Picture of dutch jailbird sparks

ਨੀਦਰਲੈਂਡ : ਡੱਚ ਪੁਲਿਸ ਥਾਣੇ 'ਚ ਬੰਦ ਇੱਕ ਛੋਟੇ ਤੋਤੇ ਦੀ ਇੱਕ ਤਸਵੀਰ ਨੇ ਇੱਕ ਨਵੇਂ ਸ਼ਬਦ 'ਜੇਲਬਰਡ' ਨੂੰ ਨਵਾਂ ਅਰਥ ਦੇ ਦਿੱਤਾ ਹੈ। ਸੋਮਵਾਰ ਨੂੰ ਸੋਸ਼ਲ ਮੀਡੀਆ ਤੇ ਇਸ ਪੰਛੀ ਦੀ ਤਸਵੀਰ ਵਾਇਰਲ ਹੋਣ ਦੇ ਨਾਲ ਹੀ ਸੋਸ਼ਲ ਮੀਡੀਆ ਤੇ ਕੁਮੈਂਟਸ ਦਾ ਹੜ੍ਹ ਆ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਪੁਲਿਸ ਨੇ ਵੀਰਵਾਰ ਨੂੰ ਮੱਧ ਡੱਚ ਸ਼ਹਿਰ ਉਟਰੇਚ ਵਿਚ ਦੁਕਾਨ ਵਿਚ ਚੋਰੀ ਕਰਨ ਦੇ ਸ਼ੱਕ ਵਿਚ ਇਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਉਸ ਸਮੇਂ ਇਹ ਤੋਤਾ ਉਸ ਦੇ ਮੋਢੇ 'ਤੇ ਬੈਠਾ ਹੋਇਆ ਸੀ।

ਪੁਲਿਸ ਨੇ ਸ਼ੱਕੀ ਵਿਅਕਤੀ ਵਿਰੁੱਧ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਪਰ ਪਿੰਜਰਾ ਨਾ ਹੋਣ ਕਾਰਨ ਤੋਤੇ ਨੂੰ ਸੈਂਡਵਿਚ ਅਤੇ ਪਾਣੀ ਦੇ ਕੇ ਇੱਕ ਪੁਲਸ ਸੈੱਲ ਵਿੱਚ ਰੱਖ ਦਿੱਤਾ ਗਿਆ। ਇਸ ਮਗਰੋਂ ਪੁਲਿਸ ਨੇ ਉਸ ਇਕੱਲੇ ਪੰਛੀ ਦੀ ਤਸਵੀਰ ਨੂੰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਪੋਸਟ ਕਰ ਦਿੱਤਾ। ਪੁਲਿਸ ਨੇ ਆਪਣੀ ਪੋਸਟ ਵਿੱਚ ਲਿਖਿਆ,''ਅਸੀਂ ਹਾਲ ਹੀ ਵਿਚ ਦੁਕਾਨ ਵਿੱਚ ਚੋਰੀ ਕਰਨ ਦੇ ਮਾਮਲੇ ਵਿੱਚ ਇੱਕ ਸ਼ੱਕੀ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਗ੍ਰਿਫ਼ਤਾਰੀ ਦੌਰਾਨ ਸਾਨੂੰ ਇਹ ਗੁਪਤ ਗਵਾਹ ਸ਼ੱਕੀ ਦੇ ਮੋਢੇ 'ਤੇ ਬੈਠਾ ਮਿਲਿਆ ਸੀ। ਫਿਰ ਸਾਨੂੰ ਅਹਿਸਾਸ ਹੋਇਆ ਕਿ ਸਾਡੇ ਕੋਲ ਪੰਛੀ ਨੂੰ ਰੱਖਣ ਲਈ ਪਿੰਜਰਾ ਨਹੀਂ ਸੀ।'' 

ਭਾਵੇਂਕਿ ਇਸ ਛੋਟੇ ਪੰਛੀ ਦੀ ਚੰਗੀ ਤਰ੍ਹਾਂ ਦੇਖਭਾਲ ਕੀਤੀ ਗਈ ਸੀ। ਇਸ ਦੇ ਨਾਲ ਹੀ ਇਕ ਸਥਾਨਕ ਸਮਾਚਾਰ ਸਟੇਸ਼ਨ ਨੇ ਉਸ ਪੰਛੀ ਦੀ ਪਛਾਣ ਲੁਕਾਉਣ ਲਈ ਉਸ ਦੀਆਂ ਅੱਖਾਂ ਦੇ ਉੱਪਰ ਇੱਕ ਕਾਲੀ ਪੱਟੀ ਲਗਾਈ। ਜਿਵੇਂਕਿ ਕੁਝ ਅਪਰਾਧਿਕ ਮਾਮਲਿਆਂ ਵਿਚ ਦੇਖਿਆ ਜਾਂਦਾ ਹੈ ਖੰਭਾਂ ਵਾਲੇ ਸ਼ੱਕੀ ਦੀ ਪਛਾਣ 'ਤੇ ਵੀ ਭਰਮ ਸੀ। ਪੁਲਿਸ ਨੇ ਇਸ ਨੂੰ ਇਕ ਪੈਰਾਕੀਟ ਕਿਹਾ ਪਰ ਕਈ ਲੋਕਾਂ ਨੇ ਤਸਵੀਰ ਦੇਖ ਕੇ ਕਿਹਾ ਕਿ ਇਹ ਇਕ ਛੋਟਾ ਤੋਤਾ ਹੈ।  

ਕੁਝ ਲੋਕਾਂ ਨੇ ਕੁਮੈਂਟ ਕਰਦਿਆਂ ਲਿਖਿਆ,''ਇਹ ਪੰਛੀ ਕੈਨਰੀ ਵਾਂਗ ਨਹੀਂ ਗਾਏਗਾ। ਉਸ ਨੂੰ ਜ਼ਮਾਨਤ ਦਿੱਤੇ ਜਾਣ ਤੋਂ ਵਾਂਝੇ ਕਰ ਦਿੱਤਾ ਗਿਆ ਕਿਉਂਕਿ ਉਸ ਦੇ ਉੱਡ ਜਾਣ ਦਾ ਖਤਰਾ ਸੀ।'' ਕੁਝ ਲੋਕਾਂ ਨੇ ਤੋਤੇ ਨੂੰ ਕਾਨੂੰਨੀ ਮਦਦ ਦਿੱਤੇ ਜਾਣ ਦੀ ਪੇਸ਼ਕਸ਼ ਕੀਤੀ ਅਤੇ ਪੁੱਛਿਆ ਕੀ ਇਸ ਨੂੰ ਅਦਾਲਤ ਵਿਚ ਲਿਜਾਣਾ ਚਾਹੀਦਾ ਹੈ। ਪੁਲਸ ਨੇ ਉਸੇ ਦਿਨ ਸ਼ੱਕੀ ਨੂੰ ਰਿਹਾਅ ਕਰ ਦਿੱਤਾ ਅਤੇ ਇਹ ਪੰਛੀ ਤੁਰੰਤ ਉਸ ਦੇ ਮੋਢੇ 'ਤੇ ਬੈਠ ਗਿਆ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ