Amanda Cerny

ਵਾਸ਼ਿੰਗਟਨ: ਅਮਰੀਕੀ ਅਦਾਕਾਰਾ ਅਤੇ ਵਲੋਗਰ ਅਮਾਂਡਾ ਸੇਰਨੀ (Amanda Cerny) ਕਿਸਾਨ ਅੰਦੋਲਨ ਨੂੰ ਲੈ ਕੇ ਬਹੁਤ ਹੀ ਬੇਬਾਕੀ ਨਾਲ ਟਵੀਟ ਕਰ ਰਹੀ ਹੈ। ਹਾਲਾਂਕਿ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ ਉਤੇ ਟ੍ਰੋਲ ਕੀਤਾ ਜਾ ਰਿਹਾ ਹੈ ਪਰ ਉਹ ਇਨ੍ਹਾਂ ਟ੍ਰੋਲਜ਼ ਦਾ ਵੀ ਬਾਖੁਬੀ ਨਾਲ ਜਵਾਬ ਦੇ ਰਹੀ ਹੈ।

ਇੰਟਰਨੈਸ਼ਨਲ ਹਸਤੀਆਂ ਦੇ ਟਵੀਟ ਦਾ ਜਵਾਬ ਦੇਣ ਲਈ ਬਾਲੀਵੁੱਡ ਹਸਤੀਆਂ ਅਕਸ਼ੈ ਕੁਮਾਰ, ਅਜੇ ਦੇਵਗਨ, ਸਚਿਨ ਤੇਂਦੁਲਕਰ, ਸੁਨੀਲ ਸ਼ੈਟੀ, ਵਿਰਾਟ ਕੋਹਲੀ ਅਤੇ ਕਰਨ ਜੋਹਰ ਨੇ ਟਵੀਟ ਕੀਤਾ ਅਤੇ ਕਿਸਾਨ ਅੰਦੋਲਨ ਨੂੰ ਲੈ ਕੇ ਉਨ੍ਹਾਂ ਦੀਆਂ ਗੱਲਾਂ ਨੂੰ ਪ੍ਰੋਪੋਗੰਡਾ ਦੱਸਿਆ। ਹੁਣ ਅਮਾਂਡਾ ਸੇਰਨੀ ਨੇ ਇਕ ਵਾਰ ਫਿਰ ਟਵੀਟ ਕੀਤਾ ਹੈ ਅਤੇ ਇਨ੍ਹਾਂ ਹਸਤੀਆਂ ਨੂੰ ਅੱਡੇ ਹੱਥੀਂ ਲਿਆ ਹੈ।

ਅਮਾਂਡਾ ਸੇਰਨੀ ਨੇ ਭਾਰਤੀ ਹਸਤੀਆਂ ਦੇ ਇੰਟਰਨੈਸ਼ਨਲ ਹਸਤੀਆਂ ਦੇ ਟਵੀਟ ਨੂੰ ਪ੍ਰੋਪੋਗੰਡਾ ਦੱਸੇ ਜਾਣ ‘ਤੇ ਜਵਾਬ ਦਿੱਤਾ ਹੈ। ਸੇਰਨੀ ਨੇ ਕਿਹਾ ‘ਇਨ੍ਹਾਂ ਮੂਰਖਾਂ ਨੂੰ ਕਿਸਨੇ ਭਾੜੇ ਉਤੇ ਲਿਆਂਦਾ ਹੈ, ਜਿਨ੍ਹਾਂ ਨੇ ਇਹ ਪ੍ਰੋਪੋਗੰਡਾ ਲਿਖਿਆ ਹੈ। ਇਕ ਪੂਰੀ ਤਰ੍ਹਾਂ ਅਸੰਬੰਧਿਤ ਹਸਤੀਆਂ ਭਾਰਤ ਨੂੰ ਤੋੜਨ ਦੇ ਲਈ ਸਾਜਿਸ਼ ਰਚ ਰਹੀਆਂ ਹਨ ਅਤੇ ਇਸਦੇ ਲਈ ਉਨ੍ਹਾਂ ਨੂੰ ਪੈਸਾ ਮਿਲਿਆ ਹੈ? ਕੁਝ ਤਾਂ ਸੋਚੋ, ਘੱਟੋ-ਘੱਟ ਇਸਨੂੰ ਕੁਝ ਰਿਅਲਿਸਟਿਕ ਰੱਖਦੇ’।

ਇਸ ਤਰ੍ਹਾਂ ਉਨ੍ਹਾਂ ਨੇ ਸੇਲੇਬ੍ਰੀਟਿਜ਼ ਨੂੰ ਜਵਾਬ ਦਿੱਤਾ। ਦੱਸ ਦਈਏ ਕਿ ਅਮਰੀਕੀ ਪਾਪ ਸਿੰਗਰ ਰਿਹਾਨਾ, ਵਾਤਾਵਰਣ ਕਾਰਜਕਾਰੀ ਗ੍ਰੇਟਾ ਥਨਬਰਗ ਅਤੇ ਮੀਆ ਖਲੀਫ਼ਾ ਦੀ ਤਰ੍ਹਾਂ ਅਮਾਂਡਾ ਸੇਰਨੀ ਨੇ ਵੀ ਇੰਸਟਾਗ੍ਰਾਮ ਉਤੇ ਅਪਣਾ ਪੱਖ ਰੱਖਿਆ ਸੀ। ਅਮਾਂਡਾ ਸੇਰਨੀ ਨੇ ਇੰਸਟਾਗ੍ਰਾਮ ਪੋਸਟ ਵਿਚ ਲਿਖਿਆ ਸੀ, ਦੁਨੀਆ ਦੇਖ ਰਹੀ ਹੈ, ਤੁਹਾਡੇ ਮੁੱਦੇ ਨੂੰ ਸਮਝਣ ਦੇ ਲਈ ਭਾਰਤੀ ਜਾਂ ਪੰਜਾਬੀ ਜਾਂ ਦੱਖਣੀ ਏਸ਼ੀਆਈ ਹੋਣਾ ਜਰੂਰੀ ਨਹੀਂ ਹੈ।

ਤੁਸੀਂ ਸਿਰਫ਼ ਮਾਨਵਤਾ ਦੇ ਹਮਾਇਤੀ ਹੋਣੇ ਚਾਹੀਦੇ ਹੋ। ਹਮੇਸ਼ਾ ਪ੍ਰਗਟਾਵੇ ਦੀ ਆਜ਼ਾਦੀ, ਪ੍ਰੈਸ ਦੀ ਆਜ਼ਾਦੀ, ਬੁਨਿਆਦੀ ਨਾਗਰਿਕ ਅਧਿਕਾਰਾਂ ਲਈ ਵਰਕਰਾਂ ਲਈ ਬਰਾਬਰੀ ਅਤੇ ਸਤਿਕਾਰ ਦੀ ਮੰਗ ਕਰਨੀ ਚਾਹੀਦੀ ਹੈ। #FarmersProtest #InternetShutdown.