Sikh Family harassed in Canada

Sikh Youth harassed in Canada: ਕੈਨੇਡਾ ਦੇ ਇਕ ਗੁਰਦੁਆਰਾ ਸਾਹਿਬ ਦੇ ਬਾਹਰ 'ਭਾਰਤ ਵਿਰੋਧੀ' ਨਾਅਰੇ ਲਗਾ ਰਹੇ ਗਰਮਖਿਆਲੀਆਂ ਵਲੋਂ ਗੁਰਦੁਆਰਾ ਸਾਹਿਬ 'ਚ ਮੱਥਾ ਟੇਕਣ ਆਏ ਸਿੱਖ ਪ੍ਰਵਾਰ ਨੂੰ ਤੰਗ-ਪ੍ਰੇਸ਼ਾਨ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦਸਿਆ ਜਾ ਰਿਹਾ ਹੈ ਕਿ ਇਸ ਪ੍ਰਵਾਰ ਨੇ ਗਰਮਖਿਆਲੀਆਂ ਨੂੰ ਭਾਰਤੀ ਝੰਡੇ ਦਾ ਅਪਮਾਨ ਨਾ ਕਰਨ ਲਈ ਕਿਹਾ ਸੀ।

ਇਹ ਘਟਨਾ ਗੁਰਦੁਆਰਾ ਖਾਲਸਾ ਦੀਵਾਨ ਸੋਸਾਇਟੀ ਐਬਟਸਫੋਰਡ ਦੀ ਦੱਸੀ ਜਾ ਰਹੀ ਹੈ। ਇਸ ਮੌਕੇ ਭਾਰਤੀ ਵਣਜ ਦੂਤਘਰ ਦੇ ਅਧਿਕਾਰੀਆਂ ਨੇ ਭਾਰਤੀ ਮੂਲ ਦੇ ਵਿਅਕਤੀਆਂ ਨੂੰ 'ਲਾਈਫ ਸਰਟੀਫਿਕੇਟ' ਜਾਰੀ ਕਰਨ ਲਈ ਇਕ ਕੈਂਪ ਲਗਾਇਆ ਸੀ। ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਉ ਜੰਗਲ ਦੀ ਅੱਗ ਵਾਂਗ ਫੈਲ ਰਹੀ ਹੈ ਜਿਸ ਵਿਚ ਇੱਕ ਪੋਸਟਰ ਦੇ ਨਾਲ ਖੜ੍ਹੇ ਗਰਮਖਿਆਲੀਆਂ ਦੇ ਇਕ ਸਮੂਹ ਨੂੰ ਦਿਖਾਇਆ ਗਿਆ ਹੈ, ਜੋ ਲਗਾਤਾਰ ਭਾਰਤ ਵਿਰੋਧੀ ਨਾਅਰੇ ਲਗਾ ਰਹੇ ਹਨ।

ਵਿਰੋਧੀ ਨਾਅਰੇ ਸੁਣਦਿਆਂ ਹੀ ਇਕ ਸਿੱਖ ਨੌਜਵਾਨ ਜੋ ਕਿ ਇਕ ਬਜ਼ੁਰਗ ਵਿਅਕਤੀ (ਜ਼ਾਹਰ ਤੌਰ 'ਤੇ ਉਸ ਦਾ ਪਿਤਾ) ਦੇ ਨਾਲ ਸੀ, ਉਸ ਨੇ ਸੜਕ 'ਤੇ ਸੁੱਟੇ ਤਿਰੰਗੇ ਨੂੰ ਚੁੱਕਣ ਦੀ ਕੋਸ਼ਿਸ਼ ਕੀਤੀ। ਭਾਰਤ ਵਿਰੋਧੀ ਨਾਅਰੇ ਸੁਣਨ ਤੋਂ ਬਾਅਦ ਗੁੱਸੇ 'ਚ ਆਏ ਸਿੱਖ ਨੌਜਵਾਨ ਨੇ ਗਰਮਖਿਆਲੀਆਂ ਨੂੰ ਕਿਹਾ, "ਤੁਹਾਡੇ ਕੋਲ ਹੋਰ ਕੋਈ ਕੰਮ ਨਹੀਂ ਹੈ?"

ਸਿੱਖ ਨੌਜਵਾਨ ਨੇ ਫਿਰ ਤਿਰੰਗਾ ਚੁੱਕਣ ਦੀ ਕੋਸ਼ਿਸ਼ ਕੀਤੀ, ਇਸ ਦੌਰਾਨ ਗਰਮਖਿਆਲੀਆਂ ਨੇ ਨੌਜਵਾਨ ਨੂੰ ਧੱਕਾ ਦੇ ਦਿਤਾ। ਇਸ ਮਗਰੋਂ ਉਨ੍ਹਾਂ ਨੇ ਨੌਜੁਆਨ ਨੂੰ ਉਸ ਦੇ ਬਜ਼ੁਰਗ ਪਿਤਾ, ਉਸ ਦੀ ਪਤਨੀ ਅਤੇ ਛੋਟੀ ਧੀ ਸਾਹਮਣੇ ਨੂੰ ਗਾਲ੍ਹਾਂ ਕੱਢਣੀਆਂ ਸ਼ੁਰੂ ਕਰ ਦਿਤੀਆਂ ਅਤੇ ‘ਤੇਰਾ ਭਰਾ ਮਾਰਿਆ ਗਿਆ ਸੀ ਭਾਰਤ ’ਚ? ਤੇਰੀ ਭੈਣ ਨਾਲ ਬਲਾਤਕਾਰ ਹੋਇਆ ਸੀ? ਤੇਰੇ ਪਿਤਾ ਦੇ ਗਲ ’ਚ ਸੜਕੇ ਟਾਇਰ ਪਾਏ ਗਏ ਸਨ’ ਵਰਗੇ ਤਾਹਨੇ ਮਾਰਨੇ ਸ਼ੁਰੂ ਕਰ ਦਿਤੇ

(For more news apart from Sikh Family harassed in Canada, stay tuned to Rozana Spokesman)