ਚੀਨ ਦੇ ਖਿਲਾਫ਼ ਪੁਰਾਣੀ ਨੀਤੀ ਕੰਮ ਨਹੀਂ ਆਈ, ਅਪਣਾਉਣਾ ਪਵੇਗਾ ਹੋਰ ਰਸਤਾ - ਮਾਈਕ ਪੋਂਪਿਓ
ਉਨ੍ਹਾਂ ਕਿਹਾ ਕਿ ਧਾਰਮਿਕ ਅਤੇ ਨਸਲੀ ਘੱਟ ਗਿਣਤੀਆਂ ਖਿਲਾਫ ਚੀਨ ਦੀ ਕਾਰਵਾਈ ਸਿਰਫ ਵਧੀ ਹੈ
ਵਸ਼ਿੰਗਟਨ - ਅਮਰੀਕਾ ਦੇ ਵਿਦੇਸ਼ ਮੰਤਰੀ ਮਾਈਕ ਪੋਂਪਿਓ ਨੇ ਕਿਹਾ ਕਿ ਅਮਰੀਕਾ ਨੂੰ ਹੁਣ ਚੀਨ ਨਾਲ ਵੱਖਰੇ ਢੰਗ ਨਾਲ ਪੇਸ਼ ਆਉਣਾ ਪਵੇਗਾ ਕਿਉਂਕਿ ਜ਼ਿਆਦਾ ਰਾਜਨੀਤਿਕ ਆਜ਼ਾਦੀ ਮਿਲਣ ਦੀ ਉਮੀਦ ਵਿੱਚ ਉਹਨਾਂ ਨੂੰ ਆਰਥਿਕ ਅਵਸਰ ਪ੍ਰਦਾਨ ਕਰਨ ਦੀ ਪੁਰਾਣੀ ਨੀਤੀ ਕੰਮ ਨਹੀਂ ਆਈ। ਪੋਂਪਿਓ ਨੇ ਇਕ ਇੰਟਰਵਿਊ ਵਿਚ ਕਿਹਾ, "ਵਧੇਰੇ ਆਰਥਿਕ ਅਵਸਰ ਪ੍ਰਦਾਨ ਕਰਨ ਨਾਲ ਚੀਨ ਦੇ ਲੋਕਾਂ ਨੂੰ ਵਧੇਰੇ ਰਾਜਨੀਤਿਕ ਸੁਤੰਤਰਤਾ ਅਤੇ ਵਧੇਰੇ ਮੌਲਿਕ ਅਧਿਕਾਰ ਮਿਲਣਗੇ, ਇਹ ਸਹੀਂ ਸਾਬਿਤ ਨਹੀਂ ਹੋਇਆ।
ਉਹਨਾਂ ਨੇ ਕਿਹਾ ਕਿ ਮੈਂ ਪੁਰਾਣੇ ਸ਼ਾਸਕਾਂ ਦੀ ਆਲੋਚਨਾ ਨਹੀਂ ਕਰ ਰਿਹਾ, ਅਸੀਂ ਸਪੱਸ਼ਟ ਤੌਰ ਤੇ ਵੇਖ ਸਕਦੇ ਹਾਂ ਕਿ ਇਹ ਸਫਲ ਨਹੀਂ ਹੋਇਆ ਅਤੇ ਇਸਦਾ ਮਤਲਬ ਹੈ ਕਿ ਅਮਰੀਕਾ ਨੂੰ ਇਕ ਹੋਰ ਰਸਤਾ ਅਪਣਾਉਣਾ ਪਵੇਗਾ। ਉਨ੍ਹਾਂ ਕਿਹਾ ਕਿ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸਪੱਸ਼ਟ ਤੌਰ 'ਤੇ ਰਸਤੇ ਦੀ ਅਗਵਾਈ ਕੀਤੀ ਹੈ।
ਪੋਂਪਿਓ ਨੇ ਕਿਹਾ, "ਅਜਿਹਾ ਕਰਨ ਵਾਲਾ ਉਹ ਪਹਿਲਾ ਰਾਸ਼ਟਰਪਤੀ ਹੈ ਅਤੇ ਇਹ ਪੱਖਪਾਤੀ ਨਹੀਂ ਹੈ।" ਇਸ ਤੋਂ ਪਹਿਲਾਂ, ਸਾਰੇ ਰਿਪਬਲੀਕਨ ਅਤੇ ਡੈਮੋਕਰੇਟ ਰਾਸ਼ਟਰਪਤੀਆਂ ਨੇ ਚੀਨ ਨੂੰ ਅਮਰੀਕਾ ਨਾਲ ਵਪਾਰਕ ਸੰਬੰਧ ਸਥਾਪਤ ਕਰਨ ਦਾ ਮੌਕਾ ਦਿੱਤਾ ਸੀ ਜਿਸ ਦਾ ਭੁਗਤਾਨ ਪੂਰੇ ਅਮਰੀਕਾ ਦੇ ਮੱਧ ਵਰਗ ਦੇ ਲੋਕਾਂ ਨੂੰ ਆਪਣੀ ਨੌਕਰੀ ਗੁਆ ਕੇ ਚੁਕਾਉਣਾ ਪਿਆ ਸੀ।
ਉਨ੍ਹਾਂ ਕਿਹਾ, "ਅਸੀਂ ਵੇਖ ਸਕਦੇ ਹਾਂ ਕਿ ਇਸ ਨਾਲ ਨਾ ਸਿਰਫ ਅਮਰੀਕਾ ਦਾ ਆਰਥਿਕ ਨੁਕਸਾਨ ਹੋਇਆ ਹੈ, ਬਲਕਿ ਚੀਨ ਦੇ ਅੰਦਰ ਵੀ ਲੋਕਾਂ ਨਾਲ ਸਹੀ ਵਿਵਹਾਰ ਨਹੀਂ ਕੀਤਾ ਜਾਂਦਾ। ਵਿਦੇਸ਼ ਮੰਤਰੀ ਨੇ ਆਰੋਪ ਲਗਾਇਆ ਕਿ ਰਾਸ਼ਟਰੀ ਸੁਰੱਖਿਆ ਕਾਨੂੰਨ ਨੇ ਹਾਂਗਕਾਂਗ ਦੇ ਲੋਕਾਂ ਦੀ ਆਜ਼ਾਦੀ ਖੋਹ ਲਈ ਹੈ।
ਪੋਂਪਿਓ ਨੇ ਕਿਹਾ, “ਤੁਸੀਂ ਚਾਹੁੰਦੇ ਹੋ ਕਿ ਚੀਨ ਦੇ ਲੋਕ ਸਫ਼ਲ ਹੋਣ, ਚੰਗੀ ਜ਼ਿੰਦਗੀ ਜੀਉਣ ਅਤੇ ਤੁਸੀਂ ਅਮਰੀਕਾ ਨਾਲ ਵੀ ਚੰਗੇ ਸੰਬੰਧ ਚਾਹੁੰਦੇ ਹੋ,
ਪਰ ਅਸੀਂ ਜਾਣਦੇ ਹਾਂ ਕਿ ਖੱਬੇਪੱਖੀ ਸਰਕਾਰ ਕੀ ਕਰਦੀ ਹੈ, ਅਸੀਂ ਜਾਣਦੇ ਹਾਂ ਕਿ ਤਾਨਾਸ਼ਾਹੀ ਹਾਕਮ ਆਪਣੇ ਲੋਕਾਂ ਨਾਲ ਕੀ ਕਰਦਾ ਹੈ। ਲੋਕਾਂ ਨਾਲ ਕਿਹੋ ਜਿਹਾ ਵਿਵਹਾਰ ਕਰਦੀ ਹੈ ਅਤੇ ਇਹ ਉਹ ਹੈ ਜੋ ਅਸੀਂ ਅੱਜ ਚੀਨ ਵਿੱਚ ਵੇਖ ਰਹੇ ਹਾਂ। ਉਨ੍ਹਾਂ ਕਿਹਾ ਕਿ ਧਾਰਮਿਕ ਅਤੇ ਨਸਲੀ ਘੱਟ ਗਿਣਤੀਆਂ ਖਿਲਾਫ ਚੀਨ ਦੀ ਕਾਰਵਾਈ ਸਿਰਫ ਵਧੀ ਹੈ। ਮੰਤਰੀ ਨੇ ਕਿਹਾ ਕਿ ਇਸ ਬਦਸਲੂਕੀ ਨੂੰ ਦੂਰ ਕਰਨ ਲਈ ਅਸੀਂ ਕੂਟਨੀਤਕ ਤੌਰ ‘ਤੇ ਜੋ ਕਰ ਸਕਦੇ ਹਾਂ ਉਹ ਕਰਾਂਗੇ।