ਮੁੰਬਈ : ਸਚਿਨ ਤੇਂਦੁਲਕਰ ਨੇ ਕ੍ਰਿਕੇਟ ਨੂੰ ਓਲੰਪਿਕ ਖੇਡਾਂ ਵਿਚ ਸ਼ਾਮਲ ਕਰਨ ਦੀ ਵਕਾਲਤ ਕਰਦੇ ਹੋਏ ਮੰਗਲਵਾਰ ਨੂੰ ਕਿਹਾ ਕਿ ਹੁਣ ਇਸ ਖੇਡ ਦੇ ਵੱਖ-ਵੱਖ ਫਾਰਮੈਟ ਹਨ ਅਤੇ ਇਸ ਦੇ ਖੇਡ ਮਹਾਕੁੰਭ ਵਿਚ ਸ਼ਾਮਲ ਹੋਣ ਨਾਲ ਇਸ ਦਾ ਵਿਸਵ ਵਿਚ ਜਿਆਦਾ ਪ੍ਰਸਾਰ ਹੋਵੇਗਾ। ਤੇਂਦੁਲਕਰ ਨੇ ‘ਦੀਪਾ ਕਰਮਾਕਰ-ਦ-ਸਮਾਲ ਵੰਡਰ’ ਖਿਤਾਬ ਦੇ ਮੁੰਬਈ ਵਿਚ ਰਿਹਾਅ ਦੇ ਮੌਕੇ ਉਤੇ ਕਿਹਾ, ‘‘ਕ੍ਰਿਕੇਟਰ ਹੋਣ ਦੇ ਨਾਤੇ ਮੈਂ ਕਹਾਂਗਾ ਕਿ ਖੇਡ ਦਾ ਵਿਸ਼ਵੀ ਕਰਨ ਹੋਣਾ ਚਾਹੀਦਾ ਹੈ।’’

ਉਨ੍ਹਾਂ ਨੇ ਕਿਹਾ, ‘‘ਕੁੱਝ ਸਮੇਂ ਪਹਿਲਾਂ ਮੈਂ ਰਿਓ ਓਲੰਪਿਕ ਵਿਚ ਸੀ। ਮੈਂ ਥਾਮਸ ਬਾਕ (ਆਈਓਸੀ ਪ੍ਰਧਾਨ) ਨਾਲ ਗੱਲ ਕੀਤੀ ਅਤੇ ਉਨ੍ਹਾਂ ਨੂੰ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਕ੍ਰਿਕੇਟ ਨੂੰ ਓਲੰਪਿਕ ਵਿਚ ਸ਼ਾਮਲ ਕੀਤਾ ਜਾਣਾ ਚਾਹੀਦਾ ਹੈ।’’ ਤੇਂਦੁਲਕਰ ਨੇ ਕਿਹਾ ਕਿ ਜੇਕਰ ਕ੍ਰਿਕੇਟ ਨੂੰ ਓਲੰਪਿਕ ਵਿਚ ਸ਼ਾਮਲ ਕਰਨਾ ਹੈ ਤਾਂ ਹੋਰ ਟੀਮਾਂ ਨੂੰ ਤਿਆਰੀਆਂ ਲਈ ਸਮਰੱਥ ਸਮਾਂ ਦਿਤਾ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਕਿਹਾ, ‘‘ਬਾਕ ਦੇ ਦਿਮਾਗ ਵਿਚ ਇਹ ਗੱਲ ਸੀ ਕਿ ਕ੍ਰਿਕੇਟ ਨੂੰ ਕਿਵੇਂ ਓਲੰਪਿਕ ਵਿਚ ਸ਼ਾਮਲ ਕੀਤਾ ਜਾ ਸਕਦਾ ਹੈ।

ਕ੍ਰਿਕੇਟ ਉਨ੍ਹਾਂ ਖੇਡਾਂ ਵਿਚ ਸ਼ਾਮਲ ਹੈ ਜਿਸ ਦੇ ਕਈ ਫਾਰਮੈਟ ਹਨ ਜਿਵੇਂ ਵਨਡੇ, ਟੀ20, ਟੀ-10 ਅਤੇ ਜਦੋਂ ਤੱਕ (ਆਈਓਸੀ) ਕ੍ਰਿਕੇਟ ਨੂੰ ਓਲੰਪਿਕ ਵਿਚ ਸ਼ਾਮਲ ਕੀਤਾ ਜਾਂਦਾ ਹੈ ਤਾਂ ਹੋ ਸਕਦਾ ਹੈ ਕਿ ਉਦੋਂ ਤੱਕ ਪੰਜ ਓਵਰਾਂ ਦਾ ਖੇਡ ਵੀ ਸ਼ੁਰੂ ਹੋ ਜਾਵੇ।’’ ਤੇਂਦੁਲਕਰ ਨੇ ਕਿਹਾ, ‘‘ਪਰ ਕ੍ਰਿਕੇਟਰ ਹੋਣ ਦੇ ਨਾਤੇ ਮੈਨੂੰ ਲੱਗਦਾ ਹੈ ਕਿ ਇਹ ਖੇਡ ਓਲੰਪਿਕ ਵਿਚ ਹੋਣਾ ਚਾਹੀਦਾ ਹੈ। ਮੈਂ ਅਜਿਹਾ ਦੇਖਣਾ ਚਾਹੁੰਦਾ ਹਾਂ।’’