California blazes threaten populated areas

ਕੈਲੀਫੋਰਨੀਆ : ਅਮਰੀਕਾ ਦੇ ਕੈਲੀਫੋਰਨੀਆ ਸੂਬੇ ਦੇ ਜੰਗਲਾਂ ਵਿਚ ਲੱਗੀ ਭਿਆਨਕ ਅੱਗ ਆਲੇ ਦੁਆਲੇ ਦੇ ਇਲਾਕਿਆਂ ਦੇ ਵੱਲ ਵੱਧ ਰਹੀ ਹੈ ਨਾਲ ਹੀ ਅੱਗ ਬੁਝਾ ਰਹੇ ਅਧਿਕਾਰੀਆਂ ਨੇ ਖੇਤਰ ਨੂੰ ਖਾਲੀ ਕਰਨ ਦੇ ਆਦੇਸ਼ ਦਿਤੇ ਹਨ। ਅਧਿਕਾਰੀ ਲੱਗਭੱਗ ਇਕ ਮਹੀਨੇ ਪਹਿਲਾਂ ਲੱਗੀ ਇਸ ਭਿਆਨਕ ਅੱਗ ਨੂੰ ਬੁਝਾਉਣ ਲਈ ਲਗਾਤਾਰ ਜੂਝ ਰਹੇ ਹਨ।

ਇਸ ਅੱਗ ਤੋਂ ਨਿਕਲਣ ਵਾਲੇ ਧੁਏਂ ਨਾਲ ਉਥੇ ਹਵਾ ਦੀ ਗੁਣਵੱਤਾ ਬੇਹੱਦ ਖ਼ਰਾਬ ਹੋ ਚੁੱਕੀ ਹੈ, ਇਸ ਵਜ੍ਹਾ ਨਾਲ ਖ਼ਤਰੇ ਨੂੰ ਦੇਖਦੇ ਹੋਏ ਉਨ੍ਹਾਂ ਇਲਾਕਿਆਂ ਤੋਂ ਲੋਕਾਂ ਨੂੰ ਕੱਢਣ ਦੇ ਆਦੇਸ਼ ਦਿਤੇ ਗਏ ਹਨ ਅਤੇ ਸਿਹਤ ਚਿਤਾਵਨੀਆਂ ਜਾਰੀ ਕੀਤੀਆਂ ਗਈਆਂ ਹਨ। ਜੰਗਲ ਵਿਚ ਅੱਗ ਲੱਗਣ ਦੇ ਕਰੀਬ ਇਕ ਮਹੀਨੇ ਬਾਅਦ ਨੈਸ਼ਨਲ ਵੈਦਰ ਸਰਵਿਸ ਨੇ ਸੈਟੇਲਾਈਟ ਨਾਲ ਲਈ ਗਈ ਅੱਗ ਦੀ ‘ਵਿਸ਼ਾਲ ਧੁਏਂ’ ਦੀ ਤਸਵੀਰ ਜਾਰੀ ਕਰਦੇ ਹੋਏ ਲੋਕਾਂ ਨੂੰ ਸੁਚੇਤ ਕੀਤਾ ਹੈ,

ਜਿਸ ਵਿਚ ਦਿਖ ਰਿਹਾ ਹੈ ਕਿ ਇਹ ਅਮਰੀਕਾ ਦੇ ਉਤਰੀ ਮੈਦਾਨੀ ਖੇਤਰ ਤੋਂ ਪਹਿਲਾਂ ਪੱਛਮ ਅਤੇ ਮੱਧ ਕੈਨੇਡਾ ਦੇ ਵੱਲ  ਵੱਧ ਰਹੀ ਹੈ। ਨੇੜੇ ਦੇ ਸੂਬੇ ਅਰੀਜੋਨਾ 'ਚ ਸਥਿਤ ‘ਕੈਬਾਬ ਨੈਸ਼ਨਲ ਫਾਰੇਸਟ’ ਨੇ ਚਿਤਾਵਨੀ ਜਾਰੀ ਕੀਤੀ ਕਿ ਇਸ ਜੰਗਲੀ ਅੱਗ ਤੋਂ ਪੂਰੇ ਪੱਛਮ ਖੇਤਰ ਵਿਚ ਧੁੰਧ ਛਾ ਗਈ ਹੈ। ਉਤਰੀ ਕੈਲੀਫੋਰਨੀਆ ਵਿਚ ਸਿਹਤ ਸਬੰਧੀ ਚਿਤਾਵਨੀ ਜਾਰੀ ਕੀਤੀ ਜਾ ਰਹੀ ਹੈ,

ਜਿਥੇ ਹਵਾ ਦੀ ਗੁਣਵੱਤਾ ਬੇਹੱਦ ਖ਼ਰਾਬ ਹੋ ਚੁਕੀ ਹੈ, ਜੋ ਬੱਚਿਆਂ ਅਤੇ ਬਜ਼ੁਰਗ ਲੋਕਾਂ ਲਈ ਖ਼ਤਰਨਾਕ ਸਾਬਤ ਹੋ ਸਕਦੀ ਹੈ। ‘ਮੈਂਡੋਸਿਨੋ ਕੰਪਲੈਕਸ’ ਨੂੰ ਕੈਲੀਫੋਰਨੀਆ ਦੇ ਇਤਹਾਸ ਦੀ ਸੱਭ ਤੋਂ ਭਿਆਨਕ ਅੱਗ ਐਲਾਨ ਕੀਤਾ ਗਿਆ ਹੈ।  ਅੱਗ ਬੁਝਾਉਣ ਵਿਚ 14,000 ਤੋਂ ਜ਼ਿਆਦਾ ਦਮਕਲ ਕਰਮਚਾਰੀ ਲੱਗੇ ਹੋਏ ਹਨ।