Madhya Pradesh Chief Minister's Nephew Arrested In 354-Crore Bank Fraud

ਨਵੀਂ ਦਿੱਲੀ : ਮੱਧ ਪ੍ਰਦੇਸ਼  ਦੇ ਮੁੱਖਮੰਤਰੀ ਕਮਲਨਾਥ ਦੇ ਭਾਣਜੇ ਰਤੂਲ ਪੁਰੀ ਦੀ ਮੁਸ਼ਕਿਲ ਲਗਾਤਾਰ ਵੱਧਦੀ ਜਾ ਰਹੀ ਹੈ। ਸੀਬੀਆਈ ਨੇ ਉਨ੍ਹਾਂ ਦੇ ਵਿਰੁਧ 354 ਕਰੋੜ ਦੇ ਬੈਂਕ ਘੋਟਾਲੇ ਦੇ ਮਾਮਲੇ 'ਚ ਐਫਆਈਆਰ ਦਰਜ ਕਰ ਲਈ ਹੈ। ਰਤੂਲ ਨੂੰ ਮੰਗਲਵਾਰ ਸਵੇਰੇ ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਨੇ ਗ੍ਰਿਫਤਾਰ ਕੀਤਾ। ਦੱਸ ਦਈਏ ਕਿ ਨੀਟਾ ਪੁਰੀ ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਕਮਲਨਾਥ ਦੀ ਭੈਣ ਹੈ ਅਤੇ ਰਤੂਲ ਪੁਰੀ ਕਮਲਨਾਥ ਦਾ ਭਾਂਣਜਾ ਹੈ। ਇਸ ਦੇ ਨਾਲ ਹੀ ਰਤੂਲ ਪੁਰੀ ਨੂੰ ਅਗਸਤਾ ਵੈਸਟਲੈਂਡ ਕੇਸ ਵਿਚ ਅਗਾਂਊ ਜ਼ਮਾਨਤ ਮਿਲ ਗਈ ਹੈ।

ਬੈਂਕਿੰਗ ਧੋਖਾਧੜੀ ਦਾ ਕੇਸ ਕੀ ਹੈ
ਸੀਬੀਆਈ ਨੇ ਸ਼ਨੀਵਾਰ ਨੂੰ ਮੱਧ ਪ੍ਰਦੇਸ਼ ਦੇ ਸੀਐਮ ਕਮਲਨਾਥ ਦੇ ਭਾਣਜੇ ਅਤੇ ਮੋਸਰ ਬੇਅਰ ਦੇ ਤਤਕਾਲੀ ਕਾਰਜਕਾਰੀ ਡਾਇਰੈਕਟਰ ਰਤੂਲ ਪੁਰੀ ਦੇ ਖਿਲਾਫ ਸ਼ਨੀਵਾਰ ਨੂੰ ਕੇਸ ਦਰਜ ਕੀਤਾ ਸੀ। ਇਹ ਕੇਸ ਕੇਂਦਰੀ ਬੈਂਕ ਆਫ਼ ਇੰਡੀਆ ਨੂੰ 354.51 ਕਰੋੜ ਰੁਪਏ ਦਾ ਚੂਨਾ ਲਗਾਉਣ ਨਾਲ ਸਬੰਧਤ ਹੈ।

ਰਤੂਲ ਤੋਂ ਇਲਾਵਾ ਐਮਬੀਆਈਐਲ ਦੇ ਮੈਨੇਜਿੰਗ ਡਾਇਰੈਕਟਰ ਦੀਪਕ ਪੁਰੀ, ਉਨ੍ਹਾਂ ਦੀ ਪਤਨੀ ਨੀਤਾ ਪੁਰੀ, ਕੰਪਨੀ ਵਿਚ ਇਕ ਪੂਰਨ-ਸਮੇਂ ਨਿਰਦੇਸ਼ਕ, ਐਮਬੀਆਈਐਲ ਦੇ ਸਾਬਕਾ ਕਾਰਜਕਾਰੀ ਨਿਰਦੇਸ਼ਕ ਰਤੂਲ ਪੁਰੀ, ਡਾਇਰੈਕਟਰ ਸੰਜੇ ਜੈਨ, ਵਿਨੀਤ ਸ਼ਰਮਾ ਅਤੇ ਹੋਰ ਅਣਜਾਣ ਸਰਕਾਰੀ ਕਰਮਚਾਰੀਆਂ ਅਤੇ ਧੋਖਾਧੜੀ, ਜਾਅਲਸਾਜ਼ੀ ਅਤੇ ਅਪਰਾਧਿਕ ਦੁਰਾਚਾਰ ਅਤੇ ਅਪਰਾਧਿਕ ਸਾਜਿਸ਼ ਰਚਨ ਦੇ ਤਹਿਤ ਕੇਸ ਦਰਜ ਕੀਤਾ ਗਿਆ ਸੀ।

ਅਗਸਤਾ ਵੈਸਟਲੈਂਡ ਵਿਚ ਰਿਸ਼ਵਤ ਲੈਣ ਦਾ ਦੋਸ਼ ਲਗਾਇਆ ਹੈ-
ਰਤੂਲ ਪੁਰੀ ਦੀ ਅਗਸਤਾ ਵੈਸਟਲੈਂਡ ਮਾਮਲੇ ਵਿਚ ਜਾਂਚ ਚੱਲ ਰਹੀ ਹੈ। ਰਤੂਲ ਪੁਰੀ ‘ਤੇ ਦੋਸ਼ ਹੈ ਕਿ ਉਸ ਨੇ ਆਪਣੀ ਕੰਪਨੀ ਰਾਹੀਂ ਕਥਿਤ ਤੌਰ 'ਤੇ ਰਿਸ਼ਵਤ ਲਈ ਸੀ। ਇਨਫੋਰਸਮੈਂਟ ਡਾਇਰੈਕਟੋਰੇਟ ਦਾ ਦੋਸ਼ ਹੈ ਕਿ ਰਤੂਲ ਪੁਰੀ ਦੀ ਮਾਲਕੀਅਤ ਵਾਲੀ ਕੰਪਨੀ ਨਾਲ ਜੁੜੇ ਖਾਤੇ ਰਿਸ਼ਵਤ ਦੇ ਪੈਸੇ ਇਕੱਠੇ ਕਰਨ ਲਈ ਵਰਤੇ ਗਏ ਸਨ। ਅਗਸਤਾ ਵੈਸਟਲੈਂਡ ਹੈਲੀਕਾਪਟਰ ਸੌਦਾ 3,600 ਕਰੋੜ ਰੁਪਏ ਦੀ ਮਨੀ ਲਾਂਡਰਿੰਗ ਦਾ ਮਾਮਲਾ ਹੈ।

ਭਾਰਤੀ ਹਵਾਈ ਸੈਨਾ (ਆਈਏਐਫ) ਨੇ ਐਂਗਲੋ-ਇਟਲੀ ਦੀ ਕੰਪਨੀ ਅਗਸਤਾ-ਵੈਸਟਲੈਂਡ ਨਾਲ 12 ਵੀਵੀਆਈਪੀ ਹੈਲੀਕਾਪਟਰਾਂ ਦੀ ਖਰੀਦ ਲਈ ਇਕ ਸਮਝੌਤੇ 'ਤੇ ਦਸਤਖਤ ਕੀਤੇ ਸਨ। ਇਹ ਸਮਝੌਤਾ ਸਾਲ 2010 ਵਿਚ 3 ਹਜ਼ਾਰ 600 ਕਰੋੜ ਰੁਪਏ ਦਾ ਸੀ, ਪਰ ਜਨਵਰੀ 2014 ਵਿਚ ਭਾਰਤ ਸਰਕਾਰ ਨੇ ਇਸ ਸਮਝੌਤੇ ਨੂੰ ਰੱਦ ਕਰ ਦਿੱਤਾ ਸੀ।

ਦੋਸ਼ ਹੈ ਕਿ ਇਸ ਸਮਝੌਤੇ ਵਿਚ 360 ਕਰੋੜ ਰੁਪਏ ਦਾ ਕਮਿਸ਼ਨ ਦਿੱਤਾ ਗਿਆ ਸੀ। ਇਸ ਮਾਮਲੇ ਵਿਚ ਰਤੂਲ ਪੁਰੀ ਦਾ ਨਾਮ ਵੀ ਸਾਹਮਣੇ ਆਇਆ ਸੀ। ਪਰ ਇਸ ਕੇਸ ਵਿੱਚ, ਮੁਲਜ਼ਮ ਤੋਂ ਸਰਕਾਰੀ ਗਵਾਹ ਬਣਨ ਵਾਲੇ ਰਾਜੀਵ ਸਕਸੈਨਾ ਨੇ ਪੁੱਛਗਿੱਛ ਵਿੱਚ ਰਤੂਲ ਪੁਰੀ ਦਾ ਨਾਮ ਛੁਪਾਇਆ ਸੀ।