Reshma Shot dead by husband

ਖੈਬਰ : ਪਾਕਿਸਤਾਨ ਵਿਚ ਮਹਿਲਾ ਕਲਾਕਾਰਾਂ ਦੇ ਵਿਰੁਧ ਲਗਾਤਾਰ ਵੱਧਦੀ ਹਿੰਸਾ ਦਾ ਇੱਕ ਹੋਰ ਮਾਮਲਾ ਸਾਹਮਣੇ ਆਇਆ ਹੈ। ਹੁਣ ਖੈਬਰ ਪਖਤੂਨ 'ਚ ਅਦਾਕਾਰਾ ਅਤੇ ਗਾਇਕਾ ਰੇਸ਼ਮਾ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿਤੀ ਗਈ ਹੈ। ਰੇਸ਼ਮਾ ਨੂੰ ਕਥਿਤ ਤੌਰ 'ਤੇ ਉਨ੍ਹਾਂ ਦੇ ਪਤੀ ਨੇ ਹੀ ਮਾਰਿਆ ਹੈ। ਹੱਤਿਆ ਦੇ ਪਿੱਛੇ ਜ਼ਮੀਨੀ ਵਿਵਾਦ ਦੱਸਿਆ ਜਾ ਰਿਹਾ ਹੈ। ਇਸ ਤੋਂ ਪਹਿਲਾਂ ਫਰਵਰੀ ਵਿਚ ਮਰਦਾਨ ਵਿਚ ਗਾਇਕਾ ਸੁੰਬਲ ਦੀ ਉਸ ਸਮੇਂ ਹੱਤਿਆ ਕਰ ਦਿਤੀ ਗਈ ਸੀ ਜਦੋਂ ਉਸ ਨੇ ਇੱਕ ਨਿਜੀ ਸਮਾਰੋਹ ਵਿਚ ਸ਼ਾਮਿਲ ਹੋਣ ਤੋਂ ਮਨਾ ਕਰ ਦਿਤਾ ਸੀ।

ਪੁਲਿਸ ਦੇ ਦੱਸਿਆ ਕਿ ਆਰੋਪੀ ਨੇ ਘਰ ਵਿਚ ਵੜਦੇ ਹੀ ਗੋਲੀਆਂ ਚਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ। ਇਸ ਹਮਲੇ ਵਿਚ ਰੇਸ਼ਮਾ ਬੁਰੀ ਤਰ੍ਹਾਂ ਜ਼ਖ਼ਮੀ ਹੋ ਗਈ ਅਤੇ ਮੌਕੇ 'ਤੇ ਹੀ ਦਮ ਤੋਡ਼ ਦਿਤਾ। ਇਸ ਤੋਂ ਬਾਅਦ ਆਰੋਪੀ ਨੇ ਇਸ ਨੂੰ ਲੁੱਟ ਦਾ ਮਾਮਲਾ ਬਣਾਉਣ ਲਈ ਕਹਾਣੀ ਬਣਾਈ। ਮਾਮਲਾ ਇਕ ਅਗਸ‍ਤ ਦਾ ਹੈ। ਪੁਲਿਸ ਨੇ ਦੱਸਿਆ ਕਿ ਇਹ ਘਟਨਾ ਖੈਬਰ ਪਖਤੂਨਖਵਾ ਸੂਬੇ ਦੇ ਨੌਸ਼ੇਰਾ ਜਿਲ੍ਹੇ ਦੇ ਨੌਸ਼ੇਰਾ ਕਲਾਂ ਇਲਾਕੇ ਵਿਚ ਹੋਈ। ਇਕ ਅਖਬਾਰ ਦੀ ਖਬਰ ਮੁਤਾਬਕ 35 ਸਾਲ ਦੀ ਰੇਸ਼ਮਾ ਦੇ ਭਰਾ ਓਬੈਦੁੱਲਾ ਨੇ ਸਥਾਨਕ ਥਾਣੇ ਵਿਚ ਉਨ੍ਹਾਂ ਦੀ ਹੱਤਿਆ ਦੀ ਐਫ਼ਆਈਆਰ ਦਰਜ ਕਰਵਾਈ ਹੈ।

ਉਸ ਵਿਚ ਉਨ੍ਹਾਂ ਨੇ ਇਹ ਆਰੋਪ ਅਪਣੇ ਭਣੌਈਆ ਫ਼ਵਾਦ ਖਾਨ 'ਤੇ ਲਗਾਇਆ ਹੈ। ਐਫਆਈਆਰ ਦੇ ਮੁਤਾਬਕ ਰੇਸ਼ਮਾ ਦਾ ਪਤੀ ਫ਼ਵਾਦ ਖਾਨ ਰਹਿਮਾਬਾਦ ਦਾ ਨਿਵਾਸੀ ਹੈ। ਉਹ ਵਿਦੇਸ਼ ਵਿਚ ਕੰਮ ਕਰਦਾ ਸੀ ਅਤੇ ਹਾਲ ਹੀ ਵਿਚ ਅਪਣੇ ਦੇਸ਼ ਆਇਆ ਸੀ। ਉਸ ਦੇ ਅਤੇ ਰੇਸ਼ਮਾ ਦੇ ਵਿਚ ਘਰੇਲੂ ਵਿਵਾਦ ਚਲ ਰਹੇ ਸੀ। ਇਸ ਲਈ ਰੇਸ਼ਮਾ ਅਪਣੇ ਮਾਤਾ - ਪਿਤਾ ਨਾਲ ਰਹਿ ਰਹੀ ਸੀ।

ਪੁਲਿਸ ਮੁਤਾਬਕ ਫ਼ਵਾਦ ਬੁੱਧਵਾਰ ਨੂੰ ਅਪਣੀ ਪਤਨੀ ਨੂੰ ਵਾਪਸ ਘਰ ਆਉਣ ਲਈ ਮਨਾਉਣ ਦੀ ਖਾਤਰ ਸਹੁਰਾ-ਘਰ ਗਿਆ ਸੀ ਪਰ ਰੇਸ਼ਮਾ ਉਸ ਨਾਲ ਜਾਣ ਲਈ ਤਿਆਰ ਨਹੀਂ ਹੋਈ। ਰੇਸ਼ਮਾ ਦੇ ਮਨ੍ਹਾ ਕਰਨ ਤੋਂ ਗੁੱਸੇ ਵਿਚ ਆ ਕੇ ਫ਼ਵਾਦ ਨੇ ਉਸ ਉਤੇ ਗੋਲੀ ਚਲਾ ਦਿਤੀ। ਰੇਸ਼ਮਾ ਦੀ ਘਟਨਾ ਥਾਂ 'ਤੇ ਹੀ ਮੌਤ ਹੋ ਗਈ।