ਰਜਿੰਦਰਾ ਹਸਪਤਾਲ ਦੀ ਛੱਤ ’ਤੇ ਰੋਸ ਪ੍ਰਦਰਸ਼ਨ ਵਜੋਂ ਬੈਠੀਆਂ ਨਰਸਾਂ ਨੇ ਮਾਰੀ ਛਾਲ
ਇੱਥੇ ਪਿਛਲੇ ਕਈ ਹਫ਼ਤਿਆਂ ਤੋਂ ਪੱਕੇ ਹੋਣ ਦੀ ਮੰਗ ਨੂੰ ਲੈ ਕੇ ਹਸਪਤਾਲ ਦੀ ਛੱਤ ਤੇ ਰੋਸ ਪ੍ਰਦਰਸ਼ਨ ਵਜੋਂ ਬੈਠੀਆਂ ਨਰਸਾਂ ਨੇ ਅੱਜ...
Rajindra Hospital
ਪਟਿਆਲਾ : ਇੱਥੇ ਪਿਛਲੇ ਕਈ ਹਫ਼ਤਿਆਂ ਤੋਂ ਪੱਕੇ ਹੋਣ ਦੀ ਮੰਗ ਨੂੰ ਲੈ ਕੇ ਹਸਪਤਾਲ ਦੀ ਛੱਤ ਤੇ ਰੋਸ ਪ੍ਰਦਰਸ਼ਨ ਵਜੋਂ ਬੈਠੀਆਂ ਨਰਸਾਂ ਨੇ ਅੱਜ ਸ਼ਾਮ ਨੂੰ ਛਲਾਂਗ ਲਗਾ ਦਿਤੀ ਹੈ। ਦੋਹਾਂ ਵਿਚੋਂ ਇਕ ਨਰਸ ਉੱਥੇ ਮੌਜੂਦ ਪ੍ਰਸ਼ਾਸਨ ਵਲੋਂ ਪਾਏ ਜਾਲ ਉਤੇ ਜਾ ਡਿੱਗੀ ਜਦਕਿ ਦੂਜੀ ਨਰਸ ਜ਼ਮੀਨ ਉਤੇ ਜਾ ਡਿੱਗੀ।
ਦੋਵਾਂ ਨਰਸਾਂ ਵਿਚੋਂ ਇਕ ਦੀ ਹਾਲਤ ਬਹੁਤ ਹੀ ਗੰਭੀਰ ਦੱਸੀ ਜਾ ਰਹੀ ਹੈ। ਪੁਲਿਸ ਇਸ ਮਾਮਲੇ ਵਿਚ ਕੁਝ ਵੀ ਬੋਲਣ ਨੂੰ ਤਿਆਰ ਨਹੀਂ ਹੈ ਅਤੇ ਨਾ ਹੀ ਨਰਸਾਂ ਨੂੰ ਵੇਖਣ ਲਈ ਮੀਡੀਆ ਨੂੰ ਕਮਰੇ ਵਿਚ ਦਾਖ਼ਲ ਹੋਣ ਦਿਤਾ ਜਾ ਰਿਹਾ ਹੈ।