ISIS Bangladeshi student gets 42 years jail

ਮੈਲਬਰਨ: ਆਸਟ੍ਰੇਲੀਆ ਦੀ ਯੂਨੀਵਰਸਿਟੀ ਵਿਚ ਪੜ੍ਹਨ ਵਾਲੀ ਇਕ ਬਾਂਗਲਾਦੇਸ਼ੀ ਵਿਦਿਆਰਥਣ ਨੂੰ 42 ਸਾਲ ਜੇਲ੍ਹ ਦਾ ਸਜ਼ਾ ਸੁਣਾਈ ਗਈ ਹੈ। ਇਸ ਔਰਤ ਨੇ ਆਈਐਸਆਈਐਸ ਦੇ ਨਾਂਅ ‘ਤੇ ਚਾਕੂ ਨਾਲ ਅਪਣੇ ਮਕਾਲ ਮਾਲਕ ਦੀ ਹੱਤਿਆ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਮੌਮੇਨਾ ਸ਼ੋਭਾ (26) ਨੇ ਅਤਿਵਾਦੀ ਗਤੀਵੀਧੀਆਂ ਵਿਚ ਸ਼ਾਮਿਲ ਹੋਣ ਅਤੇ ਸੌਂ ਰਹੇ ਮਕਾਲ ਮਾਲਕ ਦੇ ਗਲੇ ‘ਤੇ ਚਾਕੂ ਨਾਲ ਹਮਲਾ ਕਰਨ ਦੀ ਗੱਲ ਨੂੰ ਸਵਿਕਾਰ ਕੀਤਾ ਹੈ। ਇਹ ਔਰਤ ਘਟਨਾ ਤੋਂ ਸਿਰਫ਼ ਅੱਠ ਦਿਨ ਪਹਿਲਾਂ ਹੀ ਆਸਟ੍ਰੇਲੀਆ ਆਈ ਸੀ।

ਵਿਕਟੋਰੀਆ ਸੂਬੇ ਦੇ ਹਾਈ ਕੋਰਟ ਵਿਚ ਸਜ਼ਾ ਸੁਣਾਏ ਜਾਣ ਦੌਰਾਨ ਸ਼ੌਭਾ ਨੇ ਨਕਾਬ ਪਹਿਨਿਆ ਹੋਇਆ ਸੀ ਅਤੇ ਸਿਰਫ਼ ਉਸ ਦੀਆਂ ਅੱਖਾਂ ਹੀ ਦਿਖ ਰਹੀਆਂ ਸਨ। ਫੈਸਲਾ ਸੁਣਾਏ ਜਾਣ ਦੌਰਾਨ ਉਸ ਨੇ ਅੱਲਾਹ ਹੂ ਅਕਬਰ ਦਾ ਨਾਅਰਾ ਵੀ ਲਗਾਇਆ। ਪੀੜਤ ਮਕਾਨ ਮਾਲਕ ਰੋਜਰ ਸਿੰਗਾਰਾਵੇਲੂ ਦਾ ਇਸ ਹਮਲੇ ਵਿਚ ਬਚਾਅ ਹੋ ਗਿਆ ਸੀ ਅਤੇ ਉਹ ਸੁਣਵਾਈ ਸਮੇਂ ਕੋਰਟ ਵਿਚ ਮੌਜੂਦ ਸਨ। ਜਸਟਿਸ ਲੈਸਲੀ ਨੇ ਸ਼ੌਭਾ ਨੂੰ 42 ਸਾਲ ਦੀ ਸਜ਼ਾ ਸੁਣਾਉਂਦੇ ਹੋਏ ਕਿਹਾ ਕਿ ਸਜ਼ਾ ਦੌਰਾਨ ਉਸ ਨੂੰ 31 ਸਾਲ ਛੇ ਮਹੀਨੇ ਤੱਕ ਪੇਰੋਲ ਨਹੀਂ ਮਿਲੇਗੀ।