6th time Champion U-19 Asia Cup

ਢਾਕਾ: ਭਾਰਤੀ ਟੀਮ ਨੇ ਪ੍ਰਭ ਸਿਮਰਨ ਸਿੰਘ ਦੀ ਕਪਤਾਨੀ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਫਾਈਨਲ ਵਿਚ ਸ਼੍ਰੀ ਲੰਕਾ ਦੀ ਟੀਮ ਨੂੰ ਹਰਾ ਕੇ ਅੰਡਰ-19 ਏਸ਼ੀਆ ਕੱਪ ਵਿਚ 6ਵੀਂ ਵਾਰ ਅਪਣਾ ਨਾਮ ਦਰਜ ਕੀਤਾ ਹੈ। ਫਾਈਨਲ ‘ਚ ਭਾਰਤੀ ਅੰਡਰ-19 ਟੀਮ ਨੇ 3 ਵਿਕਟ ‘ਤੇ 304 ਦੌੜਾਂ ਬਣਾਉਣ ਤੋਂ ਬਾਅਦ ਸ਼੍ਰੀ ਲੰਕਾ ਟੀਮ ਨੂੰ 38.4 ਓਵਰ ਵਿਚ 160 ਦੌੜਾਂ ਤੇ ਹੀ ਖ਼ਤਮ ਕਰ ਦਿਤਾ। ਹਾਲ ਹੀ ਵਿਚ ਰੋਹਿਤ ਸ਼ਰਮਾ ਦੀ ਕਪਤਾਨੀ ਵਿਚ ਭਾਰਤੀ ਸੀਨੀਅਰ ਟੀਮ ਨੇ ਬੰਗਲਾਦੇਸ਼ ਨੂੰ ਹਰਾ ਕੇ ਏਸ਼ੀਆ ਕੱਪ ਦਾ ਖਿਤਾਬ ਅਪਣੇ ਨਾਮ ਕੀਤਾ ਸੀ।