Harbhajan Singh and Mohammad Amir

ਨਵੀਂ ਦਿੱਲੀ : ਆਈਸੀਸੀ ਟੀ-20 ਵਿਸ਼ਵ ਕੱਪ 2021 'ਚ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਮੈਚ ਤੋਂ ਬਾਅਦ ਦਿਗਜ਼ ਭਾਰਤੀ ਕ੍ਰਿਕਟਰ ਹਰਭਜਨ ਸਿੰਘ ਅਤੇ ਪਾਕਿਸਤਾਨੀ ਤੇਜ਼ ਗੇਂਦਬਾਜ਼ ਮੁਹੰਮਦ ਆਮਿਰ ਵਿਚਾਲੇ ਵਿਵਾਦ ਘੱਟ ਹੋਣ ਦਾ ਨਾਂ ਨਹੀਂ ਲੈ ਰਿਹਾ ਹੈ।

ਹਰਭਜਨ ਨੇ ਸੋਸ਼ਲ ਮੀਡੀਆ 'ਤੇ ਆਮਿਰ 'ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਮੁਹੰਮਦ ਆਮਿਰ ਦੀ ਇੰਨੀ ਔਕਾਤ ਨਹੀਂ ਕਿ ਮੈਂ ਉਨ੍ਹਾਂ ਨਾਲ ਗੱਲ ਕਰਾਂ। ਉਨ੍ਹਾਂ ਆਪਣੇ ਯੂਟਿਊਬ ਚੈਨਲ 'ਤੇ ਕਿਹਾ, 'ਜੇਕਰ ਮੈਂ ਇਸ ਚਿੱਕੜ ਵਿਚ ਜਿਨਾਂ ਜ਼ਿਆਦਾ ਜਾਵਾਂਗਾ ਉਨਾਂ ਹੀ ਮੈਂ ਖ਼ੁਦ ਗੰਦਾ ਹੋਵਾਂਗਾ। ਆਮਿਰ ਆਮਿਰ ਦੀ ਇੰਨੀ ਔਕਾਤ ਨਹੀਂ ਕਿ ਮੈਂ ਉਨ੍ਹਾਂ ਨਾਲ ਗੱਲ ਕਰਾਂ।

ਉਸ ਨੇ ਵਿਸ਼ਵ ਕ੍ਰਿਕਟ 'ਤੇ ਜੋ ਕਾਲਾ ਧੱਬਾ ਛੱਡਿਆ ਹੈ, ਉਸ ਨੂੰ ਭੁਲਾਇਆ ਨਹੀਂ ਜਾ ਸਕਦਾ। ਉਸ ਵਿਅਕਤੀ ਦੀ ਕੀ ਗੱਲ ਕਰੀਏ ਜਿਸ ਨੇ ਕ੍ਰਿਕਟ ਵੇਚ ਦਿਤਾ,ਆਪਣਾ ਦੇਸ਼, ਆਪਣੀ ਇੱਜ਼ਤ ਅਤੇ ਸਵੈਮਾਨ ਦਾਅ 'ਤੇ ਲਗਾ ਦਿਤਾ। ਮੈਨੂੰ ਉਸ ਦੇ ਟਵੀਟ 'ਤੇ ਪ੍ਰਤੀਕਿਰਿਆ ਨਹੀਂ ਕਰਨੀ ਚਾਹੀਦੀ ਸੀ ਕਿਉਂਕਿ ਉਹ ਇੱਕ ਜ਼ਾਹਿਲ ਹੈ।