Photo

ਮੈਕਸੀਕੋ: ਅਮਰੀਕਾ ਵਿਚ ਗੈਰ-ਕਾਨੂੰਨੀ ਤਰੀਕੇ ਨਾਲ ਦਾਖਲ ਹੋਣ ਦੇ ਲਈ ਘੂਸਪੈਠੀਏ ਕੁੱਝ ਵੀ ਕਰਨ ਨੂੰ ਤਿਆਰ ਹਨ। ਪਹਿਲਾਂ ਕਈਂ ਵਾਰ ਟਰਾਂਸਪੋਰਟਰ ਦੀ ਮਦਦ ਨਾਲ ਘੂਸਪੈਠੀਏ ਮੈਕਸੀਕੋ ਸਰਹੱਦ ਦੇ ਸਹਾਰੇ ਅਮਰੀਕਾਂ ਵਿਚ ਦਾਖਲ ਹੋਣ ਦੀ ਕੌਸ਼ਿਸ਼ ਕਰ ਚੁੱਕੇ ਹਨ ਪਰ ਇਸ ਵਾਰ ਘੂਸਪੈਠੀਆਂ ਨੇ ਵੱਖਰਾ ਹੀ ਅਜੀਬੋ-ਗਰੀਬ ਤਰੀਕਾ ਅਪਣਾਇਆ ਹੈ। ਉਹ ਕਾਫ਼ੀ ਡਰਾਉਣ ਵਾਲਾ ਹੈ।

ਦਰਅਸਲ ਮੈਕਸੀਕੋ ਸਰਹੱਦ ਉੱਤੇ ਜਦੋਂ ਪੁਲਿਸ ਨੇ ਇਕ ਕੰਟੇਨਰ ਨੂੰ ਰੋਕਿਆ ਅਤੇ ਉਸ ਦੀ ਜਾਂਚ ਕੀਤੀ ਤਾਂ ਪਤਾ ਚੱਲਿਆ ਕਿ ਕੰਟੇਨਰ ਦੇ ਅੰਦਰ ਕੱਪੜੇ ਧੋਣ ਵਾਲੀ ਮਸ਼ੀਨ ਅਤੇ ਫਰਨੀਚਰ ਭਰਿਆ ਹੋਇਆ ਹੈ। ਜਦੋਂ ਪੁਲਿਸ ਨੇ ਵਾਸ਼ਿੰਗ ਮਸ਼ੀਨ ਦਾ ਢੱਕਣ ਖੋਲਿਆ ਤਾੰ ਉਹ ਵੀ ਹੈਰਾਨ ਰਹਿ ਗਏ। ਕੱਪੜੇ ਧੋਣ ਵਾਲੀ ਮਸ਼ੀਨ ਅਤੇ ਫਰਨੀਚਰ ਅੰਦਰ ਇਨਸਾਨ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਸੱਭ ਚੀਨ ਦੇ ਨਾਗਰਿਕ ਹਨ। 

ਅਮਰੀਕਾ ਮੈਕਸੀਕੋ ਦੀ ਸਰਹੱਦ ਤੇ 11 ਚੀਨੀ ਨਾਗਰਿਕਾਂ ਨੂੰ ਗਿਰਫ਼ਤਾਰ ਕੀਤਾ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸ਼ਨਿੱਚਰਵਾਰ ਨੂੰ ਜਦੋਂ ਇਕ ਕੰਨਟੇਨਰ  ਮੈਕਸੀਕੋ ਤੋਂ ਅਮਰੀਕਾ ਵੱਲ ਜਾ ਰਿਹਾ ਸੀ ਤਾਂ ਪੁਲਿਸ ਪੈਟਰੋਲਿੰਗ ਕੰਪਨੀ ਨੇ ਕੰਟੇਨਰ ਦੀ ਤਲਾਸ਼ੀ ਸ਼ੁਰੂ ਕਰ ਦਿੱਤੀ। ਜਾਂਚ ਵਿਚ ਪਤਾ ਚੱਲਿਆ ਕਿ ਟਰੱਕ ਦੇ ਅੰਦਰ ਵਾਸ਼ਿੰਗ ਮਸ਼ੀਨ ਅਤੇ ਫਰਨੀਚਰ ਰੱਖੇ ਹੋਏ ਹਨ। ਜਦੋਂ ਇਨ੍ਹਾਂ ਫਰਨੀਚਰਾਂ ਅਤੇ ਵਾਸ਼ਿੰਗ ਮਸ਼ੀਨਾ ਦੀ ਜਾਂਚ ਕੀਤੀ ਗਈ ਤਾਂ ਉਸ ਵਿਚ ਚੀਨੀ ਨਾਗਰਿਕ ਬੰਦ ਮਿਲੇ । ਮੈਕਸੀਕੋ ਪੁਲਿਸ ਨੇ ਸਾਰੇ ਨਾਗਰਿਕਾਂ ਅਤੇ ਟਰੱਕ ਡਰਾਇਵਰਾਂ ਨੂੰ ਗਿਰਫ਼ਤਾਰ ਕਰ ਲਿਆ ਹੈ। ਸ਼ੁਰੂਆਤੀ ਜਾਂਚ ਵਿਚ ਪਤਾ ਚੱਲਿਆ ਹੈ ਕਿ ਟਰੱਕ ਦਾ ਡਰਾਇਵਰ ਅਮਰੀਕੀ ਨਾਗਰਿਕ ਹੈ।

ਦੱਸ ਦਈਏ ਕਿ ਅਮਰੀਕਾ ਅਤੇ ਚੀਨ ਦੇ ਵਿਚਾਲੇ ਚੱਲ ਰਹੇ ਟਰੇਡ ਵਾਰ ਦੇ ਚਲਦੇ ਚੀਨ ਦੇ ਨਾਗਰਿਕਾਂ ਨੂੰ ਅਮਰੀਕੀ ਵੀਜ਼ਾ ਲੈਣ ਵਿਚ ਕਾਫ਼ੀ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਅਮਰੀਕਾ ਨੇ ਚੀਨ ਦੇ ਸ਼ਿੰਜਯਾਗ ਪ੍ਰਾਂਤ ਵਿਚ ਚੀਨੀ ਅਧਿਕਾਰੀਆਂ 'ਤੇ ਵੀ ਵੀਜ਼ੇ ਨੂੰ ਲੈ ਕੇ ਪਾਬੰਦੀ ਲਗਾ ਦਿੱਤੀ ਹੈ।