤੋਂ ਆਇਆ ਹਾਂ ਤੇ ਸਰਕਾਰਾਂ ਚਾਹੇ ਕਿੰਨੀਆਂ ਵੀ ਨੀਤੀਆਂ ਬਣਾ ਲੈਣ ਦੇਸ਼ ਦਾ ਮਾਹੌਲ ਖ਼ਰਾਬ ਕਰਨ ਦੀ ਕੋਸ਼ਿਸ਼ ਕਰਨ ਲੇਕਿਨ ਦੇਸ਼ ਦੇ ਨੌਜਵਾਨ ਇਸੇ ਤਰ੍ਹਾਂ ਮਾਨਵਤਾ ਦੀ ਭਲਾਈ ਦਾ ਸੰਦੇਸ਼ ਖੇਡਾਂ ਰਾਹੀ ਦਿੰਦੇ ਰਹਿਣਗੇ।
ਇਸ ਮੌਕੇ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਸਰਪ੍ਰਸਤ ਅਤੇ ਸ਼੍ਰੋਮਣੀ ਅਕਾਲੀ ਦਲ ਟਕਸਾਲੀ ਦੇ ਜਨਰਲ ਸਕੱਤਰ ਕਰਨੈਲ ਸਿੰਘ ਪੀਰ ਮੁਹੰਮਦ ਨੇ ਕਿਹਾ ਕਿ ਦੇਸ਼ ਅੰਦਰ ਫਿਰਕਾਪ੍ਰਸਤ ਤਾਕਤਾ ਸਿੱਖ ਹਿੰਦੂ ਮੁਸਲਿਮ ਤੇ ਇਸਾਈ ਧਰਮ ਸਮੇਤ ਅਲੱਗ ਅਲੱਗ ਧਰਮਾ ਨੂੰ ਆਪਸ ਵਿਚ ਲੜਾਉਣ ਲਈ ਤੱਤਪਰ ਹਨ ਪਰ ਅਸੀਂ ਐਨਬਾਲ ਖੇਡ ਰਾਹੀ ਸਾਹਿਬਜ਼ਾਦਿਆਂ ਦੇ ਸ਼ਹੀਦੀ ਦਿਹਾੜੇ ਮੌਕੇ ਸਾਰੇ ਧਰਮਾ ਦੇ ਖਿਡਾਰੀਆ ਨੂੰ ਇਕਜੁੱਟ ਕਰ ਕੇ ਇਕੱਠਿਆ ਖੇਡਣ ਦਾ ਮੌਕਾ ਪ੍ਰਦਾਨ ਕੀਤਾ ਹ। ਉਨ੍ਹਾਂ ਫਿਰਕੂ ਸੋਚ ਵਿਚਾਰ ਰੱਖਣ ਵਾਲਿਆਂ ਨੂੰ ਸੱਦਾ ਦਿਤਾ ਹੈ ਕਿ ਉਹ ਕੱਲ੍ਹ ਫਾਈਨਲ ਮੈਚ ਦੇਖਣ ਆਉਣ, ਉਨ੍ਹਾਂ ਨੂੰ ਸਿੱਖ ਹਿੰਦੂ ਮੁਸਲਮਾਨ ਤੇ ਈਸਾਈ ਖਿਡਾਰੀ ਇਕੱਠੇ ਖੇਡਦੇ ਦਿੱਸਣਗੇ।