Rai Mohammed Murtaza Iqbal

ਲਾਹੌਰ : ਪਾਕਿਸਤਾਨ 'ਚ ਸਾਬਕਾ ਕ੍ਰਿਕਟ ਖਿਡਾਰੀ ਇਮਰਾਨ ਖ਼ਾਨ ਕੁੱਝ ਹੀ ਦਿਨਾਂ ਵਿਚ ਪਾਕਿਸਤਾਨ ਦੇ ਨਵੇਂ ਪ੍ਰਧਾਨ ਮੰਤਰੀ ਵਜੋਂ ਸਹੁੰ ਚੁੱਕਣ ਜਾ ਰਹੇ ਹਨ। ਉਨ੍ਹਾਂ ਦੇ ਸਾਂਸਦਾਂ ਵਿਚੋਂ ਇਕ ਅਜਿਹੇ ਸਾਂਸਦ ਵੀ ਹਨ ਜਿਨ੍ਹਾਂ ਦਾ ਸਬੰਧ ਲੁਧਿਆਣਾ ਨਾਲ ਹੈ। ਪੁਰਾਣੇ ਅਣਵੰਡੇ ਪੰਜਾਬ ਦੇ ਵਿਧਾਇਕ ਦੇ ਪੋਤੇ ਰਾਏ ਮੁਹੰਮਦ ਮੁਰਤਜ਼ਾ ਇਕਬਾਲ ਪਾਕਿਸਤਾਨ ਦੀਆਂ ਆਮ ਚੋਣਾਂ ਵਿਚ ਇਮਰਾਨ ਖ਼ਾਨ ਦੀ ਪਾਰਟੀ ਤਹਿਰੀਕ-ਏ-ਇਨਸਾਫ਼ ਵਲੋਂ ਨੈਸ਼ਨਲ ਅਸੈਂਬਲੀ ਦੇ ਮੈਂਬਰ ਅਤੇ ਪੰਜਾਬ ਵਿਧਾਨ ਸਭਾ ਦੇ ਮੈਂਬਰ ਚੁਣੇ ਗਏ ਹਨ। ਪਾਕਿਸਤਾਨ ਪਿਛਲੇ ਚੋਣਾਂ ਹੋਈਆਂ ਸਨ, ਜਿਨ੍ਹਾਂ ਵਿਚ ਉਹ ਤਹਿਰੀਕ-ਏ-ਇਨਸਾਫ਼ ਪਾਰਟੀ ਦੇ ਉਮੀਦਵਾਰ ਸਨ ਅਤੇ ਜ਼ਿਲ੍ਹਾ ਸਾਹੀਵਾਲ ਦੇ ਪਾਰਲੀਮੈਂਟ ਹਲਕੇ ਮਿੰਟਗੁਮਰੀ ਤੋਂ ਚੋਣ ਲੜ ਰਹੇ ਸਨ।