MS Dhoni

ਨਵੀਂ ਦਿੱਲੀ : ਆਸਟਰੇਲੀਆ ਦੇ ਵਿਰੁਧ 3 ਮੈਚਾਂ ਦੀ ਵਨਡੇ ਸੀਰੀਜ਼ ਵਿਚ ਮੈਨ ਆਫ਼ ਦ ਸੀਰੀਜ਼ ਰਹੇ ਸਟਾਰ ਬੱਲੇਬਾਜ਼ ਮਹਿੰਦਰ ਸਿੰਘ ਧੋਨੀ ਦੀ ਹਰ ਜਗ੍ਹਾ ਤਾਰੀਫ਼ ਹੋ ਰਹੀ ਹੈ। ਭਾਰਤ ਮਾਹੀ ਦੇ ਕਮਾਲ ਨਾਲ ਆਸਟਰੇਲੀਆ ਨੂੰ ਵਨਡੇ ਸੀਰੀਜ਼ ਵਿਚ 2-1 ਨਾਲ ਮਾਤ ਦੇਣ ਵਿਚ ਕਾਮਯਾਬ ਰਿਹਾ। ਧੋਨੀ ਨੇ ਆਸਟਰੇਲੀਆ ਦੇ ਵਿਰੁਧ ਵਨਡੇ ਸੀਰੀਜ਼ ਵਿਚ ਕੁਲ 193 ਦੌੜਾਂ ਬਣਾਈਆਂ।

ਇਸ ਵਨਡੇ ਸੀਰੀਜ਼ ਵਿਚ ਧੋਨੀ ਨੇ ਸਿਡਨੀ ਵਿਚ ਖੇਡੇ ਗਏ ਪਹਿਲੇ ਮੈਚ ਵਿਚ 51 ਦੌੜਾਂ ਬਣਾਈਆਂ। ਧੋਨੀ ਨੇ ਐਡੀਲੇਡ ਵਿਚ ਖੇਡੇ ਗਏ ਦੂਜੇ ਵਨਡੇ ਮੈਚ ਵਿਚ ਨਾਬਾਦ 55 ਦੌੜਾਂ ਬਣਾ ਕੇ ਭਾਰਤ ਨੂੰ 6 ਵਿਕੇਟ ਨਾਲ ਜਿੱਤ ਦਿਵਾਈ। ਮੇਲਬਰਨ ਵਿਚ ਧੋਨੀ ਨੇ ਨਾਬਾਦ 87 ਦੌੜਾਂ ਦੀ ਪਾਰੀ ਖੇਡੀ। ਧੋਨੀ ਦੇ ਪੁਰਾਣੇ ਰੰਗ ਵਿਚ ਮੁੜਨ ਨਾਲ ਉਨ੍ਹਾਂ ਦੇ ਸਰੋਤੇ ਬਹੁਤ ਖੁਸ਼ ਹਨ। ਸਰੋਤਿਆਂ ਨੇ ਧੋਨੀ  ਲਈ ਕਿਹਾ ਬਾਪ-ਬਾਪ ਹੁੰਦਾ ਹੈ। ਆਮ ਤੌਰ ਉਤੇ ਛੈਵੇਂ ਨੰਬਰ ਉਤੇ ਬੱਲੇਬਾਜ਼ੀ ਕਰਨ ਵਾਲੇ ਧੋਨੀ ਮੇਲਬਰਨ ਵਿਚ ਖੇਡੀ ਗਈ ਸੀਰੀਜ਼ ਦੇ ਆਖਰੀ ਵਨਡੇ ਮੈਚ ਵਿਚ ਚੌਥੇ ਨੰਬਰ ਉਤੇ ਬੱਲੇਬਾਜ਼ੀ ਕਰਨ ਉਤਰੇ।

ਉਨ੍ਹਾਂ ਨੇ 114 ਗੇਦਾਂ ਦਾ ਸਾਹਮਣਾ ਕਰਦੇ ਹੋਏ ਛੇ ਚੌਕਿਆਂ ਦੀ ਮਦਦ ਨਾਲ 87 ਦੌੜਾਂ ਦੀ ਨਾਬਾਦ ਪਾਰੀ ਖੇਡੀ। ਧੋਨੀ ਤੋਂ ਜਦੋਂ ਪੁੱਛਿਆ ਗਿਆ ਕਿ ਉਹ ਕਿਥੇ ਬੱਲੇਬਾਜ਼ੀ ਕਰਨਾ ਚਾਹੁਣਗੇ ਤਾਂ ਉਨ੍ਹਾਂ ਨੇ ਕਿਹਾ ‘ਮੈਂ ਕਿਸੇ ਵੀ ਨੰਬਰ ਉਤੇ ਬੱਲੇਬਾਜ਼ੀ ਕਰਕੇ ਖੁਸ਼ ਹਾਂ। ਅਹਿਮ ਚੀਜ ਇਹ ਹੈ ਕਿ ਟੀਮ ਨੂੰ ਮੇਰੀ ਜ਼ਰੂਰਤ ਕਿਥੇ ਹੈ।’