'ਰੈਫ਼ਰੈਂਡਮ 2020' ਵਿਅਰਥ ਮੁੱਦਾ : ਭਾਰਤੀ ਰਾਜਦੂਤ
ਅਮਰੀਕਾ ਵਿਚ ਭਾਰਤ ਦੇ ਰਾਜਦੂਤ ਹਰਸ਼ਵਰਧਨ ਸ਼੍ਰਿੰਗਲਾ ਨੇ ਕਿਹਾ ਕਿ ''ਮੁੱਠੀ ਭਰ'' ਸਿੱਖਾਂ ਦਾ ਸਮਰਥਨ ਪ੍ਰਾਪਤ ਰੈਫਰੈਂਡਮ.....
ਵਾਸ਼ਿੰਗਟਨ : ਅਮਰੀਕਾ ਵਿਚ ਭਾਰਤ ਦੇ ਰਾਜਦੂਤ ਹਰਸ਼ਵਰਧਨ ਸ਼੍ਰਿੰਗਲਾ ਨੇ ਕਿਹਾ ਕਿ ''ਮੁੱਠੀ ਭਰ'' ਸਿੱਖਾਂ ਦਾ ਸਮਰਥਨ ਪ੍ਰਾਪਤ ਰੈਫਰੈਂਡਮ 2020 ਇਕ ਵਿਅਰਥ ਮੁੱਦਾ ਹੈ। ਜਿਸਦਾ ਭਾਰਤ ਦਾ ਵਿਰੋਧ ਕਰਨ ਵਾਲਾ ਇਕ ਗੁਆਂਢੀ ਦੇਸ਼ ਸਮਰਥਨ ਕਰ ਰਿਹਾ ਹੈ। ਸ਼੍ਰੀਂਗਲਾ ਨੇ ਐਤਵਾਰ ਨੂੰ ਕਿਹਾ ਕਿ ਇਸ ਦਾ ਮੁੱਠੀ ਭਰ ਲੋਕਾਂ ਦੁਆਰਾ ਸਮਰਥਨ ਕੀਤਾ ਜਾ ਰਿਹਾ ਹੈ। ਜਿਨ੍ਹਾਂ ਨੂੰ ਕਮਿਊਨਿਟੀ ਦਾ ਬਹੁਤ ਹੀ ਥੋੜਾ ਸਮਰਥਨ” ਹੈ। ਉਨ੍ਹਾਂ ਕਿਹਾ ਕਿ ਅਜਿਹੇ ਸਮੂਹ 'ਅਤਿਵਾਦੀ ਕਾਰਵਾਈਆਂ' ਕਰ ਰਹੇ ਹਨ। ਇਹ ਪਹਿਲਾ ਮੌਕਾ ਹੈ ਜਦੋਂ ਕਿਸੇ ਚੋਟੀ ਦੇ ਭਾਰਤੀ ਰਾਜਦੂਤ ਨੇ 'ਰੈਫਰੈਂਡਮ 2020' ਦੇ ਵਿਰੁਧ ਖੁੱਲ੍ਹ ਕੇ ਬੋਲਿਆ ਹੈ। ਵੱਖਵਾਦੀ ਸਿੱਖ ਖਾਲਿਸਤਾਨ ਦੇ ਗਠਨ ਸੰਬੰਧੀ 'ਰੈਫਰੈਂਡਮ 2020' ਦੀ ਹਮਾਇਤ ਕਰ ਰਹੇ ਹਨ।
ਉਨ੍ਹਾਂ ਨੇ ਬਾਲਟੀਮੋਰ ਦੇ ਇਕ ਗੁਰੂਦੁਆਰੇ ਦੇ ਦਰਸ਼ਨ ਕਰਨ ਤੋਂ ਬਾਅਦ ਪੱਤਰਕਾਰਾਂ ਨੂੰ ਕਿਹਾ, “ਸਰਬੱਤ ਦੇ ਲੋਕ (ਰੈਫਰੈਂਡਮ ਦੇ) ਮੁੱਠੀ ਭਰ ਲੋਕ ਹਨ। ਅਖੌਤੀ ਰੈਫਰੈਂਡਮ 2020 ਇਕ ਬੇਕਾਰ ਮੁੱਦਾ ਹੈ।'' ਸ਼੍ਰੀਂਗਲਾ ਨੇ ਕਿਹਾ, “ਉਹ ਨਿਰਾਸ਼ ਹੋ ਰਹੇ ਹਨ ਅਤੇ ਅਤਿਵਾਦ ਅਤੇ ਕੱਟੜਪੰਥੀ ਹਰਕਤਾਂ ਕਰ ਰਹੇ ਹਨ। ਮੈਨੂੰ ਲਗਦਾ ਹੈ ਕਿ ਇਹ ਅਤੀਤ ਦੀ ਗੱਲ ਹੋ ਜਾਵੇਗੀ।'' ”ਇਕ ਸਵਾਲ ਦਾ ਜਵਾਬ ਦਿੰਦਿਆਂ ਉਨ੍ਹਾਂ ਨੇ ਰੈਫਰੈਂਡਮ ਦਾ ਮਾਮਲਾ ਚੁੱਕਣ ਵਾਲਿਆਂ ਨੂੰ ਪਾਕਿਸਤਾਨ ਦਾ ਏਜੰਟ ਕਿਹਾ। ਸ਼੍ਰੀਂਗਲਾ ਨੇ ਕਿਹਾ, “''ਜਿਵੇਂ ਕਿ ਅਸੀਂ ਜਾਣਦੇ ਹਾਂ ਕਿ ਸਾਡਾ ਗੁਆਂਢੀ ਦੇਸ਼ ਇਨ੍ਹਾਂ ਲੋਕਾਂ ਦਾ ਸਮਰਥਨ ਕਰ ਰਿਹਾ ਹੈ, ਜੋ ਲਗਾਤਾਰ ਸਾਡਾ ਵਿਰੋਧ ਕਰਦੇ ਆ ਰਹੇ ਹਨ। ਉਹ ਉਸ ਦੇਸ਼ ਦੇ ਏਜੰਟ ਹਨ। ਉਨ੍ਹਾਂ ਨੇ ਝੂਠੀ ਅਫ਼ਵਾਹਾਂ ਫੈਲਾਈ ਹੈ ਅਤੇ ਇਸ ਦਾ ਗਲਤ ਪ੍ਰਚਾਰ ਕੀਤਾ ਹੈ। ”
ਉਨ੍ਹਾਂ ਨੇ ਅਮਰੀਕਾ ਅਤੇ ਭਾਰਤ ਦਰਮਿਆਨ ਸੰਬੰਧ ਮਜ਼ਬੂਤ ਕਰਨ ਵਿਚ ਸਿੱਖਾਂ ਦੀ ਭੂਮਿਕਾ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ, ''ਅਸੀਂ ਵੱਡੇ ਭਾਈਚਾਰੇ ਭਾਈਚਾਰੇ ਨਾਲ ਕੰਮ ਕਰਨਾ ਜਾਰੀ ਰੱਖਾਂਗੇ ਅਤੇ ਛੋਟੇ ਅਤੇ ਸੁੰਗੜੇ ਹੋਏ ਭਾਈਚਾਰੇ ਨੂੰ ਨਜ਼ਰਅੰਦਾਜ਼ ਕਰਾਂਗੇ। '' ਸਿੱਖਾਂ ਦੀ ਰਵਾਇਤੀ ਦਸਤਾਰ ਅਤੇ ਚਿੱਟੇ ਕੁੜਤੇ ਤੇ ਪਜਾਮਾ ਪਹਿਨ ਕੇ ਰਾਜਦੂਤ ਨੇ ਸਿੱਖ ਐਸੋਸੀਏਸ਼ਨ ਆਫ਼ ਬਾਲਟੀਮੋਰ ਗੁਰਦੁਆਰਾ ਅਤੇ 'ਸਿੱਖਸ ਫੋਰ ਅਮਰੀਕਾ' ਵਲੋਂ ਆਯੋਜਿਤ ਇਕ ਪ੍ਰੋਗਰਾਮ ਵਿਚ ਸਿੱਖ ਭਾਈਚਾਰੇ ਦੇ ਮੈਂਬਰਾਂ ਨਾਲ ਗੱਲਬਾਤ ਕੀਤੀ।
ਉਨ੍ਹਾਂ ਕਿਹਾ ਕਿ ਮੋਦੀ ਸਰਕਾਰ ਨੇ ਭਾਈਚਾਰੇ ਦੀਆਂ ਸਮੱਸਿਆਵਾਂ ਦੇ ਹੱਲ ਲਈ ਕਦਮ ਚੁੱਕੇ ਹਨ। ਉਨ੍ਹਾਂ ਕਿਹਾ ਕਿ ਭਾਈਚਾਰੇ ਦੇ ਨਾਮਵਰ ਮੈਂਬਰਾਂ ਨਾਲ 12 ਨਵੰਬਰ ਨੂੰ ਭਾਰਤੀ ਦੂਤਘਰ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਵੇਂ ਪ੍ਰਕਾਸ਼ ਪੂਰਬ ਨੂੰ ਮਨਾਉਣ ਦੀ ਯੋਜਨਾ ਬਣਾ ਰਿਹਾ ਹੈ। ਸ਼੍ਰੀਂਗਲਾ ਨੇ ਕਿਹਾ, “ਇਹ ਇਕ ਸ਼ਾਨਦਾਰ ਸਮਾਰੋਹ ਹੋਵੇਗਾ। ਕਾਂਗਰਸ ਦੇ ਮੈਂਬਰ ਅਤੇ ਅਮਰੀਕਾ ਦੇ ਮਹੱਤਵਪੂਰਨ ਲੋਕ ਇਸ ਵਿਚ ਹਿੱਸਾ ਲੈਣਗੇ। ਇਹ ਨਾ ਸਿਰਫ ਸਿੱਖ ਭਾਈਚਾਰੇ ਦੀ ਸਫਲਤਾ ਦਾ ਪ੍ਰਤੀਕ ਹੈ, ਬਲਕਿ ਭਾਰਤ ਅਤੇ ਅਮਰੀਕਾ ਦਰਮਿਆਨ ਮਜ਼ਬੂਤ ਸਬੰਧਾਂ ਦਾ ਵੀ ਸਮਰਥਨ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।