Mexico Police Officers

ਮੈਕਸੀਕੋ ਸਿਟੀ : ਮੈਕਸੀਕੋ ਦੇ ਪੁਬੇਲਾ ਸੂਬੇ 'ਚ 6 ਪੁਲਿਸ ਮੁਲਾਜ਼ਮਾਂ ਦੀ ਹਤਿਆ ਕਰ ਦਿਤੀ ਗਈ। ਇਥੇ ਸਰਗਰਮ ਕਈ ਗਰੋਹ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ, ਤੇਲ ਚੋਰੀ ਅਤੇ ਅਗ਼ਵਾ ਜਿਹੀ ਵਾਰਦਾਤਾਂ ਨੂੰ ਅੰਜਾਮ ਦਿੰਦੇ ਰਹਿੰਦੇ ਹਨ। ਸਥਾਨਕ ਅਧਿਕਾਰੀ ਨੇ ਦਸਿਆ ਕਿ ਪੀੜ੍ਹੜਾਂ 'ਚ ਪੰਜ ਮਰਦ ਅਤੇ ਇਕ ਔਰਤ ਸ਼ਾਮਲ ਹੈ।

ਸੁਰੱਖਿਆ ਮੰਤਰੀ ਜੀਸਸ ਮੋਰਾਲੋਂਸ ਨੇ ਦਸਿਆ ਕਿ ਪੇਂਡੂ ਇਲਾਕੇ 'ਚ ਘਟਨਾ ਵਾਲੀ ਥਾਂ ਤੋਂ ਅਧਿਕਾਰੀਆਂ ਨੂੰ ਤੇਲ ਦਾ ਇਕ ਨਾਜਾਇਜ਼ ਟੈਂਕਰ ਮਿਲਿਆ ਹੈ। ਹਥਿਆਰਾਂ ਦੇ ਨਾਲ ਦੋ ਸ਼ੱਕੀਆਂ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਪੁਬੇਲਾ 'ਚ ਪੁਲਿਸ ਅਤੇ ਅਪਰਾਧਕ ਗਰੋਹਾਂ ਵਿਚਕਾਰ ਅਕਸਰ ਝੜਪਾਂ ਹੁੰਦੀਆਂ ਰਹਿੰਦੀਆਂ ਹਨ। ਇਥੇ 90 ਫ਼ੀ ਸਦੀ ਹਿੰਸਕ ਘਟਨਾਵਾਂ 'ਚ ਕੋਈ ਕਾਨੂੰਨੀ ਕਾਰਵਾਈ ਨਹੀਂ ਹੁੰਦੀ। (ਪੀਟੀਆਈ)