Nagar kirtan in Phoenix

ਫੀਨਿਕਸ : ਸੰਯੁਕਤ ਰਾਸ਼ਟਰ ਦੇ ਫੀਨਿਕਸ ਸ਼ਹਿਰ ਦੇ ਕਨਵੈਂਨਸ਼ਨ ਸੈਂਟਰ ਵਿਚ ਸ਼ਹਿਰ ਦੇ ਸਿੱਖ ਭਾਈਚਾਰੇ ਵੱਲੋਂ ਐਤਵਾਰ 24 ਮਾਰਚ ਨੂੰ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ 550 ਸਾਲਾ ਪ੍ਰਕਾਸ਼ ਪੂਰਬ ਮਨਾਇਆ ਗਿਆ।

ਸਮਾਰੋਹ ਵਿਚ ਸਿੱਖ ਪਰੇਡ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿਚ ਬੱਚਿਆਂ ਸਮੇਤ ਸੰਗਤਾਂ ਨੇ ਵੱਡੀ ਗਿਣਤੀ ਵਿਚ ਹਾਜ਼ਰੀ ਭਰੀ। ਨਗਰ ਕੀਰਤਨ ਦੌਰਾਨ ਛੋਟੇ ਸਿੱਖ ਬੱਚਿਆਂ ਨੇ ਝਾਕੀਆਂ ਵਿਚ ਹਿੱਸਾ ਲਿਆ।

ਵਿਦੇਸ਼ਾਂ ਵਿਚ ਰਹਿਣ ਦੇ ਬਾਵਜੂਦ ਵੀ ਸਮੂਹ ਸਿੱਖ ਸੰਗਤ ਆਪਣੇ ਰਵਾਇਤੀ ਲਿਬਾਸ ਵਿਚ ਬਹੁਤ ਸੋਹਣੀ ਲੱਗ ਰਹੀ ਸੀ। ਸਿੱਖ ਪਰੇਡ ਤੋਂ ਅੱਗੇ ਕੇਸਰੀ ਨਿਸ਼ਾਨ ਦੇ ਨਾਲ ਨਾਲ ਸੰਗਤਾਂ ਦੇ ਹੱਥਾਂ ਵਿਚ ਅਮਰੀਕੀ ਰਾਸ਼ਟਰੀ ਝੰਡੇ ਵੀ ਸਨ।

ਪਰੇਡ ਅਤੇ ਨਗਰ ਕੀਰਤਨ ਤੋਂ ਬਾਅਦ ਸਿੱਖ ਸੰਗਤ ਵੱਲੋਂ ਲੰਗਰ ਦਾ ਪ੍ਰਬੰਧ ਵੀ ਕੀਤਾ ਗਿਆ, ਜਿਸ ਵਿਚ ਸਾਰਾ ਖਾਣਾ ਰਵਾਇਤੀ ਸੀ। ਨਗਰ ਕੀਰਤਨ ਦੀ ਅਗਵਾਈ ਪੀਲੀ ਪੋਸ਼ਾਕ ਵਿਚ ਸਜੇ ਪੰਜ ਪਿਆਰਿਆਂ ਵੱਲੋਂ ਕੀਤੀ ਗਈ।

ਸਮਾਰੋਹ ਵਿਚ ਫੀਨਿਕਸ ਮੇਅਰ ਕੇਟ ਗਲੈਗੋ, ਫੀਨਿਕਸ ਪੁਲਿਸ ਚੀਫ਼ ਜਰੀ ਵਿਲੀਅਮਜ਼ ਅਤੇ ਸਟੇਟ ਸੈਨ. ਕੇਟ ਬ੍ਰੋਫੀ ਮੈਕਗੀ, ਆਰ-ਫੀਨੀਕਸ ਵੀ ਹਾਜ਼ਰ ਸਨ।

ਤਿੰਨਾਂ ਨੇ ਸਿੱਖ ਭਾਈਚਾਰੇ ਦਾ ਸਾਥ ਨਿਭਾਉਣ ਦੀ ਗੱਲ ਕੀਤੀ ਅਤੇ ਕਿਹਾ ਕਿ ਉਹ ਸਿੱਖ ਧਰਮ ਵਿਚ ਜਾਗਰੂਕਤਾ ਅਤੇ ਸਿੱਖਿਆ ਨੂੰ ਉਤਸ਼ਾਹਤ ਕਰਨ ਲਈ ਵਕਾਲਤ ਅਤੇ ਸਿੱਖ ਭਾਈਚਾਰੇ ਦੇ ਨੇਤਾਵਾਂ ਨਾਲ ਕੰਮ ਕਰਦੇ ਰਹਿਣਗੇ।