ਨਿਊਯਾਰਕ : ਅਮਰੀਕਾ ਵਿੱਚ ਦੋ ਗੋਰੇ ਵਿਅਕਤੀਆਂ ਵੱਲੋਂ ਕੁੱਟਿਆ ਗਿਆ ਅਤੇ ਮੇਰੇ ਉੱਤੇ ਹਮਲਾ ਕੀਤਾ ਜਿਸ ਕਰਕੇ ਮੈ ਗੰਭੀਰ ਜ਼ਖਮੀ ਹੋਇਆ, 50 ਸਾਲ ਦਾ ਇੱਕ ਸਿੱਖ ਨੇ ਕਿਹਾ। ਨਾਲ ਹੀ ਉਸ ਨੇ ਇਹ ਵੀ ਕਿਹਾ ਕਿ ਮੇਰੀ ਪੱਗ ਨੇ ਮੈਨੂੰ ਬਚਾ ਲਿਆ। ਦਸਿਆ ਜਾ ਰਿਹਾ ਹੈ ਕੇ ਹਮਲਾਵਰਾਂ ਨੇ ਉਸ ਉੱਤੇ ਨਸਲੀ ਟਿੱਪਣੀ ਵੀ ਕੀਤੀ। ਇਸ ਮਾਮਲੇ ਸਬੰਧੀ ਸੁਰਜੀਤ ਸਿੰਘ  ਮਾਲਹੀ ਨੇ ਕਿਹਾ ਕਿ ਉਹ ਕੈਲੀਫੋਰਨੀਆ ਵਿੱਚ ਆਪਣੇ ਘਰ  ਦੇ ਕੋਲ ਅਮਰੀਕੀ ਪ੍ਰਤਿਨਿੱਧੀ ਜੈਫ  ਡੇਨਹਮ ਲਈ ਰਾਜਨੀਤਕ  ਪੋਸਟਰ ਚਿਪਕਾ ਰਿਹਾ ਸੀ ਜੋ ਕਿ ਬਤੋਰ ਰਿਪਬਲਿਕਨ ਉਮੀਦਵਾਰ ਫਿਰ ਤੋਂ ਚੋਣ ਮੈਦਾਨ ਵਿੱਚ ਖੜੇ ਹਨ।

ਉਹਨਾਂ ਨੇ ਦਸਿਆ ਕਿ ਇਸ ਦੌਰਾਨ ਦੋ ਆਦਮੀ ਆਏ ਅਤੇ ਉਨ੍ਹਾਂ ਨੇ ਚੀਖਦੇ ਹੋਏ ਨਸਲੀ ਟਿੱਪਣੀ ਕੀਤੀ `ਤੇ ਕਿਹਾ ਕਿ ਤੁਹਾਡਾ ਇੱਥੇ ਸਵਾਗਤ ਨਹੀਂ ਹੈ , ਤੁਸੀਂ ਆਪਣੇ ਦੇਸ਼ ਵਾਪਸ ਜਾਓ । ਮੱਲੀ ਨੇ ਕਿਹਾ ਕਿ ਮੇਰੀ ਪੱਗ ਨੇ ਹੀ ਮੈਨੂੰ ਬਚਾਇਆ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਦੀ ਪੱਗ ਨੇ ਹੇਲਮੇਟ ਦੀ ਤਰ੍ਹਾਂ ਜਾਂ ਉਸਤੋਂ ਵੀ ਜ਼ਿਆਦਾ ਮਜਬੂਤੀ ਦੀ ਤਰ੍ਹਾਂ ਕੰਮ ਕੀਤਾ। ਉਨ੍ਹਾਂ ਨੇ ਕਿਹਾ  ਦੋ ਵਿਅਕਤੀ ਮੇਰੇ ਪਿੱਛੇ ਆਏ ਅਤੇ ਟੋਕਣ ਲੱਗੇ। ਉਨ੍ਹਾਂ ਨੇ ਮੇਰੀ ਅੱਖ ਵਿਚ ਰੇਤ ਪਾ  ਦਿੱਤੀ ਜਿਸ ਦੇ ਨਾਲ ਮੈਂ ਉਨ੍ਹਾਂ ਨੂੰ ਨਾ ਵੇਖ ਸਕਾਂ । ਉਨ੍ਹਾਂਨੇ ਮੇਰਾ ਸਿਰ ਫੜਿਆ ਅਤੇ ਡੰਡੇ ਅਤੇ ਬੈਲਟ ਨਾਲ ਮੇਰੀ ਮਾਰ ਕੁਟਾਈ ਸ਼ੁਰੂ ਕਰ ਦਿੱਤੀ ।

ਮੱਲੀ ਨੇ ਦੱਸਿਆ , ਜਿਸ ਤਰ੍ਹਾਂ ਉਹ ਮੈਨੂੰ ਮਾਰ ਰਹੇ ਸਨ ਹੋ ਸਕਦਾ ਸੀ ਮੈਂ ਮਰ ਜਾਂਦਾ।  ਉਹ ਮੈਨੂੰ ਕਹਿ ਰਹੇ ਸਨ ਤੂੰ ਇਥੋਂ ਦਾ ਨਹੀਂ ਹੈ। ਮੱਲੀ 1992 ਵਿੱਚ ਭਾਰਤ ਤੋਂ ਅਮਰੀਕਾ ਆਏ ਸਨ ਅਤੇ ਹੁਣ ਉੱਥੇ  ਦੇ ਸਥਾਈ ਨਿਵਾਸੀ ਹਨ।  ਉਹ ਪੱਗ ਪਾਉਂਦੇ ਹਨ ਅਤੇ ਹੋ ਸਕਦਾ ਹੈ ਕਿ ਇਹ ਕਾਰਨ ਹੋਵੇ ਕਿ ਉਨ੍ਹਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ। ਪਰ ਪੱਗ ਕਾਰਨ ਉਹਨਾਂ ਦੀ ਜਾਨ ਵੀ ਬਚ ਗਈ।

ਇਸ ਮਾਮਲੇ ਸਬੰਧੀ ਡਿਪਟੀ ਰਾਏਜਿੰਦਰ ਸਿੰਘ  ਨੇ ਕਿਹਾ , ਇਸ ਹਮਲੇ ਦਾ ਇੱਕ ਕਾਰਨ ਹੋ ਸਕਦਾ ਜੋ ਅਸੀ ਦੱਸ ਸਕਦੇ ਹਾਂ , ਉਹ ਇਹ ਕਿ ਉਨ੍ਹਾਂ ਨੇ ਪੱਗ ਪਾ ਰੱਖੀ ਸੀ ਅਤੇ ਉਹ ਮੱਧ ਪੂਰਵੀ ਸਨ ।  ਇਹੀ ਇੱਕ ਸਿਰਫ ਕਾਰਨ ਹੈ ਕਿ ਉਨ੍ਹਾਂ ਨੇ ਮੱਲੀ ਉੱਤੇ ਹਮਲਾ ਕੀਤਾ। ਮਿਲੀ ਜਾਣਕਾਰੀ ਮੁਤਾਬਕ ਮੱਲੀ ਨੇ ਕਿਹਾ ਕਿ ਸਭ ਕੁਝ ਬਹੁਤ ਤੇਜ਼ੀ ਨਾਲ ਹੋਇਆ। ਉਹ ਹਮਲਾ ਕਰਨ ਵਾਲਿਆਂ ਨੂੰ ਚੰਗੀ ਤਰਾਂ ਦੇਖ ਨਹੀਂ ਸਕੇ, ਪਰ ਜਾਂਚ ਕਰਨ ਵਾਲਿਆਂ ਨੂੰ ਦੱਸਿਆ ਕੀ ਉਹ ਦੋ ਵਿਅਕਤੀ ਸਨ. ਜਿੰਨਾ ਨੇ ਕਾਲੇ ਰੰਗ ਦੀ ਟੀ ਸਰਟ ਪਾਈ ਹੋਈ ਸੀ।