Two-year-old Fatehvir Singh

ਮੈਲਬੋਰਨ  : (ਪਰਮਵੀਰ ਸਿੰਘ ਆਹਲੂਵਾਲੀਆ) 2 ਸਾਲਾਂ ਮਾਸੂਮ ਫਤਿਹਵੀਰ ਸਿੰਘ ਜੋ ਕਿ ਆਪਣੇ ਘਰ ਬਾਹਰ ਬਣੇ ਬੋਰਵੈੱਲ ਵਿਚ  6ਜੂਨ ਨੂੰ ਡਿੱਗ ਪਿਆ ਸੀ ਦੀ ਲਾਸ਼ ਬੀਤੇ ਕੱਲ ਬਾਹਰ ਕੱਢੇ ਜਾਣ ਤੋ ਬਾਅਦ ਜਿਥੇ ਸਮੁੱਚੇ ਪੰਜਾਬ ਦੇ ਲੋਕਾਂ 'ਚ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ ਉਥੇ ਹੀ ਪ੍ਰਵਾਸੀਆ ਵਿਚ ਵੀ ਸਰਕਾਰ ਅਤੇ ਸਿਸਟਮ ਦੇ ਬੁਰੀ ਤਰ੍ਹਾਂ ਨਾਲ ਫੇਲ੍ਹ ਹੋਣ ਦੇ ਕਾਰਨ ਗੁੱਸੇ ਦੀ ਲਹਿਰ ਹੈ। ਆਸਟ੍ਰੇਲੀਆ 'ਚ ਵੱਸਦੇ ਸਮੁੱਚੇ ਭਾਰਤੀਆਂ ਖਾਸ ਕਰਕੇ ਪੰਜਾਬੀਆਂ ਦੇ ਜਿਹਨ 'ਚ ਬਹੁਤ ਸਾਰੇ ਸਵਾਲ ਹਨ ਜਿਵੇ ਕਿ ਆਪਣੇ ਆਪ ਨੂੰ ਡਿਜ਼ੀਟਲ ਕਹਾਉਣ ਵਾਲੇ ਦੇਸ਼ ਕੋਲ ਬੱਚੇ ਨੂੰ ਸੁਰੱਖਿਅਤ ਕੱਢਣ ਲਈ ਲੋੜੀਦੇ ਸਾਧਨ ਕਿਉਂ ਨਹੀਂ ਸਨ।

ਪਹਿਲੇ ਹੀ ਦਿਨ ਫੌਜ ਕਿਉਂ ਨਹੀ ਸੱਦੀ ਗਈ। ਸੌਦਾ ਸਾਧ ਦੇ ਡੇਰੇ ਨਾਲ ਸਬੰਧ ਰੱਖਣ ਵਾਲੇ ਲੋਕਾਂ ਨੂੰ ਕਮਾਂਡ ਕਿਉ ਦਿੱਤੀ ਗਈ। ਸਰਕਾਰ ਨੇ ਇਸ ਮੁੱਦੇ ਨੂੰ ਗੰਭੀਰਤਾ ਨਾਲ ਹੱਲ ਕਰਨ ਦੀ ਕੌਸਿਸ ਕਿਉਂ ਨਹੀਂ ਕੀਤੀ ਆਦਿ ਸਵਾਲਾਂ ਦੇ ਨਾਲ ਨਾਲ ਪ੍ਰਵਾਸੀ ਪੰਜਾਬੀਆ 'ਚ ਸਰਕਾਰ ਅਤੇ ਸਿਸਟਮ ਖਿਲਾਫ਼ ਅੰਤਾਂ ਦਾ ਰੋਹ ਪਾਇਆ ਜਾ ਰਿਹਾ ਹੈ।