MS Dhoni

ਨਵੀਂ ਦਿੱਲੀ: ਭਾਰਤੀ ਟੀਮ ਦੇ ਵਿਕਟਕੀਪਰ ਬੱਲੇਬਾਜ਼ ਦਿਨੇਸ਼ ਕਾਰਤਿਕ ਨੇ ਕਿਹਾ ਹੈ ਕਿ ਉਹ 2003-04 ਵਿਚ ਪਹਿਲੇ ਇੰਡੀਆ-ਏ-ਟੂਰ ਵਿਚ ਮਹਿੰਦਰ ਸਿੰਘ ਧੋਨੀ ਦੇ ਨਾਲ ਸੀ ਅਤੇ 2004 ਤੋਂ (ਧੋਨੀ ਵਿਚ) ਕੁਝ ਵਾਲ ਸਫੈਦ ਹੋਣ ਤੋਂ ਇਲਾਵਾ ਕੁਝ ਨਹੀਂ ਬਦਲਿਆ। .

ਦਿਨੇਸ਼ ਕਾਰਤਿਕ ਨੇ ਦੱਸਿਆ ਕਿ ਜਦੋਂ ਉਹ ਪਹਿਲੀ ਵਾਰ ਧੋਨੀ ਨੂੰ ਮਿਲੇ ਸੀ ਤਾਂ ਸਾਬਕ ਕਪਤਾਨ ਕਾਫੀ ਸਾਦੇ ਵਿਅਕਤੀ ਸੀ ਅਤੇ ਉਹ ਅੱਜ ਵੀ ਉਸੇ ਤਰ੍ਹਾਂ ਹਨ।
ਦਿਨੇਸ਼ ਕਾਰਤਿਕ ਨੇ ਇਕ ਸ਼ੋਅ ਦੌਰਾਨ ਕਿਹਾ, '2003-2004 ਵਿਚ ਜਦੋਂ ਪਹਿਲਾਂ ਵਾਰ ਉਹਨਾਂ ਨਾਲ ਟੂਰ 'ਤੇ ਗਿਆ ਸੀ ਤਾਂ ਉਹ ਕਾਫੀ ਸਰਲ ਕਿਸਮ ਦੇ ਇਨਸਾਨ ਸਨ।

ਉਹ ਅਰਾਮ ਨਾਲ ਰਹਿੰਦੇ ਸੀ, ਉਹ ਹੁਣ ਵੀ ਉਸੇ ਤਰ੍ਹਾਂ ਹੀ ਹਨ'। ਦਿਨੇਸ਼ ਕਾਰਤਿਕ ਨੇ ਕਿਹਾ ਕਿ ਇਕ ਅੰਤਰ ਸਿਰਫ ਇਹ ਹੈ ਕਿ ਹੁਣ ਉਹਨਾਂ ਦੇ ਵਾਲ ਜ਼ਿਆਦਾ ਸਫੈਦ ਹੋ ਗਏ ਹਨ। ਇਸ ਦੇ ਨਾਲ ਹੀ ਉਹਨਾਂ ਕਿਹਾ ਕਿ ਮੈਂ ਉਹਨਾਂ ਨੂੰ ਗੁੱਸਾ ਹੁੰਦੇ ਨਹੀਂ ਦੇਖਿਆ, ਨਾ ਹੀ ਮੈਂ ਉਹਨਾਂ ਨੂੰ ਅਪਣੇ ਗੁੱਸੇ ਦਾ ਇਜ਼ਹਾਰ ਕਰਦੇ ਹੋਏ ਦੇਖਿਆ।

ਸਿਰਫ ਦਿਨੇਸ਼ ਕਾਰਤਿਕ ਨੇ ਹੀ ਨਹੀਂ ਬਲਕਿ ਨਿਊਜ਼ੀਲੈਂਡ ਟੀਮ ਦੇ ਕਪਤਾਨ ਕੇਨ ਵਿਲੀਅਮਸਨ ਨੇ ਵੀ ਧੋਨੀ ਦੇ ਸ਼ਾਂਤ ਸੁਭਾਅ ਦੀ ਤਾਰੀਫ ਕੀਤੀ ਹੈ।