ਮਹਿਲਾ ਹਾਕੀ ਵਿਸ਼ਵ ਕੱਪ: ਭਾਰਤੀ ਟੀਮ ਕੋਲ ਇਤਿਹਾਸ ਰਚਣ ਦਾ ਸੁਨਹਿਰੀ ਮੌਕਾ
ਇਟਲੀ ਨੂੰ ਮੰਗਲਵਾਰ ਨੂੰ ਪਲੇ - ਆਫ ਮੁਕਾਬਲੇ ਵਿੱਚ ਹਰਾਉਣ ਤੋਂ ਬਾਅਦ ਭਾਰਤੀ ਮਹਿਲਾ ਹਾਕੀ ਟੀਮ ਇਤਹਾਸ ਨੂੰ ਦੁਹਰਾਉਣ ਦੇ ਮੁਕਾਮ `ਤੇ
ਲੰਡਨ : ਇਟਲੀ ਨੂੰ ਮੰਗਲਵਾਰ ਨੂੰ ਪਲੇ - ਆਫ ਮੁਕਾਬਲੇ ਵਿੱਚ ਹਰਾਉਣ ਤੋਂ ਬਾਅਦ ਭਾਰਤੀ ਮਹਿਲਾ ਹਾਕੀ ਟੀਮ ਇਤਹਾਸ ਨੂੰ ਦੁਹਰਾਉਣ ਦੇ ਮੁਕਾਮ `ਤੇ ਖੜੀ ਹੈ। ਭਾਰਤੀ ਟੀਮ ਨੇ ਵਿਸ਼ਵ ਕੱਪ ਦੇ ਕਵਾਰਟਰ ਫਾਈਨਲ `ਚ ਵੀਰਵਾਰ ਨੂੰ ਆਇਰਲੈਂਡ ਨਾਲ ਭਿੜਨਾ ਹੈ। ਜੇਕਰ ਭਾਰਤੀ ਟੀਮ ਵੈਲੀ ਹਾਕੀ ਐਂਡ ਟੈਨਿਸ ਕੋਰਟ ਵਿਚ ਖੇਡੇ ਜਾਣ ਵਾਲੇ ਇਸ ਮੈਚ ` ਚ ਆਇਰਲੈਂਡ ਨੂੰ ਮਾਤ ਦੇ ਕੇ ਸੈਮੀਫਾਇਨਲ `ਚ ਜਗ੍ਹਾ ਬਣਾ ਲੈਂਦੀ ਹੈ ਤਾਂ ਉਹ ਦੂਜੀ ਵਾਰ ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਵਿਚ ਪਹੁੰਚਣ ਲਈ ਕਾਮਯਾਬ ਹੋ ਜਾਵੇਗੀ।
ਤੁਹਾਨੂੰ ਦਸ ਦੇਈਏ ਕੇ ਇਸ ਤੋਂ ਪਹਿਲਾਂ ਭਾਰਤੀ ਟੀਮ 1974 ਵਿਚ ਵਿਸ਼ਵ ਕੱਪ ਦੇ ਪਹਿਲੇ ਸੰਸਕਰਣ ਵਿਚ ਅੰਤਮ - 4 ਵਿਚ ਪਹੁੰਚੀ ਸੀ। ਉਥੇ ਹੀ ਟੀਮ 1978 ਵਿਚ ਆਖਰੀ ਵਾਰ ਕੁਆਟਰ ਫਾਇਨਲ ਖੇਡੀ ਸੀ। ਕਿਹਾ ਜਾ ਰਿਹਾ ਹੈ ਕੇ ਭਾਰਤ ਲਈ ਇਹ ਇਤਿਹਾਸਿਕ ਪਲ ਹੈ ਜਦੋਂ ਉਹ ਆਪਣੇ ਇਤਹਾਸ ਨੂੰ ਦੋਹਰਾ ਕੇ ਉਸ ਤੋਂ ਅੱਗੇ ਵੀ ਜਾ ਸਕਦਾ ਹੈ। ਪਰ ਉਸ ਦੇ ਸਾਹਮਣੇ ਉਹ ਟੀਮ ਹੈ ਜਿਨ੍ਹੇ ਗਰੁਪ ਪੱਧਰ ਉੱਤੇ ਉਸ ਨੂੰ ਮਾਤ ਦਿੱਤੀ ਹੈ। ਆਇਰਲੈਂਡ ਨੇ ਪੂਲ - ਬੀ ਦੇ ਮੈਚ ਵਿੱਚ ਭਾਰਤ ਨੂੰ 1 - 0 ਨਾਲ ਹਰਾਇਆ ਸੀ।
ਗਰੁਪ ਪੱਧਰ ਵਿੱਚ ਦੋ ਡਰਾ ਅਤੇ ਇੱਕ ਹਾਰ ਦੇ ਕਾਰਨ ਭਾਰਤੀ ਮਹਿਲਾ ਟੀਮ ਤੀਸਰੇ ਸਥਾਨ ਉੱਤੇ ਰਹੀ ਸੀ ਅਤੇ ਇਸ ਲਈ ਉਸ ਨੂੰ ਇਟਲੀ ਦੇ ਖਿਲਾਫ ਪਲੇਆਫ ਮੁਕਾਬਲਾ ਖੇਡਣਾ ਪਿਆ ਸੀ। ਭਾਰਤ ਨੇ ਇਟਲੀ ਨੂੰ 3 - 0 ਨਾਲ ਮਾਤ ਦੇ ਕੇ ਅੰਤਮ - 8 ਦਾ ਟਿਕਟ ਕਟਾਇਆ। ਇਸ ਮੌਕੇ ਕਪਤਾਨ ਨੇ ਕਿਹਾ ਕਿ ਮੈਂ ਸਿਰਫ ਇੰਨਾ ਜਾਣਦੀ ਹਾਂ ਕਿ ਸਾਡਾ ਸਫਰ ਅਜੇ ਤਕ ਖਤਮ ਨਹੀਂ ਹੋਇਆ। ਅਸੀਂ ਅਜੇ ਤੱਕ ਆਪਣੀ ਸੱਭ ਤੋਂ ਉਤਮ ਹਾਕੀ ਨਹੀਂ ਖੇਡੀ।
ਪੂਲ ਸਟੇਜ ਵਿਚ ਅਸੀ ਬੇਸ਼ੱਕ ਆਇਰਲੈਂਡ ਤੋਂ ਹਾਰ ਗਏ ਪਰ ਅਸੀ ਜਾਣਦੇ ਹਾਂ ਕਿ ਅਸੀਂ ਉਸ ਦਿਨ ਸ਼ਾਨਦਾਰ ਖੇਲ ਖੇਡਿਆ ਸੀ। ਅਸੀਂ ਉਹਨਾਂ ਨੂੰ ਇਸ ਮੈਚ `ਚ ਜਰੂਰ ਮਾਤ ਦੇਵਾਗੇ। ਤੁਹਾਨੂੰ ਦਸ ਦੇਈਏ ਕੇ ਆਇਰਲੈਂਡ ਸ਼ੁਰੂ ਤੋਂ ਹੀ ਚੰਗੀ ਖੇਡ ਦਾ ਪ੍ਰਦਰਸ਼ਨ ਕਰ ਰਹੀ ਹੈ ਅਤੇ ਭਾਰਤ ਦੀ ਕਮੀ ਤੋਂ ਵਾਕਿਫ ਹਨ। ਅਜਿਹੇ ਵਿਚ ਭਾਰਤੀ ਟੀਮ ਲਈ ਇਹ ਚੁਣੋਤੀ ਖਤਰਨਾਕ ਹੋ ਜਾਂਦੀ ਹੈ।
ਇਹ ਮੈਚ ਉਸ ਦੇ ਲਈ ਅਜੇ ਤੱਕ ਦਾ ਸੱਭ ਤੋਂ ਮੁਸ਼ਕਲ ਮੈਚ ਸਾਬਤ ਹੋ ਸਕਦਾ ਹੈ। ਪਰ ਭਾਰਤੀ ਟੀਮ ਦਾ ਕਹਿਣਾ ਹੈ ਕੇ ਅਸੀਂ ਆਪਣੇ ਵਲੋਂ ਇਸ ਮੈਚ ਨੂੰ ਜਿੱਤਣ ਦੀ ਪੂਰੀ ਕੋਸ਼ਿਸ਼ ਕਰਾਂਗੇ। ਅਤੇ ਮੈਚ `ਚ ਬੇਹਤਰੀਨ ਪ੍ਰਦਰਸ਼ਨ ਕਰਦਿਆਂ ਹੋਇਆ ਵਿਰੋਧੀਆਂ ਦੇ ਹੋਂਸਲੇ ਪਸਤ ਕਰਾਂਗੇ।