ਪੰਜਾਬਣ ਨੇ ਆਸਟ੍ਰੇਲੀਆ ’ਚ ਵਧਾਇਆ ਮਾਣ, ਐਡੀਲੇਡ ਵਿਚ ਕੌਂਸਲਰ ਚੁਣੀ ਗਈ ਰੂਪਨਗਰ ਦੀ ਅਮਨ ਕੌਰ
ਅਮਨ ਕੌਰ ਨਗਰ ਕੌਂਸਲ ਰੂਪਨਗਰ ਕੌਂਸਲਰ ਇੰਦਰਪਾਲ ਸਿੰਘ ਰਾਜੂ ਸਤਿਆਲ ਦੀ ਭੈਣ ਹੈ।
Aman Kaur
ਐਡੀਲੇਡ: ਆਸਟਰੇਲੀਆ ਦੇ ਸ਼ਹਿਰ ਐਡੀਲੇਡ ਵਿਚ ਪੰਜਾਬੀ ਮੂਲ ਦੀ ਅਮਨ ਕੌਰ ਸਤਿਆਲ(41) ਨੂੰ ਕੌਂਸਲਰ ਚੁਣਿਆ ਗਿਆ ਹੈ। ਇਸ ਖ਼ਬਰ ਨਾਲ ਪੰਜਾਬੀ ਭਾਈਚਾਰੇ ਵਿਚ ਖੁਸ਼ੀ ਦੀ ਲਹਿਰ ਪਾਈ ਜਾ ਰਹੀ ਹੈ। ਦੱਸ ਦੇਈਏ ਕਿ ਅਮਨ ਕੌਰ ਨਗਰ ਕੌਂਸਲ ਰੂਪਨਗਰ ਕੌਂਸਲਰ ਇੰਦਰਪਾਲ ਸਿੰਘ ਰਾਜੂ ਸਤਿਆਲ ਦੀ ਭੈਣ ਹੈ।
ਹਲਕਾ ਰੂਪਨਗਰ ਤੋਂ ਵਿਧਾਇਕ ਦਿਨੇਸ਼ ਚੱਢਾ ਨੇ ਆਪਣੇ ਫੇਸਬੁੱਕ ਪੇਜ ’ਤੇ ਅਮਨ ਕੌਰ ਅਤੇ ਉਹਨਾਂ ਦੇ ਪਰਿਵਾਰ ਨੂੰ ਵਧਾਈ ਦਿੱਤੀ ਹੈ। ਉਹਨਾਂ ਦੱਸਿਆ ਕਿ ਅਮਨ ਕੌਰ ਦਾ ਪਾਲਣ-ਪੋਸ਼ਣ ਰੂਪਨਗਰ ਸ਼ਹਿਰ ਵਿਚ ਹੀ ਹੋਇਆ ਹੈ ਅਤੇ ਉਹ 15 ਸਾਲ ਪਹਿਲਾਂ ਵਿਦੇਸ਼ ਚਲੇ ਗਏ ਸਨ।