Photo

ਨਵੀਂ ਦਿੱਲੀ : ਵੈਸਟਇੰਡੀਜ਼ ਦੇ ਧਮਾਕੇਦਾਰ ਬੱਲੇਬਾਜ਼ ਸ਼ਿਮਰਾਨ ਹੇਟਮੇਅਰ ਨੂੰ ਦਿੱਲੀ ਕੈਪਟੀਲਜ਼ ਨੇ ਖਰੀਦ ਲਿਆ ਹੈ। ਬੀਤੇ ਦਿਨ IPL ਸੀਜਨ 2020 ਦੇ ਲਈ ਹੋਈ ਖਿਡਾਰੀਆਂ ਦੀ ਨੀਲਾਮੀ ਦੌਰਾਨ ਹੇਟਮੇਅਰ ਨੂੰ ਆਪਣੀ ਟੀਮ ਵਿਚ ਸ਼ਾਮਲ ਕੀਤਾ ਹੈ। ਦਿੱਲੀ ਕੈਪਟੀਲਜ਼ ਨੇ ਹੇਟਮੇਅਰ ਨੂੰ ਖਰੀਦਣ ਦੇ ਲਈ 7.75 ਕਰੋੜ ਰੁਪਏ ਖਰਚ ਕੀਤੇ ਹਨ।

  ਭਾਰਤ ਦੇ ਵਿਰੁੱਦ ਮੌਜੂਦਾ ਵਨ-ਡੇ ਸੀਰੀਜ ਵਿਚ ਵੈਸਟਇੰਡੀਜ਼ ਦੇ ਬੱਲੇਬਾਜ਼ ਸ਼ਿਮਰਾਨ ਹੇਟਮੇਅਰ ਨੇ ਭਾਰਤੀ ਗੇਂਦਬਾਜ਼ਾ ਦੀ ਨੱਕ ਵਿਚ ਦਮ ਕਰਕੇ ਰੱਖਿਆ ਹੋਇਆ ਹੈ। ਉਨ੍ਹਾਂ ਨੂੰ ਵੈਸਟਇੰਡੀਜ਼ ਕ੍ਰਿਕਟ ਦੇ ਭਵਿੱਖ ਵੀ ਮੰਨਿਆ ਜਾ ਰਿਹਾ ਹੈ। ਇਹੀ ਵਜ੍ਹਾ ਸੀ ਕਿ ਇੰਡੀਅਨ ਪ੍ਰੀਮਿਅਰ ਲੀਗ  ਦੇ 13ਵੇਂ ਸੀਜਨ ਦੀ ਨਿਲਾਮੀ ਵਿਚ ਸਾਰਿਆਂ ਦੀ ਨਿਗਾਹਾਂ ਇਸ ਗੱਲ 'ਤੇ ਟਿਕੀਆ ਸਨ ਕਿ ਹੇਟਮਅਰ ਨੂੰ ਕਿਹੜੀ ਟੀਮ ਆਪਣੇ ਨਾਲ ਜੋੜੇਗੀ ਅਤੇ ਇਸ ਦੇ ਲਈ ਕਿੰਨਾ ਪੈਸਾ ਖਰਚ ਕਰੇਗੀ। ਜਦੋਂ ਹੇਟਮੇਅਰ ਦਾ ਨਾਮ ਨਿਲਾਮੀ ਦੇ ਲਈ ਸਾਹਮਣੇ ਆਇਆ ਤਾਂ ਉਸਨੂੰ ਆਪਣੀ ਟੀਮ ਨਾਲ ਜੋੜਨ ਦੀ ਹੋੜ ਮੱਚ ਗਈ।

ਪਰ ਇਸ ਖਿਡਾਰੀ ਨੂੰ ਆਪਣੇ ਨਾਲ ਜੋੜਨ ਲਈ ਦਿੱਲੀ ਕੈਪੀਟਲਜ਼ ਨੇ ਬਾਜ਼ੀ ਮਾਰ ਲਈ। ਦਿਲਚਸਪ ਗੱਲ ਇਹ ਹੈ ਕਿ ਇਸ ਖਿਡਾਰੀ ਦੇ ਬੇਸ ਕੀਮਤ ਸਿਰਫ਼ 50 ਲੱਖ ਰੁਪਏ ਹੀ ਸੀ। ਨੀਲਾਮੀ ਤੋਂ ਬਾਅਦ ਹੇਟਮੇਅਰ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਨੂੰ ਉਨ੍ਹਾਂ ਦੀ ਅਗਲੀ ਟੀਮ ਦਿੱਲੀ ਕੈਪੀਟਲਜ਼ ਨੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤਾ ਹੈ। ਇਸ 'ਤੇ ਹੇਟਮੇਅਰ ਹੋਟਲ ਦੇ ਕਮਰੇ ਵਿਚ ਟੇਬਲ ਤੇ ਚੜ ਕੇ ਠੁਮੱਕੇ ਲਗਾਉਂਦੇ ਨਜ਼ਰ ਆ ਰਿਹਾ ਹੈ।

ਦਿੱਲੀ ਕੈਪੀਟਲਜ਼ ਨੇ ਇੰਸਟਾਗ੍ਰਾਮ 'ਤੇ ਜਿਹੜਾ ਵੀਡੀਓ ਸ਼ੇਅਰ ਕੀਤਾ ਹੈ ਉਸ ਵਿਚ ਸ਼ਿਮਰਾਨ ਹੇਟਮੇਅਰ ਨਿਕਰ ਪਾ ਕੇ ਨੱਚ ਰਿਹਾ ਹੈ ਅਤੇ ਨਾਲ ਹੀ ਇਹ ਵੀ ਕਹਿੰਦੇ ਹੋਏ ਨਜ਼ਰ ਆ ਰਿਹਾ ਹੈ ਕਿ ਦਿੱਲੀਵਾਲਿਓ ਤੁਸੀ ਕਿਵੇਂ ਹੋ? ਹਾਲਾਕਿ ਵਿਸ਼ਾਖਾਪਟਨਮ ਵਿਚ ਖੇਡੇ ਗਏ ਦੂਜੇ ਵਨ-ਡੇ ਵਿਚ ਇਹ ਖਿਡਾਰੀ 4 ਦੋੜਾ ਬਣ ਕੇ ਰਨ ਆਊਟ ਹੋ ਗਿਆ ਸੀ।