ਨਵੀਂ ਦਿੱਲੀ : ਟੀਮ ਇੰਡੀਆ ਦੇ ਰੋਹਿਤ ਸ਼ਰਮਾ ਦੇ ਘਰ ਨਵੇਂ ਸਾਲ ਉਤੇ ਖੁਸ਼ੀਆਂ ਹੋਰ ਵੀ ਦੁੱਗਣੀਆਂ ਹੋ ਗਈਆਂ ਹਨ। ਦਰਅਸਲ, ਰੋਹਿਤ ਸ਼ਰਮਾ ਅਤੇ ਰੀਤੀਕਾ ਦੇ ਘਰ ਛੋਟੀ ਪਰੀ ਆਈ ਹੈ। ਰੋਹਿਤ ਦੀ ਘਰਵਾਲੀ ਰੀਤੀਕਾ ਨੇ ਇਕ ਪਿਆਰੀ ਧੀ ਨੂੰ ਜਨਮ ਦਿਤਾ ਹੈ। ਰੋਹੀਤ ਅਤੇ ਰੀਤੀਕਾ ਨੇ ਇਸ ਖੁਸ਼ਖਬਰੀ ਨੂੰ ਹੁਣ ਤੱਕ ਸੀਕਰੇਟ ਰੱਖਿਆ ਹੋਇਆ ਸੀ ਅਤੇ ਹਾਲਾਂਕਿ ਕੁਝ ਸਮਾਂ ਪਹਿਲਾਂ ਰੋਹਿਤ ਨੇ ਹਾਲ ਹੀ ਵਿਚ ਸਾਬਕਾ ਆਸਟਰਲਿਆਈ ਕ੍ਰਿਕੇਟਰ ਮਾਈਕਲ ਕਲਾਰਕ ਦੇ ਨਾਲ ਇਕ ਚੈਟ ਸ਼ੋਅ ਵਿਚ ਇਸ ਬਾਰੇ ਵਿਚ ਖੁਲਾਸਾ ਕਰਦੇ ਹੋਏ ਅਪਣੇ ਸਰੋਤਿਆਂ ਨੂੰ ਦੱਸਿਆ ਸੀ ਕਿ ਉਹ ਛੇਤੀ ਹੀ ਪਿਤਾ ਬਣਨ ਵਾਲੇ ਹਨ।

ਰੋਹਿਤ ਨੇ ਕਲਾਰਕ ਨੂੰ ਕਿਹਾ, ਮੈਂ ਛੇਤੀ ਹੀ ਪਿਤਾ ਬਣਨ ਵਾਲਾ ਹਾਂ। ਮੈਂ ਅਪਣੀ ਜਿੰਦਗੀ ਦੇ ਇਸ ਚੰਗੇ ਸਮੇਂ ਦਾ ਇੰਤਜਾਰ ਕਰ ਰਿਹਾ ਹਾਂ ਜਿਸ ਤੋਂ ਬਾਅਦ ਸਭ ਕੁਝ ਬਦਲ ਜਾਣ ਵਾਲਾ ਹੋਵੇਗਾ। ਮੈਂ ਅਪਣੇ ਪਿਤਾ ਬਣਨ ਦਾ ਇੰਤਜਾਰ ਕਰ ਰਿਹਾ ਹਾਂ। ਰੋਹਿਤ ਸ਼ਰਮਾ ਨੇ ਦੱਸਿਆ ਕਿ ਭਾਰਤੀ ਟੀਮ ਵਿਚ ਉਨ੍ਹਾਂ ਦੇ ਸਾਥੀ ਉਨ੍ਹਾਂ ਨੂੰ ਇਸ ਗੱਲ ਨੂੰ ਲੈ ਕੇ ਚਿੜਾਉਦੇਂ ਹਨ। ਦੱਸ ਦਈਏ ਕਿ ਰੋਹਿਤ ਸ਼ਰਮਾ ਅਤੇ ਰਿਤੀਕਾ ਦਾ ਵਿਆਹ 13 ਦਸੰਬਰ 2015 ਨੂੰ ਹੋਇਆ ਸੀ।

ਰੋਹਿਤ ਨੇ ਵਨਡੇ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਟੀਮ ਇੰਡੀਆ ਦੀ ਟੇਸਟ ਟੀਮ ਵਿਚ ਵਾਪਸੀ ਕੀਤੀ ਸੀ। ਰੋਹਿਤ ਲਈ ਸਾਲ 2018 ਬੇਹੱਦ ਸ਼ਾਨਦਾਰ ਰਿਹਾ। ਇਸ ਦੌਰਾਨ ਉਨ੍ਹਾਂ ਨੇ ਵਨਡੇ ਕ੍ਰਿਕੇਟ ਵਿਚ 73.57 ਦੀ ਔਸਤ ਨਾਲ ਕੁਲ 1030 ਦੌੜਾਂ ਬਣਾਈਆਂ। ਜਦੋਂ ਕਿ ਟੀ 20 ਵਿਚ 36.87 ਦੀ ਔਸਤ ਨਾਲ ਕੁਲ 590 ਦੌੜਾਂ ਬਣਾਈਆਂ।