2 minor boys from a backward community were allegedly beaten up and paraded naked in a village in Maharashtra’s Jalgaon

ਮੁੰਬਈ : ਮਹਾਰਾਸ਼ਟਰ ਦੇ ਜਲਗਾਉਂ ਜ਼ਿਲ੍ਹੇ ਦੇ ਜਾਮਨੇਰ ਤਾਲੁਕਾ ਦੇ ਪਾਹੁਰ ਪਿੰਡ ਵਿਚ ਪਿਛੜੇ ਸਮਾਜ ਤੋਂ ਆਉਣ ਵਾਲੇ ਨਾਬਾਲਗ ਲੜਕਿਆਂ ਨੂੰ ਕੁੱਟਣ ਤੋਂ ਬਾਅਦ ਪੂਰੇ ਪਿੰਡ ਦੇ ਸਾਹਮਣੇ ਨੰਗੀ ਹਾਲਤ ਵਿਚ ਘੁੰਮਣ ਲਈ ਮਜਬੂਰ ਕੀਤਾ ਗਿਆ। ਇਨ੍ਹਾਂ ਵਿਚੋਂ ਇਕ ਦੀ ਉਮਰ 15 ਸਾਲ ਸੀ ਜਦਕਿ ਦੂਜਾ 16 ਸਾਲ ਦਾ ਸੀ। ਇਨ੍ਹਾਂ ਲੜਕਿਆਂ ਦਾ ਕਸੂਰ ਸਿਰਫ਼ ਇੰਨਾ ਸੀ ਕਿ ਉਹ ਗੁਆਂਢ ਦੇ ਪਿੰਡ ਵਕਾਡੀ ਵਿਚ ਦੂਜੀ ਜਾਤ ਦੇ ਇਕ ਕਿਸਾਨ ਦੇ ਖੂਹ ਵਿਚ ਨਹਾਉਣ ਲਈ ਕੁੱਦ ਗਏ ਸਨ। 

ਪੁਲਿਸ ਅਨੁਸਾਰ ਖੂਹ ਦੇ ਮਾਲਕ ਨੇ ਅਪਣੇ ਨੌਕਰ ਦੇ ਨਾਲ ਮਿਲ ਕੇ ਇਨ੍ਹਾਂ ਦੋਹਾਂ ਦੇ ਨਾਲ ਘਿਨੌਣਾਪਣ ਕੀਤਾ। 10 ਜੂਨ ਦੇ ਇਸ ਮਾਮਲੇ ਦੀ ਜਾਣਕਾਰੀ ਲੜਕਿਆਂ ਦੇ ਮਾਪਿਆਂ ਨੂੰ ਇਸ ਘਟਨਾ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣ ਤੋਂ ਬਾਅਦ ਮਿਲੀ ਅਤੇ ਉਨ੍ਹਾਂ ਨੇ ਇਸ ਤੋਂ ਬਾਅਦ ਪੁਲਿਸ ਨਾਲ ਸੰਪਰਕ ਕੀਤਾ। ਪਾਹੁਰ ਥਾਣਾ ਪੁਲਿਸ ਨੇ 10 ਜੂਨ ਦੀ ਰਾਤ ਨੂੰ ਪੀੜਤ ਲੜਕਿਆਂ ਵਿਚੋਂ ਇਕ ਦੇ ਪਿਤਾ ਦੀ ਸ਼ਿਕਾਇਤ 'ਤੇ ਕਾਰਵਾਈ ਕਰਦੇ ਹੋਏ ਦੋਸ਼ੀ ਈਸ਼ਵਰ ਜੋਸ਼ੀ ਅਤੇ ਪ੍ਰਹਿਲਾਦ ਲੋਹਾਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਅਤੇ 11 ਜੂਨ ਨੂੰ ਅਦਾਲਤ ਦੇ ਸਾਹਮਣੇ ਪੇਸ਼ ਕਰਦੇ ਹੋਏ ਉਨ੍ਹਾਂ ਨੂੰ ਜੇਲ੍ਹ ਭੇਜ ਦਿਤਾ।