MS Dhoni

ਨਵੀਂ ਦਿੱਲੀ : ਭਾਰਤ ਅਤੇ ਨਿਊਜੀਲੈਂਡ ਦੇ ਵਿਚ ਪੰਜ ਮੈਚਾਂ ਦੀ ਵਨਡੇ ਸੀਰੀਜ਼ ਦਾ ਚੌਥਾ ਮੈਚ ਕੱਲ 31 ਜਨਵਰੀ ਨੂੰ ਖੇਡਿਆ ਜਾਣਾ ਹੈ। ਇਸ ਮੁਕਾਬਲੇ ਵਿਚ ਟੀਮ ਇੰਡੀਆ ਦੀ ਕਪਤਾਨੀ ਰੋਹਿਤ ਸ਼ਰਮਾ ਕਰਨਗੇ ਕਿਉਂਕਿ ਵਿਰਾਟ ਕੋਹਲੀ ਨੂੰ ਤਿੰਨ ਮੈਚਾਂ ਤੋਂ ਬਾਅਦ ਅਰਾਮ ਦਿਤਾ ਗਿਆ ਹੈ। ਚੌਥੇ ਮੈਚ ਤੋਂ ਪਹਿਲਾਂ ਭਾਰਤੀ ਟੀਮ ਨੇ ਜੱਮ ਕੇ ਪ੍ਰੈਕਟਿਸ ਕੀਤੀ ਅਤੇ ਇਸ ਪ੍ਰੈਕਟਿਸ ਸੈਸ਼ਨ ਵਿਚ ਸਭ ਤੋਂ ਖਾਸ ਗੱਲ ਇਹ ਰਹੀ ਕਿ ਐਮ ਐਸ ਧੋਨੀ ਵੀ ਬੱਲੇਬਾਜ਼ੀ ਕਰਦੇ ਨਜ਼ਰ ਆਏ।

ਤੀਸਰੇ ਮੈਚ ਵਿਚ ਹੈਮੀਸਟਰਿੰਗ ਦੇ ਕਾਰਨ ਨਾ ਖੇਡ ਪਾਉਣ ਵਾਲੇ ਐਮ ਐਸ ਧੋਨੀ ਨੇ ਚੌਥੇ ਮੈਚ ਤੋਂ ਪਹਿਲਾਂ ਜੱਮ ਕੇ ਮਿਹਨਤ ਕੀਤੀ ਅਤੇ ਲਗਦਾ ਹੈ ਕਿ ਧੋਨੀ  ਚੌਥੇ ਮੈਚ ਵਿਚ ਜਰੂਰ ਵਾਪਸੀ ਕਰਨਗੇ। ਚੌਥੇ ਮੈਚ ਵਿਚ ਰੋਹਿਤ ਸ਼ਰਮਾ ਕਪਤਾਨੀ ਤਾਂ ਕਰਨਗੇ ਹੀ ਇਸ ਤੋਂ ਇਲਾਵਾ ਉਨ੍ਹਾਂ ਦੇ ਨਾਮ ਇਕ ਹੋਰ ਵੱਡੀ ਉਪਲਬਧੀ ਦਰਜ ਹੋ ਜਾਵੇਗੀ। ਜਿਵੇਂ ਹੀ ਰੋਹਿਤ ਚੌਥੇ ਮੈਚ ਵਿਚ ਮੈਦਾਨ ਉਤੇ ਉਤਰਨਗੇ ਉਝ ਹੀ ਉਨ੍ਹਾਂ ਦੇ ਵਨਡੇ ਕਰਿਅਰ ਦੇ 200 ਮੈਚ ਪੂਰੇ ਹੋ ਜਾਣਗੇ। ਰੋਹਿਤ ਭਾਰਤ ਲਈ 200 ਜਾਂ ਇਸ ਤੋਂ ਜ਼ਿਆਦਾ ਮੈਚ ਖੇਡਣ ਵਾਲੇ 14ਵੇਂ ਖਿਡਾਰੀ ਹੋਣਗੇ। ਭਾਰਤ ਦੇ ਵਲੋਂ ਸਚਿਨ ਤੇਂਦੁਲਕਰ ਨੇ ਸਭ ਤੋਂ ਜ਼ਿਆਦਾ (463 ਮੈਚ) ਖੇਡੇ ਹਨ।

ਉਥੇ ਹੀ ਮੌਜੂਦਾ ਟੀਮ ਵਿਚ ਐਮ ਐਸ ਧੋਨੀ (334 ਮੈਚ), ਵਿਰਾਟ ਕੋਹਲੀ (222)  ਮੈਚ ਖੇਡ ਚੁੱਕੇ ਹਨ। ਰੋਹਿਤ ਦੀ ਕਪਤਾਨੀ ਦੀ ਗੱਲ ਕਰੀਏ ਤਾਂ ਬਤੌਰ ਕਪਤਾਨ ਉਨ੍ਹਾਂ ਦਾ ਰਿਕਾਰਡ ਬੇਹੱਦ ਸ਼ਾਨਦਾਰ ਹੈ। ਰੋਹਿਤ ਨੇ ਹੁਣ ਤੱਕ 8 ਮੈਚਾਂ ਵਿਚ ਭਾਰਤ ਦੀ ਕਪਤਾਨੀ ਕੀਤੀ ਹੈ ਅਤੇ ਇਸ ਦੌਰਾਨ ਉਨ੍ਹਾਂ ਦੀ ਕਪਤਾਨੀ ਵਿਚ ਭਾਰਤ ਨੇ 7 ਮੈਚ ਜਿੱਤੇ ਹਨ। ਸਾਫ਼ ਹੈ ਕਿ ਰੋਹਿਤ ਸ਼ਰਮਾ ਦੀ ਕਪਤਾਨੀ ਵਿਚ ਟੀਮ ਇੰਡੀਆ ਕੋਸ਼ਿਸ਼ ਕਰੇਗੀ ਕਿ ਉਹ ਜਿੱਤ ਦੀ ਲੈਅ ਨੂੰ ਬਰਕਰਾਰ ਰੱਖੇ।

ਤੁਹਾਨੂੰ ਦੱਸ ਦਈਏ ਕਿ ਭਾਰਤੀ ਟੀਮ ਨਿਊਜੀਲੈਂਡ ਨਾਲ ਪੰਜ ਮੈਚਾਂ ਦੀ ਵਨਡੇ ਸੀਰੀਜ਼ ਪਹਿਲਾਂ ਹੀ ਜਿੱਤ ਚੁੱਕੀ ਹੈ ਅਤੇ ਸ਼ੁਰੂਆਤੀ ਤਿੰਨਾਂ ਮੈਚ ਜਿੱਤ ਕੇ ਟੀਮ ਨੇ 3 - 0 ਦੇ ਜਿੱਤ ਵਾਧਾ ਬਣਾ ਰੱਖੀ ਹੈ। ਹੁਣ ਭਾਰਤ ਦਾ ਇਰਾਦਾ ਕੀਵੀਆਂ ਦਾ ਕਲੀਨ ਸਵੀਪ ਕਰਨ ਦਾ ਹੋਵੇਗਾ ਅਤੇ ਚੌਥੇ ਵਨਡੇ ਵਿਚ ਟੀਮ ਇੰਡੀਆ ਉਸੀ ਪਾਸੇ ਇਕ ਹੋਰ ਕਦਮ ਵਧਾਉਣਾ ਚਾਹੇਗੀ।